Wurtagol 34:15 - Dewtere Laamɗo Fulfulde Burkina Faso

¹⁵ Kakkilaa taa ngaɗidaa amaana e jooɗiiɓe ley leydi ndiin sabo nyannde ɓe ngaɗanta allaaji maɓɓe iidi lallere e sakkande ɗi fu, ɓe mbaantete de nyaamaa ko ɓe cakki ɗuum,

Wurtagol 34:15 ပူးပေါင်းရင်းမြစ်များ

1 Kabaaruuji Laamiiɓe 5:25

Ammaa ɓe mbonnii amaana Laamɗo maamiraaɓe maɓɓe oon. Ɓe tottitake ɗum de ɓe ɗowtanii allaaji lenyi ɗi halki yeeso maɓɓe ɗiin.

Isira 6:9

Kokkon ɓe ko ɓe kaajaa nyannde fuu. Ko ɓe kaajaa hono nga'i maa jawɗi maa damɗi faa ɓe ngaɗa sadaka buleteeɗo, maa alkama maa lamɗam maa cabijam maa nebbam jaytun, kokkon ɓe ɗum faa ɓe cakkana Laamɗo Toowɗo.

Isira 9:12

Saabe majjum, taa ɓaŋanon sukaaɓe mooɗon worɓe sukaaɓe maɓɓe rewɓe, wooɗi du, taa accon sukaaɓe mooɗon rewɓe ndewlee sukaaɓe maɓɓe worɓe. Taa muuyanee ɓe fuu ko wooɗi faa abada. Si on ngaɗii ko mbiimi on ɗuum fu, on laatoto semmbinɗinɓe, on nyaaman barke leydi ndiin, wooɗi du, ɓiɓɓe mooɗon ndonan ndi, ndi laatoo dongu muɓɓen faa abada.»

Wurtagol 22:19

Kirsanɗo alla feereejo fuu halkee. Wo Joomiraaɗo tan sakkantee.

Wurtagol 22:20

Taa ngaɗaa beero ko boni, taa torraa ɗum. Ngam onon du, on laatakeno weerɓe ley leydi Misira.

Wurtagol 23:32

Taa kaɓɓidon e maɓɓe kamɓe e tooruuji maɓɓe fuu amaana.

Wurtagol 32:8

Ɓe njoppii laawol am law, ɓe njokkaay ko njamirmi ɓe. Ɓe ngaɗanii ko'e maɓɓe tooru ndu alhaali ga'el, ɓe kippake yeeso maggel, ɓe cakkanii ngel sadakaaji, iɓe mbi'a: «Israa'iila, inan allaaji maaɗa, burtinɗi ma leydi Misira!»

Wurtagol 34:10

Joomiraaɗo jaabii wi'i: — Miin e hoore am mi waɗan amaana. Mi waɗan yeeso yimɓe ɓeen kujje kaayniiɗe ɗe ngaɗaynoo abada ley adunaaru, ko waɗaayno yeeso lenyol fay gootol du. Lenyi piiliiɗi ma ɗiin fuu nji'an baawɗe Joomiraaɗo, ɓe nji'an ko ngaɗananmaami ɗuum no hulɓinorii.

Wurtagol 34:12

Kakkilaa, taa ngaɗidaa amaana e jooɗiiɓe ley leydi ndi naatoton ndiin, taa ɗum laatanoo on fergorde.

Lewinkooɓe 17:7

Noon waɗata de Israa'iila'en cela hooƴude kirsamaaji muɓɓen na cakkana tooruuji damɗi ɗi cujidanta ɗiin. Wo ɗum yamiroore nde ɗowtantoɗon onon e ƴuwdi mooɗon ley jamaanuuji fuu faa abada.

Limle 15:39

Noon waɗata faa nde nji'oyɗon bukki ɗiin fu, miccitoɗon jamirooje Joomiraaɗo de ngaɗon ko wi'i taa ɓerɗe mooɗon maa gite mooɗon ngaddana on luttude yamiroore makko.

Limle 25:1

Israa'iila jooɗii nokkuure wi'eteende Sittim. Ɗoon ɓe puɗɗi fijidinde e surbaaɓe Mo'ab.

Limle 25:2

Surbaaɓe ɓeen na mbaantoo ɓe sadakaaji ɗi ngaɗanta allaaji muɓɓen. Iɓe nyaamda e muɓɓen wooɗi du, iɓe cujidana allaaji ɗiin.

Golle Nelaaɓe 15:20

Ammaa mbinndanen ɓe ɓe ndeentoo e ko tooruuji tuunini e jeenu e nyaamude ko saaɗi e nyaamude ƴiiƴam.

1 Korintunkooɓe 10:27

Si neɗɗo mo goonɗinaay noddii on faa nyaamdon, de on njaɓii nootaade fu, nyaamon ko kokkaɗon fuu, tawa ɓerɗe mon pelataa on.

1 Korintunkooɓe 8:10

Sabo aan bi'eteeɗo jom anndal, si lokkaajo yi'ii ma aɗa nyaama ley suudu tooru fu, wanaa ɗum suusinan ɓernde mum faa nyaama teewu cakkanaangu tooruuji kam du naa?

1 Korintunkooɓe 8:4

Ndelle e dow nyaamugol teewu cakkanaangu tooruuji, eɗen anndi «tooru fuu ley adunaaru wanaa fay huunde». Eɗen anndi du, «Laamɗo walaa si wanaa gooto oon».

1 Korintunkooɓe 8:7

Ammaa wanaa yimɓe fuu paami ɗum. Woɓɓe woownooɓe rewude tooruuji, faa hannden si ɓe nyaamii teewu cakkanaangu tooruuji fu, ɓe miiloto wo tooruuji jaati njeyi teewu nguun. Ndeen ɓerɗe maɓɓe pelan ɓe, mbona, sabo na lokkiɗi.

Fillitagol 31:16

O haaldi e Muusaa o wi'i: — A ɓadake hawritoyde e maamiraaɓe maaɗa. Caggal ɗuum lenyol ngol, haɓɓondiran e allaaji janani, ɗum woni allaaji leydi ndi ɓe naatata ndiin. Ɓe njoppan kam, ɓe mbonnan amaana am mo kaɓɓidimmi e maɓɓe oon.

Fillitagol 31:18

Ammaa miin, mi tottitoto ɓe nyannde ndeen saabe boneeji ɗi ɓe ngaɗi e ko ɓe ɗowtanii allaaji goɗɗi ɗuum.

Fillitagol 32:37

O wi'an: Toy allaaji maɓɓe ɗiin ngoni? Toy tefaaje moolorɗe maɓɓe ɗeen ngoni?

Fillitagol 32:38

Toy nyaamannooɓe ɓelle kirsamaaji maɓɓe ɓeen ngoni? Yarannooɓe inaboojam sadakaaji maɓɓe ɓeen toy ngoni? Ndelle ɓe ummoo ɓe kisina on, ɓe laatanoo on ko reenata on!

Fillitagol 7:2

O wattan ɗi e juuɗe mooɗon de kalkon ɗi faa ɗi timma. Taa ngaɗidon e maɓɓe amaana, wooɗi du taa njurmoɗon ɓe.

Fillitagol 7:3

Taa ɓanngal hawta on e maɓɓe. Taa kokkon ɓiɓɓe mon rewɓe ɓiɓɓe maɓɓe worɓe, wooɗi du, taa ɓaŋanon ɓiɓɓe mon worɓe ɓiɓɓe maɓɓe rewɓe.

Yoosuwa 23:12

Sabo si on celii rewude mo, de naatondirɗon e lenyi keddiiɗi hakkunde mooɗon, ɓaŋondirɗon e maɓɓe,

Holleede 2:20

Ammaa miɗo felire ɗum ɗo: aɗa munyana Yesabel, debbo biitotooɗo wo annabaajo oon. Imo wosina maccuɓe am, imo janngina ɗum'en fijirde e nyaamude teewuuji cakkanaaɗi tooruuji.

Ardiiɓe 2:17

Ammaa e ɗuum fuu, Israa'iilankooɓe kettindaaki ko ardiiɓe ɓeen mbi'i ɗum'en. Ɓe ndewi allaaji goɗɗi, ɓe tuunini ko'e maɓɓe e majji, ɓe cujidani ɗi. Ɓe njoppi laawol maamiraaɓe maɓɓe law, jokkunooɓe jamirooje Joomiraaɗo. Ɓe ngaɗaay hono no ɓeen ngaɗunoo noon.

Ardiiɓe 3:6

Ɓe ɓaŋi ɓiɓɓe muɓɓen rewɓe, ɓe kokki ɗum'en ɓiɓɓe maɓɓe rewɓe, ɓaŋi. Ɓe cujidani du allaaji lenyi ɗiin.