Wurtagol 34:13 - Dewtere Laamɗo Fulfulde Burkina Faso

¹³ Ndelle sanaa kalkon cakkirɗe maɓɓe ɗeen. Kelon bimmbeeje tooruuji maɓɓe de coppon leɗɗe maɓɓe darnaaɗe ɗe tooru Asera ɗeen.

Wurtagol 34:13 ပူးပေါင်းရင်းမြစ်များ

1 Kaanankooɓe 14:15

Joomiraaɗo fiyan Israa'iila'en, ɓe ndimmborto hono no huɗo daande maayo dimmborto ni. Joomiraaɗo ɗoofan ɓe e leydi lobbiri ndi hokkunoo maamiraaɓe maɓɓe, de sankita ɓe faa gaɗa maayo Efrat, sabo ɓe tikkiniri ɗum ko ɓe ngaɗi tooruuji bi'eteeɗi Asera ɗuum.

2 Kaanankooɓe 10:27

Katin ɓe pusi bimmbeere mawnde e suudu Ba'al nduun fuu. Ɓe ngaɗi nokkuure ndeen bawlirde. Noon ɗum heddorii faa warde hannden.

2 Kaanankooɓe 18:4

Wo kanko halki nokkuuje cakkirɗe, o heli bimmbeeje tooruuji, o soppi leggal tooru Asera ngaal. Katin, o sankiti mboddi ndi Muusaa waɗirnoo njamndi mboɗeeri ndiin, sabo wakkati oon tawii Israa'iila'en na mbulananno ndi ure. Innde mayri wo Nehusitan.

2 Kaanankooɓe 23:14

O fusi bimmbeeje tooruuji, o soppi leɗɗe Asera de o hebbini luunɗe majje ƴi'e maayɓe.

Wurtagol 23:24

Taa ndikkinoɗaa yeeso allaaji maɓɓe, taa ɗowtanoɗaa ɗi, taa ngaɗanaa ɗi huunde fuu ko ɓiɓɓe leydi ndiin ngaɗanta ɗi. Cankitaa ɗi, pusaa bimmbeeje tooruuji ɗi ɓe ɗowtantoo ɗiin.

Limle 33:52

ndiiwon ɓe tawuɗon toon fuu. Kalkon tooruuji maɓɓe gaɗiraaɗi kaaƴe e jamnɗe, wooɗi du kalkon nokkuuje cakkirɗe majji fuu.

Fillitagol 16:21

Taa ndarnon leggal tooru Asera fay gootal ɗakkol sakkirde nde nyiɓanton Joomiraaɗo, Laamɗo mooɗon ndeen.

Fillitagol 16:22

Taa ndarnanon ko'e mon kaaƴe cehaaɗe sabo Joomiraaɗo, Laamɗo mooɗon na wanyi iri ɗuum e banndum.

Fillitagol 7:5

Inan no haani ngaɗon ɓe: kalkon cakkirɗe maɓɓe, kelon kaaƴe maɓɓe tooruuji, keltoɗon leɗɗe maɓɓe darnaaɗe ɗe tooru Asera ɗeen. Mbulon tooruuji maɓɓe ɗiin fuu.

Ardiiɓe 2:2

Onon du, mi yamirii on taa ngaɗidee amaana e yimɓe jooɗiiɓe ley leydi ndiin, de cankiton du kirsirɗe ɗe ɓe nyiɓani tooruuji maɓɓe ɗeen. Ammaa on ngaɗaay ko mbi'umi on. Ko saabii ngaɗɗon nii?

Ardiiɓe 6:25

Ley jemma oon, Joomiraaɗo wi'i Gedeyon: — Adu ngaari bammaa kalahaldi, ndi duuɓi jeɗɗi. Yahu cankitaa hirsirde nde bammaa nyiɓani Ba'al ndeen. Coppaa leggal darnanaangal Asera, tooru maɓɓe, dariingal ɗakkol hirsirde ngaal.

Ardiiɓe 6:26

Ndeen nyiɓanaa Joomiraaɗo, Laamɗo maaɗa hirsirde hiɓɓunde dow waamnde ndeen. Ndekaa ceeke leggal Asera ngal coppuɗaa ngaal dow hirsirde ndeen. Kooƴaa ngaari ndiin, ngaɗaa ndi sadaka buleteeɗo.