Wurtagol 34:10 - Dewtere Laamɗo Fulfulde Burkina Faso

¹⁰ Joomiraaɗo jaabii wi'i: — Miin e hoore am mi waɗan amaana. Mi waɗan yeeso yimɓe ɓeen kujje kaayniiɗe ɗe ngaɗaynoo abada ley adunaaru, ko waɗaayno yeeso lenyol fay gootol du. Lenyi piiliiɗi ma ɗiin fuu nji'an baawɗe Joomiraaɗo, ɓe nji'an ko ngaɗananmaami ɗuum no hulɓinorii.

Wurtagol 34:10 ပူးပေါင်းရင်းမြစ်များ

2 Samuwiila 7:23

Lenyol fay gootol walaa ley adunaaru nanndungol e yimɓe maaɗa Israa'iila. Si goonga, lenyol gonngol walaa ngol aan Laamɗo yehi soottiti ƴuwde e maccungaaku, faa laatoo yimɓe maaɗa, faa mawninaa innde maaɗa. A waɗanii hoore maa kulle mawɗe, a waɗii kulle kaayniiɗe du saabe leydi maa. A soottitii ndi e leydi Misira, a riiwii lenyi goɗɗi e tooruuji muɓɓen yeeso yimɓe maaɗa.

Wurtagol 34:27

Joomiraaɗo wi'i Muusaa: — Mbinndaa haalaaji ɗii, sabo wo e majji ngaɗammi amaana hakkunde am e maaɗa e Israa'iila.

Wurtagol 34:28

Muusaa heddodii e Joomiraaɗo ɗoon jemma e nyalooma faa waɗi balɗe 40. O nyaamaay, o yaraay. O winndi haalaaji amaana ɗiin dow alluuje, ɗiin ngoni jamirooje sappo ɗeen.

Fillitagol 10:21

Wo kanko woni mo njettoton. Wo kanko woni Laamɗo mooɗon. Wo kanko waɗi to mooɗon golle mawɗe kulɓiniiɗe ɗe gite mon nji'i ɗeen.

Fillitagol 32:30

Si Tefaare maɓɓe yoppaayno ɓe, noy neɗɗo gooto tan waawiri riiwude yimɓe ujunere? Si Joomiraaɗo wattaayno ɓe e juuɗe wayɓe maɓɓe, noy yimɓe ɗiɗo mbaawiri riiwirde yimɓe ujunaaje sappo?

Fillitagol 4:13

O holli on amaana mo o waddata e mooɗon, mo o yamiri kaybanon, ɗum woni jamirooje sappo ɗe o winndi dow alluuje kaaƴe ɗiɗi ɗeen.

Fillitagol 9:19

Mi huliino tikkere Joomiraaɗo e nyanngere muuɗum wakkati ummaninoo on faa muuyi halkude on ndeen. Ammaa Joomiraaɗo hettindanake kam wakkati oon du.

Yoosuwa 6:20

Almaami'en puufi luwe muɓɓen. Nde yimɓe nannoo olko majje fu, ƴeewnii e semmbe, de kokuwol huɓeere ngool boɓɓii lay. Yimɓe njani e huɓeere ndeen, naati nde, mono fuu rewi yeeso muuɗum. Ɓe teeti huɓeere ndeen.