Wurtagol 33:14 - Dewtere Laamɗo Fulfulde Burkina Faso

¹⁴ Ndeen Joomiraaɗo wi'i: — Mi yaadan e maaɗa, mi hokkete du powtiri.

Wurtagol 33:14 ပူးပေါင်းရင်းမြစ်များ

Ayuuba 34:29

Si o deƴƴinake, moy foti felude mo? Si o tottitake, moy foti yeccinde mo? Wo kanko laamii lenyi e yimɓe fuu,

Wurtagol 13:21

Nyalooma fuu Joomiraaɗo ina ardorii ɓe ruulde nanndunde e bimmbeere faa holla ɓe laawol. Jemma du imo ardoroo ɓe iilde yiite nanndunde e bimmbeere faa yaynana ɓe. Ɗum waɗi de iɓe mbaawi yaade jemma e nyalooma fuu.

Wurtagol 3:12

Laamɗo wi'i o: — Mi wondan e maaɗa. Inan maande holloore wo miin neli ma. Nde mburtinɗaa yimɓe ɓeen Misira fu, on fuu on ngaran teddinon kam dow waamnde ndee.

Matta 11:28

Onon tampuɓe, ronndiiɓe doŋle tedduɗe, on fuu ngaree to am faa mi fowtina on.

Matta 28:20

Njannginon ɓe ɓe njokka ko njamirmi on ɗuum fuu. Anndee, miɗo wondi e mooɗon nyannde fuu faa ɗo adunaaru timmi.

Fillitagol 12:10

Ammaa nde peƴƴoyɗon Urdun de njooɗiɗon leydi ndi Joomiraaɗo, Laamɗo mooɗon hokki on faa laatoo ndongu mooɗon, tawi oɗon njooɗii e jam sabo o hisinii on e juuɗe wayɓe fiiliiɓe on ɓeen fu,

Fillitagol 25:19

Nde Joomiraaɗo, Laamɗo mooɗon hokkowi on powtiri tawi riiwii lenyi piiliiɗi on ley leydi ndi hokkata on faa laatoo ndongu mon ndiin fu, ngaɗon innde Amalek lalla ley adunaaru. Taa njeggiton.

Fillitagol 3:20

Ɓe keddoo ɗoon faa wakkati Joomiraaɗo hokkowi sakiraaɓe mooɗon ɓeen powtiri hono no mooɗon noon. Keddodoɗon e maɓɓe faa nde ɓe kewtowi leydi ndi Joomiraaɗo, Laamɗo mooɗon hokkata ɓe faro gorgal Urdun ndiin. Caggal ɗuum, oɗon mbaawi yeccaade mono fuu jooɗoo ley nokkuure nde kokkumi ɗum.

Fillitagol 31:8

Joomiraaɗo e hoorem na ardii ma. Kam e hoorem wondan e maaɗa. O yoppataa ma o tottitataako ma. Ndelle taa hulu, taa ɓernde maaɗa diwna.

Fillitagol 4:37

O yiɗii maamiraaɓe mooɗon de o suɓii ƴuwdi muɓɓen. Wo kanko e hoore makko wurtiniri on leydi Misira e semmbe mawɗo.

Yoosuwa 1:5

Haddu nguurndam maa fuu walaa darotooɗo yeeso maa. Mi wondan e maaɗa hono no ngondirnoomi e Muusaa ni. Mi woɗɗataako ma, mi yoppataa ma feere maa.

Yoosuwa 21:44

Joomiraaɗo hokki ɓe jam nokku fuu nder leydi ndiin, hono no o hunoraninoo maamiraaɓe maɓɓe noon. Walaa fay gooto nder wayɓe maɓɓe baawɗo daraade yeeso maɓɓe, sabo Joomiraaɗo wattii wayɓe maɓɓe ɓeen fuu nder juuɗe maɓɓe.

Yoosuwa 22:4

Joonin du, Joomiraaɗo hokkii sakiraaɓe mon ɓeen jam, hono no aadiraninoo ɓe. Ndelle, coƴƴee, njehee ley cuuɗi mon nder leydi laatiindi ndongu mon ndi Muusaa maccuɗo Joomiraaɗo hokki on caggal Urdun.

Yoosuwa 23:1

Joonin waɗii duuɓi keewɗi caggal ko Joomiraaɗo hokki Israa'iila'en powtiri dow wayɓe muɓɓen fuu. Yoosuwa du naywii sanne.