Wurtagol 33:1 - Dewtere Laamɗo Fulfulde Burkina Faso

¹ Joomiraaɗo haaldi e Muusaa wi'i: — Dillu ɗo, aan e yimɓe ɓe mburtinoyɗaa leydi Misira ɓeen. Njahon leydi ndi kunaniimi maamiraaɓe mooɗon Ibrahiima e Isiyaaka e Yaakuuba, mbiimi: «Mi hokkan ƴuwdi mooɗon leydi ndiin.»

Wurtagol 33:1 ပူးပေါင်းရင်းမြစ်များ

Fuɗɗoode 12:7

Joomiraaɗo ɓangi e Abram, wi'i ɗum: — Wo ƴuwdi maa kokkammi leydi ndii. Abram mahani Joomiraaɗo sakkirde to ɓangani ɗum toon.

Fuɗɗoode 15:18

Nyannde ndeen, Joomiraaɗo waddi amaana e Abram, wi'i ɗum: — Wo ƴuwdi maaɗa kokkammi leydi ndii, gilla maayo Misira faa yottoo Efrat, maayo manngo ngoon.

Fuɗɗoode 26:1

Wakkati majjum rafo waɗi ley leydi ndiin. Ingo seedi e rafo waɗunoongo ley jamaanu Ibrahiima ngoon. Wakkati oon, Isiyaaka yehi leydi Abimelek kaananke Filistiyankooɓe, faa wuro Gerar.

Fuɗɗoode 26:3

Keddoɗaa ley leydi ndi ɗo. Mi wondan e maaɗa, mi barkinte. Sabo wo aan e ƴuwdi maa kokkammi leydi ndii fuu. Mi hiɓɓinan hunayeere nde kunaniimi bammaa Ibrahiima ndeen.

Fuɗɗoode 28:10

Yaakuuba ƴuuri Beerseba, fonndii Haran.

Fuɗɗoode 50:24

Yuusufi wi'i sakiraaɓe muuɗum: — Mi ɓadake maayde. Ammaa Laamɗo wallan on. O wurtinan on e leydi ndi, o yaaran on ley leydi ndi o huninoo o hokkan Ibrahiima e Isiyaaka e Yaakuuba ndiin.

Wurtagol 17:3

De saabe ɗomka ina jogii ɓe sanne, ɓe puɗɗi iɓe ŋurŋurtana Muusaa, Iɓe mbi'a: — Ko waɗi mburtinɗaa min Misira? Yalla faa minen e ɓiɓɓe amin e kulle amin fuu min maaya ɗomka naa?

Wurtagol 32:1

Israa'iila'en yi'i Muusaa ɓooyii dow waamnde toon. Ndeen ɓe kawriti to Haaruuna, ɓe mbi'i ɗum: — Umma, ngaɗanaa en tooruuji ardotooɓe en sabo Muusaa, gorko burtinɗo en leydi Misira oon kaa, en anndaa ko hewtii ɗum.

Wurtagol 32:13

Miccita Ibrahiima e Isiyaaka e Israa'iila maccuɓe maaɗa ɓe kunaniɗaa e innde maaɗa de mbiiɗaa a waɗan lenyol muɓɓen ɗuuɗa hono koode kammu. Ciwtoraa a wi'ii a hokkan lenyol maɓɓe leydi ndiin fuu, ndi laatoo ndongu maɓɓe faa abada.

Wurtagol 32:34

Wooɗi, joonin yahu ardoɗaaa yimɓe ɓeen yaade nokkuure nde kaalannomaami haala muuɗum ndeen. Wo maleyka am ardete. E noon fuu, si nyalaande jukkude ɓe warii fu, sikke walaa mi jukkoto ɓe saabe hakke maɓɓe.

Wurtagol 32:7

Joomiraaɗo haaldi e Muusaa wi'i: — Njippoɗaa law, sabo yimɓe maaɗa ɓe mburtinoyɗaa leydi Misira ɓeen kalkii ko'e muɓɓen.

Lewinkooɓe 20:24

Saabe ɗuum de mbiimi on: — Wo onon njeytata leydi maɓɓe ndiin. Miin e hoore am hokkata on ndi. Wo ndi leydi ndi kosam e njuumndi ilata e muuɗum. Miin woni Joomiraaɗo, Laamɗo mooɗon. Wo miin senndi on e lenyi keddiiɗi fuu.

Limle 11:12

Yalla wo miin reedi de rimi ɓe, faa mbi'aa mi bammba ɓe hono no inniyo bammbirta ɓiyum faa mi yaada e maɓɓe leydi ndi kuniɗaa a hokkan maamiraaɓe maɓɓe ndiin naa?

Golle Nelaaɓe 7:36

Kanko wurtini ɓe, o waɗi kaayeefiiji e maandeeji kaayniiɗi ley leydi Misira e ley maayo Maaliya e ley ladde duuɓi 40.

Fillitagol 1:8

Ndaaron, mi hokkii on ndi. Njehee njeytowee ndi. Kayri woni ndi Joomiraaɗo huninoo hokkan maamiraaɓe mon Ibrahiima e Isiyaaka e Yaakuuba laatoo ndongu muɓɓen, kam'en e ƴuwdi muɓɓen fuu.