Wurtagol 32:34 - Dewtere Laamɗo Fulfulde Burkina Faso

³⁴ Wooɗi, joonin yahu ardoɗaaa yimɓe ɓeen yaade nokkuure nde kaalannomaami haala muuɗum ndeen. Wo maleyka am ardete. E noon fuu, si nyalaande jukkude ɓe warii fu, sikke walaa mi jukkoto ɓe saabe hakke maɓɓe.

Wurtagol 32:34 ပူးပေါင်းရင်းမြစ်များ

Wurtagol 15:17

A nannan ɓe, de ndarnaa ɓe dow waamnde ndongu maaɗa. Joomiraaɗo, nokkuure nde ngaɗuɗaa joonnde maa, nokkuure maa seniinde nde juuɗe maaɗa ndarni ndeen.

Wurtagol 20:5

Taa kofoɗaa yeeso kujje ɗeen, wooɗi du, taa ɗowtanoɗaa ɗe sabo miin Joomiraaɗo, Laamɗo maaɗa oon, wo mi Laamɗo keewɗo kiram. Mi kiitotooɗo ɓiɓɓe saabe hakkeeji baabiraaɓe muɓɓen faa hewta taaniraaɓe e jaatiraaɓe wanyuɓe kam ɓeen.

Wurtagol 23:20

Mi nelan maleyka yeeso mooɗon deenoowo on dow laawol faa yaara on nokkuure nde moƴƴinanmi on ndeen.

Wurtagol 3:17

Ɗum saabii mbi'umi mi wurtinan on e mettorgal mooɗon ley leydi Misira, mi yaara on leydi Kanaaninkooɓe e Hittiyankooɓe e Amorinkooɓe e Perisinkooɓe e Hewinkooɓe e Yebusinkooɓe. Ndiin woni leydi ndi kosam e njuumndi ilata e muuɗum.

Wurtagol 33:12

Muusaa wi'i Joomiraaɗo: — A wi'ii kam: «arda yimɓe ɓee, ammaa a wi'aay kam moy woni mo njaadammi.» Ammaa a wi'ii: «miɗo anndiri ma e innde maaɗa, a heɓii du hinney yeeso am.»

Wurtagol 33:2

Mi nelan maleyka ardoo on de mi riiwa Kanaaninkooɓe e Amorinkooɓe e Hittiyankooɓe e Perisinkooɓe e Hewinkooɓe e Yebusinkooɓe.

Amos 3:14

Nyannde carotoomi Israa'iila saabe hakkeeji muuɗum ndeen, mi halkan cakkirɗe Baytila. Luwe sakkirde ndeen kelete de caama e leydi.

Amos 3:2

Mi senndii on onon tan hakkunde lenyi adunaaru fuu. Saabe ɗuum de mi hiitoto hakkeeji mooɗon ɗiin fuu.

Limle 20:16

Ndeen min mbullitii Joomiraaɗo de nani bojji amin. O neli maleyka wurtini min leydi Misira. Inan miɗen ngoni Kaades, galluure wonnde keerol leydi maaɗa.

Matta 23:35

Njomnitaari ƴiiƴam fonnditiiɓe ndufaaɗam e adunaaru ndu ɗaam fuu yeccoto dow mooɗon, gilla yonki Haabiila ponnditiiɗo oon faa yonki Jakariyaa ɓii Barakiya mo mbarnoɗon hakkunde suudu dewal mawndu e hirsirde oon.

Fillitagol 32:35

Miin woni joɓtotooɗo, miin woni kiitotooɗo, nyannde ɓe tuytuytata dow laabi maɓɓe. Nyalaande halkere maɓɓe ndeen ɓadake hewtaade ɓe, kiite maɓɓe na doggana ɓe.