Wurtagol 32:32 - Dewtere Laamɗo Fulfulde Burkina Faso

³² Ammaa joonin, sawra, yaafa hakke maɓɓe. Si wanaa noon fu, miɗo ŋaare, ittaa innde am ley dewtere maaɗa nde mbinnduɗaa ndeen.

Wurtagol 32:32 ပူးပေါင်းရင်းမြစ်များ

Wurtagol 32:10

Ndelle, joonin kaa accaa kam sabo mi tikkanii ɓe sanne. Tikkere am ndeen wulan dow maɓɓe, de mi halka ɓe. Ammaa aan kaa, mi waɗete lenyol manngol.

Amos 7:2

Wakkati baɓɓatti ɗiin timminannoo huɗo leydi ndiin mbiimi: — Laamɗo Joomiraaɗo, miɗo ŋaare njaafoɗaa. Noy Yaakuuba waawiri heddaade na darii dow? Kanko lokkaajo oo!

Limle 11:15

Ndelle miɗo ŋaare Joomiraaɗo, si aɗa yurmoo kam fu, ittu yonki am. Mbaraa kam taa mi wuura ley torra mettorgal ɓernde ka katin.

Limle 11:25

Joomiraaɗo ɓangi ley ruulde, haaldi e Muusaa. O itti seeɗa e Ruuhu gonɗo e Muusaa oon, o watti e maɓɓe. Nde Ruuhu oon naatunoo e maɓɓe fu, ɓe ngaɗi annabaaku. Ammaa wakkati oon tan ɓe ngaɗi ɗum.

Limle 14:19

Miɗo ŋaare, saabe manngu hinney maaɗa, njaafoɗaa hakke mo ɓe ngaɗi oon, hono no njaafortonoɗaa ɓe gilla nde ɓe ndillunoo leydi Misira faa yottii hannden noon.

Luuka 10:20

Ammaa taa ceyoree ko ginnaaji ɗowtanii on ɗuum. Ceyoree ko inɗe mon mbinndaa dow kammu ɗuum.

Luuka 23:34

O wi'i: — Baaba, yaafa ɓe sabo ɓe anndaa ko ɓe ngaɗata. Ndeen ɓe pecciri kaddule makko cumnal.

Romankooɓe 9:3

saabe Alhuudiyankooɓe ɓeen. Mi jaɓanno laataade kuɗaaɗo mi seeda e Almasiihu miin e hoore am si ina nafannoo sakiraaɓe am ɓe kawtumi ƴuwdi ɓeen.

Fillitagol 25:19

Nde Joomiraaɗo, Laamɗo mooɗon hokkowi on powtiri tawi riiwii lenyi piiliiɗi on ley leydi ndi hokkata on faa laatoo ndongu mon ndiin fu, ngaɗon innde Amalek lalla ley adunaaru. Taa njeggiton.

Fillitagol 29:20

sennda o e lenyi Israa'iila saabe bone kewtotooɗo o fodde kuddiiji binndaaɗi ley dewtere Tawreeta ndee.

Fillitagol 9:14

Accaa mi halka ɓe, mi mooyta innde maɓɓe ley duuniyaaru de mi waɗe aan lenyol ɓurngol ɓe semmbe e ɗuuɗal.

Filipiyankooɓe 4:3

Aan Sisigi, gollidoowo e am koolniiɗo du, miɗo ŋaare mballaa rewɓe ɗiɗo ɓeen, sabo ɓe mballii kam haɓande Kabaaru Lobbo oon, kamɓe e Keleman e gollidooɓe am woɓɓe. Inɗe maɓɓe mbinndaama e dewtere nguurndam nduumiiɗam.

Holleede 17:8

Ndaabaawa nga njiiɗaa ngaan, inga wonnoo, ammaa nga heddaaki joonin. Inga haani yaltude e ɓunndu ndu luggeefi muuɗum walaa ɗo haaɗi nduun, nga halkowaa. Yimɓe adunaaru ɓe inɗe muɓɓen mbinndaaka e dewtere nguurndam gilla fuɗɗoode adunaaru ɓeen, si nji'ii ndaabaawa ngaan na yalta fu, kaayeefi nanngan ɗum'en. Sabo inga wonnoo, nga heddaaki joonin, de nga ɓangowan katin.

Holleede 21:27

Ko tuuni fuu naatataa e mayre, naa gollooɓe ko nyiddini, naa fenooɓe. Ammaa naatooɓe e mayre ɓeen ngoni ɓe inɗe muɓɓen mbinndaa e dewtere nguurndam nde Jawgel ndeen.

Holleede 22:19

Si neɗɗo ittii goɗɗum e haalaaji dewtere annabaaku nde, Laamɗo ittan ngeɗu muuɗum e lekki nguurndam cifaaki e mayre kiin, kam e ngalluure seniinde sifaande e mayre ndeen.

Holleede 3:5

Hono noon jaaliiɗo fuu ɓornortoo kaddule daneeje. Abada mi tosataa innde muuɗum e dewtere nguurndam ndeen. Mi seedoto imo jeydaa e am yeeso Baaba am e maleyka'en muuɗum.