Wurtagol 32:20 - Dewtere Laamɗo Fulfulde Burkina Faso

²⁰ O hooƴi ga'el ngel ɓe ngaɗi ngeel, o faɗɗi ɗum ley yiite, o niisi ɗum, de o sankiti conndi muuɗum nder ndiyam de o waɗi Israa'iila'en ɓeen njari ɗam.

Wurtagol 32:20 ပူးပေါင်းရင်းမြစ်များ

1 Kaanankooɓe 15:13

Katin, o itti fay maamum Ma'aka e teddeengal muuɗum saabe waɗanii Asera tooru nyiddiniindu. O fusi tooru nduun o niisi ɗum de o wuli ɗum ley gooruwol Kederon.

2 Kaanankooɓe 23:15

Katin Yosiya fusi nokkuure sakkirde nde Yerobo'am ɓii Nebat nyiɓunoo wuro Baytila de wattiri Israa'iila'en e hakke ndeen. O fusi nde kayre e ko woni e mayre fuu. O wuli nde, o niisi ƴulɓe mayre faa laatii conndi de o wuli leggal tooru Asera ngaal.

2 Kaanankooɓe 23:6

O wurtini leggal tooru Asera ngaal du ley suudu Joomiraaɗo, o yaari ngal yaasin Urusaliima ɗakkol gooruwol Kidiron de o wuli ngal o niisi ƴulɓe maggal faa laatii conndi de o faɗɗi ndi dow caabeeje talkaaɓe.

Wurtagol 32:21

Muusaa wi'i Haaruuna: — Ɗume yimɓe ɓe ngaɗi ma de ngaddanɗaa ɓe hakke ponɗo nii?

Banndi 1:31

Saabe majjum on nyaaman ɓiɓɓe golleeji mon bonɗi, on kaaran dabareeji mon bonɗi.

Banndi 14:14

Joppuɗo goonga haaran ko aawi, gaɗoowo ko wooɗi du, haaran ko aawi.

Fillitagol 7:25

Mbulon tooruuji maɓɓe ɗiin. Taa eelon kaŋŋe naa cardi ko woni dow tooruuji ɗiin. Taa kooƴanon ɗum ko'e mooɗon sabo iɗum waawi laatanaade on tuugol. Wo ɗe kujje karmuɗe yeeso Joomiraaɗo, Laamɗo mooɗon.

Fillitagol 7:5

Inan no haani ngaɗon ɓe: kalkon cakkirɗe maɓɓe, kelon kaaƴe maɓɓe tooruuji, keltoɗon leɗɗe maɓɓe darnaaɗe ɗe tooru Asera ɗeen. Mbulon tooruuji maɓɓe ɗiin fuu.

Fillitagol 9:21

Ndeen kooƴumi huunde harmunde nde ngaɗuɗon ndeen, ɗum woni ga'el ngel, de paɗɗumi ngel ley yiite, pusumi ngel, niisumi ngel faa ngel laatii conndi, ndeen paɗɗumi ɗum ley gooruwol jipportoongol waamnde ndeen.