Wurtagol 32:13 - Dewtere Laamɗo Fulfulde Burkina Faso

¹³ Miccita Ibrahiima e Isiyaaka e Israa'iila maccuɓe maaɗa ɓe kunaniɗaa e innde maaɗa de mbiiɗaa a waɗan lenyol muɓɓen ɗuuɗa hono koode kammu. Ciwtoraa a wi'ii a hokkan lenyol maɓɓe leydi ndiin fuu, ndi laatoo ndongu maɓɓe faa abada.

Wurtagol 32:13 ပူးပေါင်းရင်းမြစ်များ

Fuɗɗoode 12:2

Mi waɗete lenyol manngol, mi barkinte, mi mawninan innde maa. Yimɓe fuu keɓan barke saabe maaɗa.

Fuɗɗoode 12:7

Joomiraaɗo ɓangi e Abram, wi'i ɗum: — Wo ƴuwdi maa kokkammi leydi ndii. Abram mahani Joomiraaɗo sakkirde to ɓangani ɗum toon.

Fuɗɗoode 15:18

Nyannde ndeen, Joomiraaɗo waddi amaana e Abram, wi'i ɗum: — Wo ƴuwdi maaɗa kokkammi leydi ndii, gilla maayo Misira faa yottoo Efrat, maayo manngo ngoon.

Fuɗɗoode 15:5

Joomiraaɗo wurtini mo yaasin, wi'i: — Ndaar kammu, de limaa koode si aɗa waawi. O ɓeydi, o wi'i: — Noon ƴuwdi maaɗa ɗuuɗirta.

Fuɗɗoode 15:7

Joomiraaɗo haaldi e makko, wi'i: — Miin woni Joomiraaɗo jaltinɗo ma wuro Uur, leydi Kaldiya faa hokke leydi ndii, ndonaa ndi.

Fuɗɗoode 17:8

Mi hokkete aan e ƴuwdi maaɗa ngaroori caggal maa, leydi ndi laatinoɗaa beero ley muuɗum ndiin ɗum woni leydi Kanaana. Leydi ndiin fuu laatoto jeyal maaɗa faa abada. Wooɗi miin du, mi laatoto Laamɗo ƴuwdi maaɗa.

Fuɗɗoode 22:16

O wi'i: — Inan konngol Joomiraaɗo: «Mi hunorake e innde am, saabe ko ngaɗuɗaa ɗuum, a salanaaki kam ɓiya gooto korsuɗo mo njogiɗaa oon,

Fuɗɗoode 22:17

mi barkinte, mi ɗuuɗinan ƴuwdi maa hono koode kammu, hono gabbe njaareendi daande maayo. Ƴuwdi maa ronan galluuje wayɓe muuɗum.

Fuɗɗoode 24:7

Laamɗo Joomiraaɗo taguɗo kammu oon ƴuwni kam suudu baaba am e leydi ndi ndimaami ndiin. O hunanii kam, o wi'i: «Wo ƴuwdi maa kokkammi leydi ndii.» Wo kanko nelata maleyka makko yeeso maaɗa, faa ɓaŋanaa ɓiyam debbo toon.

Fuɗɗoode 48:16

Maleyka kisinɗo kam e sii torra fuu, barkina sukaaɓe ɓee. Innde am e innde saaraaɓe am Ibrahiima e Isiyaaka, keddoo saabe maɓɓe. Ɓe ɗuuɗa faa ɓe keewa ley adunaaru.

Wurtagol 13:11

Muusaa ɓeydi wi'i: — Si Joomiraaɗo nannii on ley leydi Kanaaninkooɓe de hokki on ndi hono no hunoraninoo on, onon e maamiraaɓe mooɗon noon fu,

Wurtagol 13:5

Joomiraaɗo hunanakeno maamiraaɓe mooɗon hokkan on leydi Kanaaninkooɓe e Hittiyankooɓe e Amorinkooɓe e Hewinkooɓe e Yebusinkooɓe, leydi ndi kosam e njuumndi ilata e muuɗum. Nde Joomiraaɗo nanni on toon fu, ngaɗon iidi oon ley lewru nduun.

Wurtagol 33:1

Joomiraaɗo haaldi e Muusaa wi'i: — Dillu ɗo, aan e yimɓe ɓe mburtinoyɗaa leydi Misira ɓeen. Njahon leydi ndi kunaniimi maamiraaɓe mooɗon Ibrahiima e Isiyaaka e Yaakuuba, mbiimi: «Mi hokkan ƴuwdi mooɗon leydi ndiin.»

Lewinkooɓe 26:42

mi miccitoto amaana mo ngaddunoomi e Yaakuuba e Isiyaaka e Ibrahiima. Mi miccitoto leydi maɓɓe ndiin.

Fillitagol 1:10

Joomiraaɗo, Laamɗo mooɗon barkinii on, ɗuuɗinii on faa inan hannden oɗon nanndi e koode kammu.

Fillitagol 7:8

Ammaa wo saabe Joomiraaɗo na yiɗi on, wooɗi du, na haajaa tabintinde hunayeere nde hunaninoo maamiraaɓe mooɗon. O rimɗini on, o wurtiniri on semmbe mawɗo leydi Misira, ley suudu maccungaaku e junngo kaananke Fira'awna.

Fillitagol 9:27

Miccita maccuɓe maaɗa Ibrahiima e Isiyaaka e Yaakuuba. Taa ndaaru njooram hooraaku e bonde e hakke lenyol ngol.

Ibraninkooɓe 6:13

Ko Laamɗo waɗanannoo Ibrahiima amaana ɗuum, wo hoore muuɗum hunorii, sabo walaa fuu potuɗo e muuɗum manngu faa hunoroo ɗum.