Wurtagol 31:15 - Dewtere Laamɗo Fulfulde Burkina Faso

¹⁵ Nyalaaɗe jeegom ngaɗirton golleeji mooɗon, ammaa nyalaande jeɗɗaɓerde ndeen wo nyalaande fowteteende seniinde yeeso Joomiraaɗo. On ngollataa faa'e. Nde seniinde saabe am. Golluɗo nyaande ndeen fuu wo bareteeɗo.

Wurtagol 31:15 ပူးပေါင်းရင်းမြစ်များ

Fuɗɗoode 2:2

Nyalaande jeɗɗaɓerde ndeen tawi Laamɗo tilake e golleeji muuɗum tagugol fuu. O fowti e golleeji makko tagugol ɗi o gollannoo ɗiin fuu.

Wurtagol 16:23

Muusaa wi'i ɓe: — Inan ko Joomiraaɗo yamiri: Jaango wo nyalaande fowteteende seniinde, wo nde nyalaande seninanaande Joomiraaɗo. Ca'on ko ca'oton fuu, njongon ko njongoton fuu. Ko heddii du, ndeson ɗum faa weeta.

Wurtagol 16:26

Ley balɗe jeegom fuu, oɗon mbaawi suɓude nyaamdu nduun, ammaa nyannde jeɗɗaɓerde ndeen wo nyannde fowteteende. Nyannde majjum tawan nyaamdu nduun walaa.

Wurtagol 23:12

Balɗe jeegom ngollirtaa gollal maaɗa. Ammaa nyalaande jeɗɗaɓerde kaa, na tilsi powtaa faa ga'i maa e araaji maa du keɓa powta. Noon du maccuɓe maaɗa e weerɓe maa fuu powtirta.

Wurtagol 31:14

Kaybanon nyalaande ndeen, sabo wo nde seniinde saabe mooɗon. Mbonkiiɗo nde de golli nyalaande ndeen fuu wo itteteeɗo e lenyol de waree.

Wurtagol 31:16

Israa'iila'en ndeena nyalaande fowteteende ndeen, nde laatanoo ɓe nyalaande seniinde ley jamaanuuji fuu faa abada.

Wurtagol 31:17

Wo nde maande hakkunde am e Israa'iila'en faa abada. Sabo ley nyalaaɗe jeegom Joomiraaɗo tagiri kammu e leydi, de nyalaande jeɗɗaɓerde ndeen fowtinii.»

Wurtagol 34:21

Ngolliron balɗe jeegom ammaa nyalaande jeɗɗaɓerde ndeen, tilay powton. Fay si wo wakkati ndemri naa tayri, na tilsi powton.

Wurtagol 35:2

Nyalaaɗe jeegom ngollirton golleeji mooɗon, ammaa nyannde jeɗɗaɓerde ndeen wo nyalaande fowteteende seniinde saabe Joomiraaɗo. Golluɗo nyannde ndeen fuu, wo bareteeɗo.

Wurtagol 35:3

Taa kuɓɓon yiite ley galle mooɗon nyalaande fowteteende ndeen.

Lewinkooɓe 16:29

Wo ɗum yamiroore nde ɗowtantoɗon faa abada: Nyannde sappo lewru jeɗɗaɓurdu fuu, cuumoɗon, taa ngollon fay gootal onon Israa'iila'en e jananɓe wonduɓe e mooɗon fuu.

Lewinkooɓe 23:3

Ngollon golleeji mooɗon faa waɗa balɗe jeegom, ammaa nyalaande jeɗɗaɓerde ndeen wo Nyalaande fowteteende. Ngaɗon kawrital ceniingal. Taa ngollon gollal fay gootal sabo wo nde nyalaande Joomiraaɗo fowteteende. Nde laatanoo on noon to njooɗoyiɗon fuu.

Lewinkooɓe 23:32

Nyalaande ndeen laatanoo on fowteteende teddunde de cuumoɗon. Wo noon njogitortoɗon Nyalaande fowteteende ndeen gilla futuro jeenay lewru nduun faa hewta jaangoore muuɗum futuro.

Luuka 13:14

De hooreejo suudu waajordu nduun na mettaa ko Iisaa danni goɗɗo nyannde fowteteende ɗuum, wi'i yimɓe ɓeen: — Balɗe jeegom jeyɗe golleede ina ngoodi. E ley balɗe ɗeen kaanɗon warude ndanneɗon, wanaa nyannde fowteteende.

Luuka 23:56

Ɓe kooti, ɓe moƴƴinowi nebbeele uurɗe e turaaje. Caggal ɗuum, ɓe powti nyannde fowteteende hono no yamiroore ndeen wi'iri.

Fillitagol 5:12

Kakkilanon nyalaande fowteteende ndeen. Nde laatanoo on seniinde fodde no Joomiraaɗo, Laamɗo mooɗon yamiri.

Ibraninkooɓe 4:9

Ɗum na holla yimɓe Laamɗo ina ndesanaa fowtere hono nde Laamɗo fowti nyannde jeɗɗaɓerde ndeen.