Wurtagol 3:8 - Dewtere Laamɗo Fulfulde Burkina Faso

⁸ Saabe ɗuum de njippiimi faa mi danna yimɓe am e baawɗe Misirankooɓe, mi itta ɓe leydi Misira, mi yaara ɓe leydi lobbiri njaajundi, leydi ndi kosam e njuumndi ilata e muuɗum, nokkuure ɗo Kanaaninkooɓe e Hittiyankooɓe e Amorinkooɓe e Perisinkooɓe e Hewinkooɓe e Yebusinkooɓe njooɗii.

Wurtagol 3:8 ပူးပေါင်းရင်းမြစ်များ

Fuɗɗoode 11:5

Joomiraaɗo jippii faa ndaara huɓeere e suudu toowndu ndu ɓiɓɓe-Aadama ngonnoo na nyiɓa nduun.

Fuɗɗoode 11:7

Ngaree njippoɗen, njiiɓen ɗemngal maɓɓe ngaal, taa ɓe keɓa ɓe paamra katin.

Fuɗɗoode 15:13

Joomiraaɗo haaldi e Abram, wi'i: — Paamaa ƴuwdi maa ndiin laatoyto yananɓe ley leydi njananndi. Ɓe laatoyto maccuɓe ley leydi ndiin, ɓe torriree duuɓi 400.

Fuɗɗoode 15:14

Ammaa mi jukkoyto lenyol ngol ɓe laatanii maccuɓe ngool de caggal ɗuum, ɓe njaltida e jawdi ɗuundi.

Fuɗɗoode 18:21

Saabe ɗuum mi jippoto mi ndaara yalla golleeji maɓɓe ina poti e pelooje ɗe nanumi ɗeen naa? Si wo goonga naa fewre fu mi faaman.

Fuɗɗoode 43:11

Baabiiɓe Israa'iila, wi'i ɓe: — Si wo noon fu, inan no ngaɗoton: si oɗon njaha fu, ngattee ley gineeji mon kulle ittaaɗe e leydi meeɗen. Kooƴon nebbam leɗɗe seeɗa e njuumndi seeɗa e ɗakkere uurnde e ɓiɓɓe leɗɗe belɗe e kuƴe kokkowon gorko oon.

Fuɗɗoode 46:4

Mi yaadan e maa Misira, mi wurtinoyte du. Si a maayii du, wo juuɗe Yuusufi pay culmata gite maaɗa de mooɓe.

Fuɗɗoode 50:24

Yuusufi wi'i sakiraaɓe muuɗum: — Mi ɓadake maayde. Ammaa Laamɗo wallan on. O wurtinan on e leydi ndi, o yaaran on ley leydi ndi o huninoo o hokkan Ibrahiima e Isiyaaka e Yaakuuba ndiin.

1 Kabaaruuji Laamiiɓe 1:15

e Hewinkooɓe e Arkinkooɓe e Sininkooɓe

Nehemiya 9:8

Tawuɗaa imo hoolii ma, de ngaɗanɗaa mo amaana, a hokkan mo, kanko e ɓiɓɓe makko, leydi Kanaaninkooɓe e Hittiyankooɓe e Amorinkooɓe e Perisinkooɓe e Yebusinkooɓe e Girgasinkooɓe faa ndi laatoo dongu maɓɓe. Saabe aan, a dartiiɗo, a hiɓɓinii amaana maaɗa oon.

Wurtagol 12:41

Nde duuɓi 430 ɗiin kiɓɓunoo fu, ley nyalaande majjum pay jamaare Joomiraaɗo ndeen fuu wurtorii leydi Misira geɓe geɓe.

Wurtagol 12:51

Nyannde ndeen pay, Joomiraaɗo wurtiniri jama'aaje Israa'iila'en ɓeen ley leydi Misira geɓe geɓe.

Wurtagol 13:5

Joomiraaɗo hunanakeno maamiraaɓe mooɗon hokkan on leydi Kanaaninkooɓe e Hittiyankooɓe e Amorinkooɓe e Hewinkooɓe e Yebusinkooɓe, leydi ndi kosam e njuumndi ilata e muuɗum. Nde Joomiraaɗo nanni on toon fu, ngaɗon iidi oon ley lewru nduun.

Wurtagol 3:17

Ɗum saabii mbi'umi mi wurtinan on e mettorgal mooɗon ley leydi Misira, mi yaara on leydi Kanaaninkooɓe e Hittiyankooɓe e Amorinkooɓe e Perisinkooɓe e Hewinkooɓe e Yebusinkooɓe. Ndiin woni leydi ndi kosam e njuumndi ilata e muuɗum.

Wurtagol 34:11

Kakkilaa e ko njamiranmaami hannden ɗuum. Mi riiwan Amorinkooɓe e Kanaaninkooɓe e Hittiyankooɓe e Perisinkooɓe e Hewinkooɓe e Yebusinkooɓe yeeso maaɗa.

Wurtagol 5:23

Gilla njahumi to Fira'awna kaalanmi ɗum haalaaji maaɗa ɗiin, o ɓeydi torrude yimɓe maaɗa, wooɗi a waɗaay faa'e faa kisinaa ɗum'en!

Lewinkooɓe 20:24

Saabe ɗuum de mbiimi on: — Wo onon njeytata leydi maɓɓe ndiin. Miin e hoore am hokkata on ndi. Wo ndi leydi ndi kosam e njuumndi ilata e muuɗum. Miin woni Joomiraaɗo, Laamɗo mooɗon. Wo miin senndi on e lenyi keddiiɗi fuu.

Amos 2:10

Miin, mi wurtinii on leydi Misira, ardoriimi on duuɓi 40 ley ladde yoornde, faa ngaɗumi njeytuɗon leydi Amorinkooɓe ndiin.

Limle 13:18

Ndaaron leydi ndiin, paamitoɗon no ndi worri, yalla yimɓe mayri na ngoodi semmbe naa ngalaa, yalla iɓe ɗuuɗi naa ɓe ɗuuɗaa.

Limle 13:19

Ndaaron yalla ndi lobbiri naa ndi bondi, ndaaron du yalla kuɓeeje maɓɓe na ngoodi kokuuji cemmbiɗinɗi naa ngalaa.

Limle 13:27

Ɓe mbi'i: — Min njehii leydi ndi nelɗon min korowa ndiin. Si goonga leydi ndiin wo leydi ndi kosam e njuumndi ilata e muuɗum. Inan du ɓiɓɓe leɗɗe mayri.

Yuhanna 3:13

Fay gooto ƴeeŋaay dow kammu, si wanaa ƴuuruɗo dow kammu oon, ɗum woni Ɓii Neɗɗo.

Yuhanna 6:38

Sabo wanaa faa mi waɗa muuyɗe am ƴuurirmi dow kammu, wo faa mi waɗa muuyɗe Nulɗo kam oon.

Fillitagol 1:25

Ɓe itti ɓiɓɓe leɗɗe leydi ndiin ɓe ngaddani en. Ɓe kolli en kabaaru mayri ɓe mbi'i: — Leydi ndi Joomiraaɗo, Laamɗo meeɗen hokkata en ndiin wo lobbiri.

Fillitagol 1:7

Ndelle ummee ƴeenyowon baamle Amorinkooɓe, naaton leyɗe piiliiɗe ɗum'en e njaayri Araba e leydi baamle e jaayri sera baamle e Negeb mo horɗoore e daande maayo, leydi Kanaana e Liban faa yottoo maayo Efrat.

Fillitagol 27:3

Mbinndon jamirooje ɗeen fuu dow kaaƴe ɗeen. Ngaɗon noon wakkati naatoyɗon leydi ndi Joomiraaɗo, Laamɗo maamiraaɓe mooɗon hokkata on, ndi kosam e njuumndi ilata e muuɗum ndiin, fodde no wiirunoo noon.

Fillitagol 28:11

Joomiraaɗo hebbinan on barke, o ɗuuɗinan ɓeyngu mooɗon. O barkinan daabaaji mon e gese mon fuu ley leydi ndi o hunaninoo maamiraaɓe mon o hokkan on ndiin.

Fillitagol 6:3

Ndelle onon Israa'iila'en, kettindoɗon faa wooɗa de tinnoɗon ngaɗon ko yamiraa faa keɓon jam, ɓeydoɗon keewon fodde no Joomiraaɗo, Laamɗo maamiraaɓe mooɗon wi'iri on laatoyto ley leydi ndi kosam e njuumndi ilata e muuɗum ndiin.

Fillitagol 7:1

Joomiraaɗo, Laamɗo mooɗon nannan on leydi ndi kuccuɗon faa laatoo ndongu mooɗon ndiin. Nde ɓattowiɗon ndi fu, o riiwan lenyi keewɗi yeeso mooɗon, ɗum woni Hittiyankooɓe e Girgasinkooɓe e Amorinkooɓe e Kanaaninkooɓe e Perisinkooɓe e Hewinkooɓe e Yebusinkooɓe, lenyi jeɗɗi ɓurɗi on ɗuuɗude e semmbe ɗiin.

Yoosuwa 5:6

Wooɗi yimɓe Israa'iila ngaɗiino duuɓi 40 ina njaha ley ladde. Wakkati majjum ɓe keɓaay taadude ɓiɓɓe maɓɓe worɓe. Waawɓe konu wurtiiɓe Misira ɓeen du fuu maayii nder ladde saabe ko ɓe ɗowtanaaki Joomiraaɗo ɗuum. Joomiraaɗo hunii, wi'i ɓe nji'ataa leydi ndi o hunaninoo maamiraaɓe maɓɓe o hokkan en, enen taaniraaɓe maɓɓe, ndi kosam e njuumndi heewi e muuɗum ndiin.

Yoosuwa 9:1

Kabaaru jaalagol Israa'iila'en yottii laamiiɓe wonɓe gorgal Urdun fuu, to leyɗe gonɗe dow baamle, e ley baamle e leyɗe ɗakkiiɗe maayo Manngo faa yottii Liban. Ɓeen ngoni laamiiɓe Hittiyankooɓe e Amorinkooɓe e Kanaaninkooɓe e Perisinkooɓe e Hiwinkooɓe e Yebusinkooɓe fuu. Nde ɓe nannoo kabaaru majjum ndeen,

Yoosuwa 9:7

Ammaa Israa'iila'en mbi'i ɓe: — Noy min kaɓɓidirta e mooɗon amaana sabo na waawi tawee e leydi amin ndi ngonɗon.