Wurtagol 3:6 - Dewtere Laamɗo Fulfulde Burkina Faso

⁶ O wi'i katin: — Miin woni Laamɗo baaba maaɗa, Laamɗo Ibrahiima e Isiyaaka e Yaakuuba. Ndeen Muusaa suddi yeeso muuɗum sabo hulii ndaarude Laamɗo.

Wurtagol 3:6 ပူးပေါင်းရင်းမြစ်များ

Fuɗɗoode 12:1

Joomiraaɗo haaldi e Abram, wi'i: — Dillu leydi maa e lenyol maa e suudu bammaa de njahaa leydi ndi kollanmaami ndiin.

Fuɗɗoode 12:7

Joomiraaɗo ɓangi e Abram, wi'i ɗum: — Wo ƴuwdi maa kokkammi leydi ndii. Abram mahani Joomiraaɗo sakkirde to ɓangani ɗum toon.

Fuɗɗoode 17:3

Abram hippi yeeso muuɗum dow leydi. Laamɗo haaldi e makko katin wi'i:

Fuɗɗoode 24:12

O wi'i: — Joomiraaɗo, Laamɗo joomam Ibrahiima, miɗo nyaage, moƴƴinanam laawol am hannden, kiɓɓinaa hinney maa e joomam Ibrahiima.

Fuɗɗoode 26:24

Joomiraaɗo ɓangani mo ley jemma, wi'i: — Miin woni Laamɗo bammaa Ibrahiima. Taa hulu, sabo miɗo wondi e maaɗa. Mi barkinte, mi ɗuuɗinan ƴuwdi maa saabe maccuɗo am Ibrahiima.

Fuɗɗoode 28:13

Joomiraaɗo darii dow maggal, wi'i: — Miin woni Laamɗo, Joomiraaɗo bammaa Ibrahiima, Laamɗo Isiyaaka. Leydi ndi pukkiɗaa dow muuɗum ndiin, mi hokkete ndi, aan e ƴuwdi maa.

Fuɗɗoode 28:17

O huli, o wi'i: — Hey nokku oo ina hulɓinii! Tennyoral, ɗoo wo suudu Laamɗo, wo dammbugal kammu.

Fuɗɗoode 31:42

Si wanaa Laamɗo wondunoo e am, joonin a yoppanno kam junngo ɓolo. Kanko woni Laamɗo baaba am, Laamɗo Ibrahiima, Laamɗo mo Isiyaaka hulannoo oon. Laamɗo ƴeewii torra am e tampiri am de walli kam jemma hankin.

Fuɗɗoode 32:9

O wi'itii: — Si Isuwa yanii e feccere wootere, fiyii nde fu, tawan ɗiɗaɓerde ndeen ina reenii.

1 Kaanankooɓe 18:36

Nde wakkati waɗeede sadaka futuro yottinoo fu, annabi Iliyaasa ɓattii hirsirde ndeen, wi'i: — Joomiraaɗo, Laamɗo Ibrahiima e Isiyaaka e Israa'iila, hannden, hollu wo aan woni Laamɗo Israa'iila. Kollaa du, miin, wo mi golloowo maaɗa, ko ngaɗumi du fuu, mi waɗiri ɗum fodde yamiroore maaɗa.

1 Kaanankooɓe 19:13

Wakkati Iliyaasa nannoo sonnyo ngoon fu, suddiri yeeso muuɗum e tonndu saayo muuɗum, de ummii wurtii darii hunnduko loho koon. Wakkati oon daande haaldi e makko, wi'i: — Ɗume ngaɗataa ɗo Iliyaasa?

Nehemiya 9:9

A yi'ii no maamiraaɓe amin torriraa ley leydi Misira. Nanuɗaa bojji maɓɓe daande maayo Maaliya.

Ester 3:4

Iɓe cappanannoo mo weeti fu, ammaa kanko Mordakay oon o hettindantaako ɓe. Ɓe njottini kabaaru oon Haman faa ɓe ndaara yalla Mordakay wattitan needi muuɗum, sabo o holliino ɓe wo o Yahuudiyanke.

Wurtagol 15:2

Joomiraaɗo woni semmbe am, Kanko waɗi miɗo yima. Kanko woni kisinɗo kam. Kanko woni Laamɗo am: mi manan mo, Laamɗo baabiraaɓe am, mi teddinan mo.

Wurtagol 29:45

Mi wondan e Israa'iila'en, mi laatoo Laamɗo muɓɓen.

Wurtagol 3:16

Joonin njahaa kawrondinowaa mawɓe Israa'iila'en mbi'aa ɗum'en: Wo Joomiraaɗo, Laamɗo maamiraaɓe mooɗon, mo Ibrahiima e Isiyaaka e Yaakuuba oon ɓangani kam. O wi'i kam o yi'ii torraaji ɗi torreteɗon ley leydi Misira.

Wurtagol 33:20

Ammaa a yi'ataa yeeso am, sabo walaa ji'oowo yeeso am de wuura.

Wurtagol 4:5

Joomiraaɗo wi'i: — Ɗum wo faa ɓe ngoonɗina, ɓe njaɓa wo miin Joomiraaɗo, Laamɗo maamiraaɓe maɓɓe Ibrahiima e Isiyaaka e Yaakuuba ɓangani ma.

Matta 17:6

Nde taalibaaɓe ɓeen nannoo daande ndeen fu, kippi geese muɓɓen e leydi. Ɓe kuli sanne.

Matta 22:32

«Miin woni Laamɗo Ibrahiima, Laamɗo Isiyaaka, Laamɗo Yaakuuba.» Laamɗo wo Laamɗo wuurɓe, wanaa Laamɗo maayɓe.

Marka 12:26

Wooɗi, ko maayɓe ummitotoo ɗuum, on njanngaay e dewtere Muusaa ley taariki wuumoore huɓɓoore, hono no Laamɗo haaldiri e makko, wi'i: «Miin woni Laamɗo Ibrahiima, Laamɗo Isiyaaka, Laamɗo Yaakuuba»?

Luuka 20:37

Wooɗi ko maayɓe ummitotoo ɗuum, fay Muusaa sappake ɗum ley taariki wuumoore huɓɓoore. Sabo toon o noddiri Joomiraaɗo Laamɗo Ibrahiima e Isiyaaka e Yaakuuba.

Luuka 5:8

Nde Simon Piyeer yi'unoo ɗum fu, dikkinii yeeso makko, wi'i mo: — Joomam, woɗɗam, sabo wo mi neɗɗo luttuɗo.

Golle Nelaaɓe 7:32

«Miin woni Laamɗo maamiraaɓe maaɗa, Ibrahiima e Isiyaaka e Yaakuuba.» De Muusaa na diwna, suusaa ndaarude toon katin.

Golle Nelaaɓe 7:34

Mi yi'ii torra kewtiiɗo yimɓe am ɓeen to Misira, mi nanii uumaali maɓɓe. Mi jippake faa mi ɓillita ɓe. Joonin le, war, mi nule Misira.»

Fillitagol 6:3

Ndelle onon Israa'iila'en, kettindoɗon faa wooɗa de tinnoɗon ngaɗon ko yamiraa faa keɓon jam, ɓeydoɗon keewon fodde no Joomiraaɗo, Laamɗo maamiraaɓe mooɗon wi'iri on laatoyto ley leydi ndi kosam e njuumndi ilata e muuɗum ndiin.

Ibraninkooɓe 11:16

Kaa si goonga, iɓe pooɗanoo leydi ɓurndi woodde, ɗum woni ngonndi dow kammu ndiin. Saabe ɗuum, Laamɗo semtiraay noddireede Laamɗo maɓɓe, moƴƴinanii ɓe ngalluure.

Ibraninkooɓe 12:21

Goonga du, ko ɓe nji'ata ɗuum ina hulɓinii faa Muusaa e hoore muuɗum wi'i: «Mi hulii sanne faa miɗo diwna.»

Holleede 1:17

Nde nji'unoomi mo ndeen, caamumi yeeso makko hono wo mi maayɗo. Ammaa o yowi junngo makko nyaamo dow am, o wi'i: — Taa hulu! Miin woni arandeejo, miin woni cakitotooɗo,

Ardiiɓe 13:22

O wi'i deekiiko oon: — Sikke walaa, en maayan sabo en nji'ii Laamɗo!