Wurtagol 3:4 - Dewtere Laamɗo Fulfulde Burkina Faso

⁴ Nde Laamɗo Joomiraaɗo yi'unoo o ooncake faa o ndaara fu, noddi mo ley wuumoore ndeen, wi'i: — Muusaa! Muusaa! O jaabii, o wi'i: Inani kam.

Wurtagol 3:4 ပူးပေါင်းရင်းမြစ်များ

Fuɗɗoode 22:1

Caggal ɗuum, Laamɗo ndaartindii Ibrahiima, wi'i ɗum: — Ibrahiima! O jaabii, wi'i: — Inani kam!

Fuɗɗoode 22:11

Ammaa wakkati oon, Maleyka Joomiraaɗo ƴeewnii illa dow kammuuli, noddi mo wi'i: — Ibrahiima! Ibrahiima! O jaabii, o wi'i: — Inani kam!

Fuɗɗoode 28:16

Yaakuuba finti, wi'i: — Tennyoral, Joomiraaɗo ina woni ley nokku oo! De mi anndaano.

Fuɗɗoode 46:2

Laamɗo haaldi e Israa'iila ley koyɗol jemma majjum, wi'i: «Yaakuuba! Yaakuuba!» Yaakuuba nootii, wi'i: — Inani kam.

Wurtagol 19:3

Muusaa ƴeeŋi dow waamnde ndeen faa hawra e Laamɗo. Joomiraaɗo noddi o dow waamnde toon, wi'i o: — Inan ko kaalantaa yimɓe Israa'iila, ƴuwdi Yaakuuba:

Wurtagol 3:2

Maleyka Joomiraaɗo ɓangani mo ley lewngol yiite hakkunde wuumoore. O haynii, o yi'i inan wuumoore ina huɓɓa ammaa yiite ngeen nyaamata nde.

Wurtagol 33:12

Muusaa wi'i Joomiraaɗo: — A wi'ii kam: «arda yimɓe ɓee, ammaa a wi'aay kam moy woni mo njaadammi.» Ammaa a wi'ii: «miɗo anndiri ma e innde maaɗa, a heɓii du hinney yeeso am.»

Wurtagol 4:5

Joomiraaɗo wi'i: — Ɗum wo faa ɓe ngoonɗina, ɓe njaɓa wo miin Joomiraaɗo, Laamɗo maamiraaɓe maɓɓe Ibrahiima e Isiyaaka e Yaakuuba ɓangani ma.

Lewinkooɓe 1:1

Joomiraaɗo noddi Muusaa ley hukum Ceniiɗo wi'i ɗum: —

Golle Nelaaɓe 10:13

Daande wi'i mo: — Piyeer, umma, hirsu, nyaam!

Golle Nelaaɓe 10:3

Nyannde gomma wakkati yamnde tati, o yi'i e ley holleede maleyka ina naata suudu makko. Maleyka oon ina wi'a mo: — Korneliyus!

Golle Nelaaɓe 9:4

O saami e leydi, o nani daande ina wi'a mo: — Sool, Sool, ko waɗi de aɗa torra kam?

Fillitagol 33:16

Joomiraaɗo waɗa barke leydi lobbiri ndiin, de hinney Laamɗo ɓanguɗo e mooɗon ley wuumoore laatoo hono pilkol dow hoore Yuusufi, laatiiɗo mawɗo sakiraaɓe muuɗum oon.

1 Samuwiila 3:10

Joomiraaɗo wari ɗoon de noddi hono no noddirnoo arande noon: — Samuwiila! Samuwiila! Samuwiila wi'i: — Haalu Joomiraaɗo, maccuɗo maaɗa ina hettindii.

1 Samuwiila 3:4

Ndeen Joomiraaɗo noddi Samuwiila. Samuwiila jaabii, wi'i: — Inani kam.

1 Samuwiila 3:6

Joomiraaɗo noddi katin, «Samuwiila!» De Samuwiila ummii, yehi to Eli, wi'i: — Inani kam, a noddii kam. De Eli wi'i: — Mi noddaay, suka am. Yecca, fukkowa.

1 Samuwiila 3:8

Ndeen Joomiraaɗo noddi Samuwiila tataɓerde. O ummii, o yehi to Eli de o wi'i: — Inani kam, a noddii kam. Sakitii Eli faamii wo Joomiraaɗo noddata suka oon.