Wurtagol 3:15 - Dewtere Laamɗo Fulfulde Burkina Faso

¹⁵ Laamɗo wi'i Muusaa katin: — Inan ko mbi'ataa Israa'iila'en: Wo Joomiraaɗo, Laamɗo maamiraaɓe mooɗon, Ibrahiima e Isiyaaka e Yaakuuba neli kam to mooɗon. Ndee woni innde am faa abada. Wo e mayre yimɓe jamaanuuji fuu mbaawiri noddirde kam.

Wurtagol 3:15 ပူးပေါင်းရင်းမြစ်များ

Fuɗɗoode 24:12

O wi'i: — Joomiraaɗo, Laamɗo joomam Ibrahiima, miɗo nyaage, moƴƴinanam laawol am hannden, kiɓɓinaa hinney maa e joomam Ibrahiima.

1 Kabaaruuji Laamiiɓe 16:16

Taa njeggitee amaana mo o haɓɓidi e Ibrahiima, taa njeebee hunayeere nde o hunanii Isiyaaka.

1 Kabaaruuji Laamiiɓe 29:18

Joomiraaɗo, Laamɗo maamiraaɓe amin Ibrahiima e Isiyaaka e Israa'iila, waɗu miilooji lobbi ɗiin keddoo ley ɓerɗe yimɓe maaɗa de kuccintinaa hakkillooji maɓɓe to maaɗa.

Wurtagol 15:2

Joomiraaɗo woni semmbe am, Kanko waɗi miɗo yima. Kanko woni kisinɗo kam. Kanko woni Laamɗo am: mi manan mo, Laamɗo baabiraaɓe am, mi teddinan mo.

Wurtagol 15:3

Joomiraaɗo wo konunke mawɗo, innde makko woni Joomiraaɗo.

Wurtagol 3:13

Ndeen Muusaa wi'i Laamɗo: — Ndelle si mi yehii to yimɓe Israa'iila, mi wi'ii ɓe: «Laamɗo maamiraaɓe mooɗon neli kam to mooɗon.» Si ɓe ƴamii kam noy woni innde maa, ɗume njaabotoomi ɓe?

Wurtagol 3:6

O wi'i katin: — Miin woni Laamɗo baaba maaɗa, Laamɗo Ibrahiima e Isiyaaka e Yaakuuba. Ndeen Muusaa suddi yeeso muuɗum sabo hulii ndaarude Laamɗo.

Wurtagol 4:1

Muusaa jaabii Joomiraaɗo, wi'i: — Ndaar, ɓe njaɓataa haala am, ɓe kettindantaako kam. Ɓe mbi'an kam: Joomiraaɗo ɓanganaay ma fey?

Wurtagol 4:5

Joomiraaɗo wi'i: — Ɗum wo faa ɓe ngoonɗina, ɓe njaɓa wo miin Joomiraaɗo, Laamɗo maamiraaɓe maɓɓe Ibrahiima e Isiyaaka e Yaakuuba ɓangani ma.

Wurtagol 6:2

Laamɗo haaldi e Muusaa katin, wi'i: — Miin woni Joomiraaɗo.

Banndi 18:10

Innde Joomiraaɗo woni suuɗorde, to dartiiɗo doggirta, de hisa.

Lewinkooɓe 24:11

O mbonkii innde Laamɗo, o huyfini ɗum de o waddaa yeeso Muusaa. Inniiko na wi'ee Celomita ɓii Dibiri mo lenyol Dan.

Matta 22:32

«Miin woni Laamɗo Ibrahiima, Laamɗo Isiyaaka, Laamɗo Yaakuuba.» Laamɗo wo Laamɗo wuurɓe, wanaa Laamɗo maayɓe.

Golle Nelaaɓe 3:13

Laamɗo Ibrahiima e Isiyaaka e Yaakuuba, Laamɗo maamiraaɓe meeɗen, teddini golloowo muuɗum Iisaa. Onon kaa, on ngattii mo e juuɗe laamu, on calake mo yeeso Pilaatu, fay si taweede Pilaatu ina yiɗi yoofude mo.

Golle Nelaaɓe 7:32

«Miin woni Laamɗo maamiraaɓe maaɗa, Ibrahiima e Isiyaaka e Yaakuuba.» De Muusaa na diwna, suusaa ndaarude toon katin.

Fillitagol 1:11

Joomiraaɗo, Laamɗo maamiraaɓe mooɗon ɓeyda on kile ujunere de barkina on hono no wiirunoo noon.

Fillitagol 1:35

Fay gooto hakkunde jamaanu bonɗo oo yi'ataa leydi lobbiri ndi kuninoomi mi hokkan maamiraaɓe maɓɓe ndiin,

Fillitagol 4:1

Muusaa ɓeydi wi'i: Onon yimɓe Israa'iila, kettinee jamirooje e sariyaaji ɗi njannginanmi on. Ɗowtanoɗon ɗi faa mbuuron de njahon njeytowon leydi ndi Joomiraaɗo, Laamɗo maamiraaɓe mooɗon hokkata on ndiin.

Ibraninkooɓe 11:16

Kaa si goonga, iɓe pooɗanoo leydi ɓurndi woodde, ɗum woni ngonndi dow kammu ndiin. Saabe ɗuum, Laamɗo semtiraay noddireede Laamɗo maɓɓe, moƴƴinanii ɓe ngalluure.

Ibraninkooɓe 13:8

Iisaa Almasiihu waylitataako: no worrunoo keeŋan ni, worri hannden, noon du worrata faa abada.