Wurtagol 29:2 - Dewtere Laamɗo Fulfulde Burkina Faso

² Katin keɓaa conndi alkama ɗaatundi, ngaɗaa buuru mo njillaaka rabilla e buuruuje gaɗiraaɗe conndi ɓoosidaandi e nebbam e maasaaje jooraaɗe nebbam.

Wurtagol 29:2 ပူးပေါင်းရင်းမြစ်များ

Wurtagol 12:8

Ley jemma oon, ɓe nduppa teewu nguun, ɓe nyaamda ngu e buuru mo jillaaka rabilla e haakooji kaaɗuɗi.

Wurtagol 29:23

Ndeen kooƴaa ley hanndeere buuru mo jillaaka rabilla wonnde yeeso Joomiraaɗo ndeen, buuruure tamiinde e buuruure waɗiraande nebbam e maasaare.

Wurtagol 29:3

Ngattaa ɗum ley hanndeere wootere, de ngaddidaa e ngaari ndiin e jawɗi ɗiin.

Lewinkooɓe 2:15

Ngatton ɗum nebbam de ɓeydon ure. Wo ɗum sadaka conndi.

Lewinkooɓe 6:13

Inan dokkal ngal Haaruuna e ɓiɓɓe muuɗum ngaddata yeeso am gilla nyannde ɓe ceninirtee nebbam ndeen: Kilooji tati conndi ɗaatundi saabe sadaka gaɗeteeɗo nyannde fuu oon. Feccere subaka, feccere futuro.

Lewinkooɓe 7:10

Ammaa sadaka conndi ɓoosidaandi e nebbam e njoorndi fuu wo ngeɗu ɓiɓɓe Haaruuna. Ɗum feccee hakkunde maɓɓe faa fota.

Lewinkooɓe 7:12

Si neɗɗo na haajaa waɗude sadaka oon saabe yettoore Joomiraaɗo fu, sey waddida ɗum e buuruuje gaɗiraaɗe conndi ɓoosidaandi e nebbam ɗe njillaaka rabilla e maasaaje jooraaɗe nebbam ɗe njillaaka rabilla e buuruuje gaɗiraaɗe conndi ɗaatundi ɓoosidaandi e nebbam.

Lewinkooɓe 8:2

Ngaddaa Haaruuna e ɓiɓɓe muuɗum de kooƴaa kaddule e nebbam ceninirɗam e ngaari sadaka yaafeede e jawɗi ɗiɗi e hanndeere buuruuje ɗe njillaaka rabilla.

Lewinkooɓe 8:26

O itti ley hanndeere buuru mo jillaaka rabilla wonnde yeeso Joomiraaɗo ndeen buuru mo jillaaka rabilla e buuru gaɗiraaɗo nebbam e maasaare, o deki ɗe dow ɓelle ɗeen e busal nyaamal ngaal.

Limle 6:15

Wooɗi du, joomum wadda hanndeere buuruuje ɗe ngaɗtaaka rabilla e maasa gaɗiraaɗo nebbam mo jillaaka rabilla, e sadaka conndi e sadaka njaram.

Limle 6:19

Almaami ada wecco njawdiri ndiin tawa jonngaama de itta ley hanndeere toon maasaare e buuruuje ɗe ngaɗtaaka rabilla, watta ɗe e juuɗe makko tawa o femmbii hoore makko saabe senagol yeeso Joomiraaɗo.

1 Korintunkooɓe 5:7

Laaɓinee ko'e mon, itton rabilla kiiɗɗo oon hakkunde mooɗon, faa laatoɗon conndi keyri ndi walaa rabilla. Wo ɗuum ngonɗon du, sabo jawgel meeɗen iidi Faltagol ngeel hirsaama, ɗum woni Almasiihu.