Wurtagol 28:38 - Dewtere Laamɗo Fulfulde Burkina Faso

³⁸ Ndi wona dow tiinde Haaruuna nde warata yeeso am fuu. Noon o ronndortoo hakkeeji Israa'iila'en ɗi ngaɗi e hokkugol kam dokke muɓɓen ceniiɗe, miin Joomiraaɗo. Wakkati fuu o watta maande seniinde ndeen dow tiinde makko faa ɓe njaɓee to Joomiraaɗo.

Wurtagol 28:38 ပူးပေါင်းရင်းမြစ်များ

Wurtagol 28:37

Kaɓɓiraa pinndi ndiin ɓoggol bulabulawol dow kufune oon, heedde yeeso makko.

Wurtagol 28:43

Wakkati Haaruuna e ɓiɓɓe muuɗum naatata ley Hukum Ceniiɗo naa du nde ɓe ngarata sakkirde faa ɓe ngaɗa gollal maɓɓe ley nokkuure seniinde fuu, ɓe ɓornoo ɗi. Si ɓe ɓornaaki ɗi fu, hakke majjum na waawi saabanaade ɓe maayde. Ɗuum laatanoo Haaruuna e ƴuwdi muuɗum yamiroore faa abada.

Lewinkooɓe 1:4

Gaɗoowo sadaka oon yowa junngo muuɗum dow hoore mayri faa sadaka oon jaabee de hakkeeji muuɗum mooytee.

Lewinkooɓe 10:17

Ko saabii de on nyaamaay kirsamaari ndiin ley nokkuure seniinde de wo huunde seniinde sanne? Joomiraaɗo hokkii on ɗum faa ngaɗon hakkeeji maɓɓe mooytee yeeso muuɗum.

Lewinkooɓe 22:16

Si ɓe accii mo wanaa almaami nyaamii sadakaaji ceniiɗi ɗiin fu, ɓe ndekan hakke dow ko'e muɓɓen de tilsinanee yoɓude. Miin woni Joomiraaɗo, ceninoowo ɓe oon.

Lewinkooɓe 22:27

Nde ɓii nagge maa mbaalu maa mbeewa rimaa fuu, wonda e innam faa waɗa balɗe jeɗɗi. Ƴuwde nyalaande jeetataɓerde ndeen yaade yeeso fuu ngel hewtii waɗaneede Joomiraaɗo sadaka.

Lewinkooɓe 22:9

Ɓe ɗowtanoo ko njamirmi taa hakke saabe huyfinde innde am saabanoo ɓe maayde. Miin woni Joomiraaɗo ceninoowo ɓe oon.

Lewinkooɓe 23:11

Almaami ɓanta haɓɓere ndeen yeeso Joomiraaɗo faa njaabaneɗon. O waɗa ɗum jaangoore nyalaande fowteteende ndeen.

Limle 18:1

Joomiraaɗo wi'i Haaruuna: — Wo aan e ɓiɓɓe ma e sakiraaɓe maaɗa lenyol Lewi ndondotoo feloore si woodii ko oonyi ley nokkuure seniinde maa si on luttii e ley gollal mooɗon almaamaaku.

Yuhanna 1:29

Jaango majjum, Yaayaa yi'i Iisaa ina wara to muuɗum, wi'ii: — Inan jawgel Laamɗo donndotoongel hakkeeji adunaaru.

2 Korintunkooɓe 5:21

Almasiihu waɗaay hakke abada. Ammaa Laamɗo yowi hakkeeji meeɗen fuu dow makko, faa kawtal meeɗen e Almasiihu waɗa en fonnditiiɓe yeeso Laamɗo.

Efeesunkooɓe 1:6

faa o yettiree moƴƴere makko mawnde nde walaa kaaddi! O hokkii en moƴƴere ndeen saabe Ɓiyiiko korsuɗo oon.

Ibraninkooɓe 9:28

Hono noon, Almasiihu du hokkitiri hoore muuɗum hono no kirsamaari ni nde wootere faa ronndoo hakkeeji yimɓe heewɓe. O ɓangan ɗiɗaɓerde, de wanaa faa o ronndoo hakkeeji, ammaa wo faa o waddana yimɓe doomuɓe garol makko ɓeen kisindam.

1 Piyeer 2:24

Almasiihu e hoore muuɗum ronndorake hakkeeji meeɗen e ɓanndu muuɗum dow leggal palaangal, faa maayanen hakkeeji, mbuuranen fonnditaare. On ndannaama saabe barme makko.

1 Piyeer 2:5

Onon du oɗon nga'i hono no kaaƴe buurɗe nyiɓirteeɗe suudu seniindu ni. Wo on almaami'en seniiɓe, waddanooɓe Laamɗo sadakaaji teddinooji ɗum. Laamɗo na jaɓira ɗi saabe Iisaa Almasiihu.

1 Piyeer 3:18

Sabo Iisaa Almasiihu e hoore muuɗum maayii saabe hakkeeji yimɓe jamaanuuji fuu nde wootere faa abada. Ponnditiiɗo oon maayanii ɓe ponnditaaki ɓeen, faa o yaara en to Laamɗo. Fodde ɓanndu, wo o baraaɗo, de o ummitiiɗo e Ruuhu.