Wurtagol 27:21 - Dewtere Laamɗo Fulfulde Burkina Faso

²¹ Haaruuna e ɓiɓɓe muuɗum ngatta ɗi ley Hukum Ceniiɗo, yaasin lefol cuuɗungol keesuwal Amaana ngool. Ɓe njoƴƴinira ɗi no ɗi mbaawiri heddaade iɗi njayna yeeso Joomiraaɗo gilla futuro faa yaade subaka. Yamiroore ndeen na tilsani Israa'iila'en ley jamaanuuji fuu faa abada.

Wurtagol 27:21 ပူးပေါင်းရင်းမြစ်များ

Fuɗɗoode 1:5

O inndiri annoora oon nyalooma, nimre ndeen du, jemma. Hiiri weeti, laatii nyalaande go'aɓerde.

Fuɗɗoode 1:8

O inndiri njaayri ndiin kammu. Hiiri weeti, laatii nyalaande ɗiɗaɓerde.

Wurtagol 12:14

Nyalaande ndeen laatanto on nyalaande miccintinoore faa ngaɗanon kam miin Joomiraaɗo iidi mawɗo. Nde laatanoo on yamiroore heddotoonde ley jamaanuuji garooji fuu faa abada.

Wurtagol 16:34

Ndelle Haaruuna joƴƴini fayennde manna ndeen yeeso keesuwal Amaana faa ɗum heddoo ɗoon hono no Joomiraaɗo yamiri Muusaa noon.

Wurtagol 25:16

Ndesaa ley keesuwal ngaal alluuje amaana ɗe kokkammaami ɗeen.

Wurtagol 28:43

Wakkati Haaruuna e ɓiɓɓe muuɗum naatata ley Hukum Ceniiɗo naa du nde ɓe ngarata sakkirde faa ɓe ngaɗa gollal maɓɓe ley nokkuure seniinde fuu, ɓe ɓornoo ɗi. Si ɓe ɓornaaki ɗi fu, hakke majjum na waawi saabanaade ɓe maayde. Ɗuum laatanoo Haaruuna e ƴuwdi muuɗum yamiroore faa abada.

Wurtagol 29:28

Ɗum laatoo ngeɗu Haaruuna e ɓiɓɓe muuɗum faa abada. Si Israa'iila'en ngaddii dokke sadakaaji dewral fu, wo ɗuum woni ko ittantee almaami'en, ɗum laatoo sadaka saabe Joomiraaɗo.

Wurtagol 29:42

Sadaka buleteeɗo oon, on keddoto e waɗude ɗum dammbugal Hukum Ceniiɗo yeeso Joomiraaɗo ley jamaanuuji fuu faa abada. Wo ɗoon kawrammi e mooɗon, wooɗi du wo ɗoon kaaldammi e mooɗon.

Wurtagol 29:44

Mi seninan hukum am ceniiɗo oon e sakkirde ndeen fuu. Mi seninan Haaruuna e ɓiɓɓe muuɗum faa ɓe ngollana kam gollal almaamaaku.

Wurtagol 30:21

ɓe loota juuɗe maɓɓe e koyɗe maɓɓe tafon taa ɓe maaya. Ɗum laatanoo Haaruuna e ƴuwdi muuɗum yamiroore tabitoore faa abada.

Wurtagol 30:36

Niisaa seeɗa mayri njoƴƴinaa yeeso Keesuwal Amaana, ley Hukum Ceniiɗo ɗo kawrammi e maaɗa ɗoon. Ndi laatoo ko senii sanne.

Wurtagol 30:8

Hono noon du, si o warii kiiral naange faa o huɓɓa fitillaaji ɗiin fu, o wula ure ɗeen. Ure ɗeen na cuurtinee yeeso Joomiraaɗo ley jamaanuuji fuu faa abada.

Wurtagol 40:3

Ndesaa Keesuwal Amaana ngaal de uddiraa ngal ridoo.

Lewinkooɓe 10:9

Nde naatoton hukum Ceniiɗo aan e ɓiɓɓe maaɗa fuu, taa njaron cabijam maa njaram lamminaaɗam. Noon waɗata de on maayataa. Wo ɗum yamiroore nde ɗowtantoɗon ley jamaanuuji fuu

Lewinkooɓe 16:34

Ndee woni yamiroore nde ɗowtantoɗon faa abada faa hakkeeji yimɓe Israa'iila fuu mooytee nde wootere ley hitaande fuu. Ko Joomiraaɗo yamirnoo Muusaa ɗuum fuu waɗaa.

Lewinkooɓe 17:7

Noon waɗata de Israa'iila'en cela hooƴude kirsamaaji muɓɓen na cakkana tooruuji damɗi ɗi cujidanta ɗiin. Wo ɗum yamiroore nde ɗowtantoɗon onon e ƴuwdi mooɗon ley jamaanuuji fuu faa abada.

Lewinkooɓe 23:14

Taa nyaamon buuru maa gabbe ca'aaɗe maa alkama keso gilla nyalaande nde cakkanton Laamɗo mooɗon ndeen hewtaay. Wo ɗum yamiroore nde ɗowtantoɗon to njooɗoyɗon e ley jamaanuuji fuu.

Lewinkooɓe 23:21

Nyannde ndeen pay, ngaɗon kawrital ceniingal. Taa ngollon golle tampinooje on. Wo ɗum yamiroore nde ɗowtantoɗon to njooɗoyiɗon e ley jamaanuuji fuu.

Lewinkooɓe 24:2

Njamiraa Israa'iila'en ngaddane nebbam jaytun unaaɗo laaɓuɗam, ngattaa e fitillaaji ɗiin faa keddoo na kuɓɓa wakkati fuu.

Lewinkooɓe 24:3

Haaruuna joƴƴina ɗi yaasin lefol cuuɗoowol keesuwal Amaana ley hukum Ceniiɗo faa ɗi keddoo iɗi njayna yeeso Joomiraaɗo gilla futuro faa yaade subaka. Wo ɗum yamiroore tilsande Israa'iila'en ley jamaanuuji fuu faa abada.

Lewinkooɓe 24:9

Ɗum laatoo ngeɗu Haaruuna e ɓiɓɓe muuɗum. Ɓe nyaama ɗum ley nokkuure seniinde. Ɗum laatanoo ɓe nyaamdu seniindu ittaandu ley sadakaaji Joomiraaɗo. Wo ɗum yamiroore nde ɗowtantoɗon faa abada.

Lewinkooɓe 3:17

Wo ɗum yamiroore nde ɗowtantoɗon ley jamaanuuji e to njooɗoyiɗon fuu. Ko laatii ɓellere e ƴiiƴam fuu, on njeyaa nyaamude ɗum.

Lewinkooɓe 3:8

o yowa junngo makko dow hoore maggu de o hirsa ngu dammbugal hukum Ceniiɗo. Ɓiɓɓe Haaruuna, almaami'en mbicca ƴiiƴam maggu dow piilol sakkirde ndeen.

Lewinkooɓe 6:15

Almaami gooto hakkunde ɓiɓɓe Haaruuna ceniniraaɗo nebbam faa loomta ɗum kam waɗata sadaka oon. Wo ɗum yamiroore Joomiraaɗo nde ɗowtantoɗon faa abada. Ɗum fuu ɗum wulee.

Lewinkooɓe 7:36

Kanjum woni ko Joomiraaɗo yamiri Israa'iila'en kokka ɓe nyannde ɓe ceninirtee nebbam ndeen. Wo ɗum yamiroore nde ɓe ɗowtantoo ley jamaanuuji fuu.

Limle 18:23

Lewinkooɓe njeyi ndaarande golle ley hukum oon. Si woodii ko gasaay e majjum fu, wo kamɓe njeyi feloore. Ɗum laatanoo on yamiroore nde ɗowtantoɗon ley jamaanuuji fuu faa abada. Ɓe ngalaa ndongu hakkunde yimɓe Israa'iila.

Limle 18:5

Wo onon kaybanta nokkuure seniinde e sakkirde ndeen fuu. Noon watta de Israa'iila'en kisa jukkungo am naawngo ngoon.

Limle 19:21

Ɗum laatanoo ɓe yamiroore ɗowtanteende faa abada. Biccoowo ndiyam ceninoojam oon du lonna kaddule muuɗum. Meemuɗo ndiyam ceninoojam oon du heddoo wo tuunɗo faa yottoo futuro.

Limle 35:29

Ɗum wo yamiroore nde ɗowtantoɗon gilla hannden faa e jamaanuuji fuu to njooɗoytoɗon fuu.

Limle 8:9

Kawrondinaa Israa'iila'en fuu yeeso hukum Ceniiɗo de ɓattinaa Lewinkooɓe ɓeen.

Matta 4:16

yimɓe wonɓe e nimre nji'ii annoora mawɗo. Wuurɓe e ley leydi niɓɓundi nimre maayde, annoora yaynanii ɗum'en.»

Luuka 12:35

— Kaɓɓee kaɓɓorɗi mon faa ngollon, kuɓɓee lampe mon.

Yuhanna 5:35

Yaayaa laatake lampal kuɓɓoowal, jaynoowal. On njaɓii weltaade e annoora makko faa ɓooyti seeɗa.

2 Korintunkooɓe 4:6

Sabo Laamɗo wi'ii: «annoora yaynu e ley nimre.» Kam yaynini annoora muuɗum e ley ɓerɗe amin, faa anndina min darja muuɗum jaynoowo, gonɗo e yeeso Almasiihu.

2 Piyeer 1:19

Ɗum fuu ɓeydanii min katin tannyorde ko annabaaɓe ɓeen kaalnoo ɗuum. Ndelle sanaa ngatton hakkillooji mooɗon e dow majjum, sabo haalaaji maɓɓe ina nga'i hono lampal jaynoowal ley nimre, faa pooyngol yayna, de hoodere fajiri jalba ley ɓerɗe mooɗon.

Holleede 2:1

— Winndan maleyka kawrital goonɗinɓe gonngal Efeesu, mbi'aa: «Inan haalaaji jogiiɗo koode jeɗɗi e junngo muuɗum nyaamo, jahoowo hakkunde fitillaaji kaŋŋe jeɗɗi:

1 Samuwiila 3:3

Samuwiila du ina fukkii ley suudu Joomiraaɗo to keesuwal Laamɗo woni. Tawi fitilla Laamɗo nyifaay tafon.

1 Samuwiila 30:25

Illa nyannde ndeen Daawda waɗi ɗum yamiroore. Ɗum laatake al'aada ley Israa'iila, na heddii faa hannden.