Wurtagol 26:33 - Dewtere Laamɗo Fulfulde Burkina Faso

³³ Ɓilaa ridoo oon e tiigorkoy kawritinkoy e gude kuuruɗe hukum oon kooy. Ridoo oon sennda Nokkuure Seniinde e Nokkuure Ɓurnde fuu Senaade ndeen. Kooƴaa keesuwal Amaana ngaal, njoƴƴinaa ɗum gaɗa ridoo oon

Wurtagol 26:33 ပူးပေါင်းရင်းမြစ်များ

1 Kaanankooɓe 6:16

Suudu caggalaaru nduun o waɗi Nokkuure Ɓurnde Fuu Senaade. Njuuteefi mayru wo piyanɗe 20. O waɗi maadiiji nokkuure ndeen fuu uddira leɗɗe seddere.

1 Kaanankooɓe 8:10

Nde almaami'en njaltunoo nokkuure seniinde ndeen fu, ruulde heewi nder suudu Dewal Joomiraaɗo Mawndu nduun fuu.

1 Kaanankooɓe 8:6

Almaami'en njaari keesuwal Amaana Joomiraaɗo ngaal nokku muuɗum nder suudu Seniindu toon de njoƴƴini ngal ley Nokkuure Ɓurnde fuu Senaade ndeen, ley bippeele keruba'en ɓeen.

Wurtagol 25:16

Ndesaa ley keesuwal ngaal alluuje amaana ɗe kokkammaami ɗeen.

Wurtagol 26:32

Keɓanaa ridoo oon leɗɗe ngawdi nay darnirɗe. Mooytaa ɗe kaŋŋe, ngaɗanaa ɗe ngadirkoy kaŋŋe. Ciiwaa cardi, ngaɗaa joƴƴinirɗe nay faa darnirɗe ɗeen cenngoo e muɓɓen.

Wurtagol 27:10

Ngaɗiranaa ɗe darnirɗe 20 e joƴƴinirɗe muɓɓen 20 e njamndi mboɗeeri. Ko gude ɗeen tiigortee e ko kaɓɓirtee fuu waɗiree cardi.

Wurtagol 27:21

Haaruuna e ɓiɓɓe muuɗum ngatta ɗi ley Hukum Ceniiɗo, yaasin lefol cuuɗungol keesuwal Amaana ngool. Ɓe njoƴƴinira ɗi no ɗi mbaawiri heddaade iɗi njayna yeeso Joomiraaɗo gilla futuro faa yaade subaka. Yamiroore ndeen na tilsani Israa'iila'en ley jamaanuuji fuu faa abada.

Wurtagol 36:36

Ɓe keɓani ridoo oon leɗɗe ngawdi nay darnirɗe. Ɓe mooyti ɗe kaŋŋe, ɓe ngaɗani ɗe ngadirkoy kaŋŋe. Ɓe ciiwi cardi, ɓe ngaɗi joƴƴinirɗe nay faa darnirɗe ɗeen cenngoo e muɓɓen.

Wurtagol 40:21

Ndeen o nanni ngal ley hukum, o haɓɓi ridoo cuuɗoowo ngal oon de uddi ngal hono no Joomiraaɗo yamiri mo noon.

Wurtagol 40:3

Ndesaa Keesuwal Amaana ngaal de uddiraa ngal ridoo.

Lewinkooɓe 16:2

Joomiraaɗo wi'i Muusaa: — Kaaldaa e sakiike maaɗa Haaruuna mbi'a ɗum taa naata wakkati fuu faa ley Nokkuure Ɓurnde fuu Senaade gaɗa ridoo yeeso keruba'en huuruɓe keesuwal Amaana ngaal. Noon waɗta taa o maaya sabo miɗo ɓanga nder ruulde dow ommboode ndeen.