Wurtagol 24:6 - Dewtere Laamɗo Fulfulde Burkina Faso

⁶ Muusaa itti feccere ƴiiƴam majji watti ley taasaaje mawɗe, o wicci keddiiɗam ɗaam du dow sakkirde ndeen.

Wurtagol 24:6 ပူးပေါင်းရင်းမြစ်များ

2 Kaanankooɓe 17:15

Ɓe paɗɗii jamirooje makko e amaana mo o waddunoo e baabiraaɓe maɓɓe oon, e huunde fuu ko o sappannoo ɓe de iɓe ndoggana tooruuji ɓoli faa kamɓe du, ɓe laati ɓolɓe. Ɓe njokki lenyi piiliiɗi ɓe, ɗi Joomiraaɗo wi'unoo taa ɓe nyemmita golle muɓɓen ɗiin.

Wurtagol 12:22

Itton liccoy haakolooji lekki hisopi, cuuwon koy nder le'e gonduɗe e ƴiiƴam de mbiccon ɗam dow tiiɗe dammbuɗe mooɗon e seraaji majje. De taa fay gooto mooɗon wurtoo suudu muuɗum faa ɗo weeti.

Wurtagol 12:7

Ɓe itta ƴiiƴam majje, ɓe buja seraaji dammbuɗe e tiiɗe majje ɗo ɓe nyaamata ɗe ɗoon.

Wurtagol 24:8

Muusaa hooƴi ƴiiƴam keddiiɗam ɗaam wicci dow maɓɓe de wi'i: — Inan ƴiiƴam ceedotooɗam Joomiraaɗo haɓɓidii e mooɗon amaana dow haalaaji ɗii fuu.

Wurtagol 29:16

Ndeen kirsaa ndi, ittaa ƴiiƴam mayri mbiccaa piilol sakkirde ndeen fuu.

Wurtagol 29:20

Kirsaa ndi, ittaa ƴiiƴam mayri mbujaa dow mbaggudi nowru Haaruuna nyaamru e ɗi ɓiɓɓe muuɗum fuu, e kolli juuɗe nyaame gori e ɗi koyɗe muɓɓen nyaame. Mbiccaa yiiƴam keddiiɗam ɗaam dow piilol sakkirde ndeen.

Lewinkooɓe 1:11

Ndi hirsee yeeso Joomiraaɗo soɓɓirre sakkirde ndeen de ɓiɓɓe Haaruuna mbicca ƴiiƴam mayri piilna nde.

Lewinkooɓe 1:5

O hirsa ngaari ndiin yeeso Joomiraaɗo. Ɓiɓɓe Haaruuna, almaami'en ngadda ƴiiƴam mayri, mbicca piilol sakkirde wonnde dammbugal hukum Ceniiɗo ndeen.

Lewinkooɓe 3:2

O yowa junngo makko dow hoore magge de o hirsa nge dammbugal hukum Ceniiɗo. Ɓiɓɓe Haaruuna, almaami'en mbicca ƴiiƴam magge piilol sakkirde ndeen.

Lewinkooɓe 3:8

o yowa junngo makko dow hoore maggu de o hirsa ngu dammbugal hukum Ceniiɗo. Ɓiɓɓe Haaruuna, almaami'en mbicca ƴiiƴam maggu dow piilol sakkirde ndeen.

Lewinkooɓe 4:6

O suuwa honndu makko nder ƴiiƴam ɗaam de o misa dow ridoo hukum oon kile jeɗɗi yeeso Joomiraaɗo.

1 Korintunkooɓe 11:25

Hono nii du, nde ɓe tilinoo e hiraande ndeen, o hooƴi horde cabijam. O wi'i: «Horde nde woni amaana keso tabintiniraaɗo ƴiiƴam am. Nde njaroton fuu, miccitoɗon kam.»

Koloosiyankooɓe 1:20

de rewrintiniri huunde fuu e muuɗum saabe Almasiihu, waɗi jam saabe ƴiiƴam makko ndufaaɗam dow leggal palaangal. Ko woni dow kammu e ko woni dow leydi fuu rewrintinaama e makko.

Ibraninkooɓe 12:24

On ngarii to Iisaa curoowo hakkunde yimɓe e Laamɗo ley amaana keso oon. On ngarii to ƴiiƴam makko mbiccaaɗam, ngadduɗam kabaaru ɓurɗo kabaaru ƴiiƴam Haabiila njuppiiɗam ɗaam woodde.

Ibraninkooɓe 8:9

O nanndataa e amaana mo ngaɗidinnoomi e maamiraaɓe maɓɓe nde ɗowunoomi ɗum'en faa mi wurtina ɗum'en leydi Misira ndeen. Ko kamɓe e ko'e maɓɓe ɓe mbonni amaana am ɗuum, miin du mi tottitake ɓe. Noon mbiimi, miin Joomiraaɗo.»

Ibraninkooɓe 9:18

Ɗum waɗi de fay amaana arandeejo oon tabitaay si wanaa ƴiiƴam rufaa.

Ibraninkooɓe 9:19

Nde Muusaa hollitinnoo yimɓe ɓeen jamirooje gonɗe e Tawreeta ɗeen fuu ndeen, hooƴi ƴiiƴam nga'oy e ndamkoy, jillunduri ɗam e ndiyam, de suuwiri toon leeɓi baali boɗeeji e licce hisop, de wicci dewtere Tawreeta ndeen e yimɓe ɓeen fuu.

Ibraninkooɓe 9:21

Hono noon katin, o wicciri ƴiiƴam e dow hukum Ceniiɗo oon, kam e gineeji dewruɗi Laamɗo ɗiin fuu.

1 Piyeer 1:19

Almasiihu wo laatiiɗo jawgel kiɓɓungel, ngel walaa malal. Oon soottitiri on ƴiiƴam muuɗum tedduɗam.

1 Piyeer 1:2

Laamɗo Baaba meeɗen suɓake on, anniyake laatoɗon yimɓe muuɗum toon. Ruuhu muuɗum ina golla e mooɗon faa laatoɗon seniiɓe, faa ɗowtanoɗon Iisaa Almasiihu, laamnireɗon ƴiiƴam muuɗum mbiccaaɗam e mooɗon. Laamɗo ɓeydan on moƴƴere e jam.