Wurtagol 24:14 - Dewtere Laamɗo Fulfulde Burkina Faso

¹⁴ Muusaa wi'i mawɓe ɓeen: — Keɗoɗon min ɗoo faa min ngarta. Inan Haaruuna e Huur keddodoto e mooɗon. Si won waɗduɓe kalala fu, njaha to maɓɓe faa ɓe kiitanoo ɗum'en.

Wurtagol 24:14 ပူးပေါင်းရင်းမြစ်များ

Fuɗɗoode 22:5

Ibrahiima haaldi e gollooɓe muuɗum ɓeen, wi'i: — Keddee ɗoo, onon e araawa ngaan. Miin e suka o, min ƴeeŋan faa dow toon, min cujidana Laamɗo, de min ngarta.

Wurtagol 17:10

Yoosuwa ƴeeŋi haɓdowii e Amalekinkooɓe hono no Muusaa yamiri ɗum noon. Muusaa e Haaruuna e Huur du njehi faa dow seɓtoodu waamnde toon.

Wurtagol 17:12

Ammaa juuɗe Muusaa ŋooɗi sanne. Ndelle Haaruuna e Huur kooƴi hayre ngaddani ɗum faa jooɗoo. Nde o jooɗinoo fu, Haaruuna e Huur tiigii juuɗe makko, gooto ina woni junngo nyaamo, gooto du junngo nano. Juuɗe Muusaa keddii ina ƴeptorii noon faa kiiral naange.

Wurtagol 18:16

Si woodii ɓe ndewraay du, ngara to am faa mi saroo hakkunde muɓɓen, mi anndina ɗum'en jamirooje e sariyaaji Laamɗo.

Wurtagol 32:1

Israa'iila'en yi'i Muusaa ɓooyii dow waamnde toon. Ndeen ɓe kawriti to Haaruuna, ɓe mbi'i ɗum: — Umma, ngaɗanaa en tooruuji ardotooɓe en sabo Muusaa, gorko burtinɗo en leydi Misira oon kaa, en anndaa ko hewtii ɗum.

1 Samuwiila 10:8

A ardoto kam wuro Gilgal. Miin yaa, mi hawran e maa, mi hirsa sadakaaji buleteeɗi e sadakaaji jeɗeteeɗi. Aan kaa keɗoɗaa balɗe jeɗɗi faa mi wara mi holle no ngaɗirtaa.