Wurtagol 24:12 - Dewtere Laamɗo Fulfulde Burkina Faso

¹² Joomiraaɗo wi'i Muusaa: Ƴeeŋu ngaraa to am dow waamnde ndee de keɗoɗaa faa mi hokke alluuje kaaƴe cehaaɗe. Mi winndii jamirooje e sariyaaji dow majje faa ekintinaa yimɓe ɓeen.

Wurtagol 24:12 ပူးပေါင်းရင်းမြစ်များ

1 Kaanankooɓe 19:11

Ndeen Joomiraaɗo wi'i: — Wurta ɗo! Njahaa dow waamnde, ndaroɗaa yeeso am. Inan no Joomiraaɗo faltortoo: Henndu ndu semmbe wifi, ndu seeki baamle, ndu heli kaaƴe yeeso Joomiraaɗo. Ammaa Joomiraaɗo tawaaka ley mayru. Caggal henndu nduun, dimbaango leydi manngo waɗi, ammaa Joomiraaɗo walaa nder maggo.

Nehemiya 9:13

Jippiɗa dow waamnde Sinayi, kaalduɗaa e maɓɓe, kokkuɗaa ɓe jamirooje dartiiɗe e ekitingol goongalawol e sariya lobbo.

Nehemiya 9:14

Kaalanɗaa ɓe nyalaande maaɗa seniinde, ɗum woni nyalaande fowteteende. Kokkuɗaa Muusaa maccuɗo maaɗa jamirooje e ekitingol, faa janngina ɓe.

Wurtagol 19:3

Muusaa ƴeeŋi dow waamnde ndeen faa hawra e Laamɗo. Joomiraaɗo noddi o dow waamnde toon, wi'i o: — Inan ko kaalantaa yimɓe Israa'iila, ƴuwdi Yaakuuba:

Wurtagol 24:15

Nde Muusaa ƴeeŋunoo waamnde Sinayi ndeen, ruulde suddi nde.

Wurtagol 24:18

Muusaa naati faa ley ruulde ndeen dow waamnde toon. O heddii dow waamnde toon balɗe 40 jemma e nyalooma.

Wurtagol 24:2

Ammaa Muusaa tan ɓattitotoo kam, heddiiɓe ɓeen kaa, taa ɓattoo. Israa'iila'en du ƴeenyida e maaɗa.

Wurtagol 31:18

Nde Joomiraaɗo tilinoo haaldude e Muusaa dow waamnde Sinayi ndeen, hokki ɗum alluuje kaaƴe ɗiɗi miccintinooje amaana ɗe Laamɗo e hoorem winndiri honndu muuɗum.

Wurtagol 32:1

Israa'iila'en yi'i Muusaa ɓooyii dow waamnde toon. Ndeen ɓe kawriti to Haaruuna, ɓe mbi'i ɗum: — Umma, ngaɗanaa en tooruuji ardotooɓe en sabo Muusaa, gorko burtinɗo en leydi Misira oon kaa, en anndaa ko hewtii ɗum.

Wurtagol 34:1

Joomiraaɗo wi'i Muusaa: — Sehu alluuje kaaƴe ɗiɗi hono ɗe arane ɗeen faa mi winnda dow majje jamirooje ɗe mbinndunoomi dow arane ɗe kelunoɗaa ɗeen.

Matta 5:19

Ɗum le, boofuɗo ko ɓuri fuu famɗude e jamirooje ɗeen, de janngini woɓɓe faa ngaɗa noon, joomum laatoto ɓurɗo famɗude e laamu Laamɗo. Ammaa neɗɗo fuu jokkuɗo Tawreeta oon, de janngini woɓɓe ngaɗa noon, joomum laatoto mawɗo e laamu Laamɗo.

2 Korintunkooɓe 3:3

Ina laaɓi, wo on ɓataaki Almasiihu saabe golle amin. Ɓataaki kiin winndiraaka dawa, wo Ruuhu Laamɗo Buurɗo ki winndiraa. Ki winndaaka dow alluuje kaaƴe, wo e ɓerɗe yimɓe ki winndaa.

2 Korintunkooɓe 3:7

Jamirooje binndaaɗe e alluuje kaaƴe, jaarooje to maayde ɗeen, ina ngoodunoo darja faa Israa'iilankooɓe kunngii ndaarude yeeso Muusaa saabe annoora gonɗo e darja oon, fay si taweede darja oon wo nyifoowo.

Fillitagol 4:14

Wakkati oon Joomiraaɗo yamiri kam mi janngina on jamirooje e sariyaaji ɗiin faa ngaɗon ko wi'i ley leydi ndi ponndiɗon faa laatoo jeyal mooɗon ndiin.

Fillitagol 5:22

Wo haalaaji ɗii, Joomiraaɗo hokki jamaare Israa'iila dow waamnde hakkunde yiite e ruulde e nimre tekkunde. O haaliri ɗi e daande toownde, o ɓeydaay faa'e. O winndii ɗi dow alluuje kaaƴe ɗiɗi de o hokki kam.

Fillitagol 5:31

Ammaa aan kaa, keddodoɗaa e am ɗo faa mi hokke jamirooje e sariyaaji e kiite ko ekintintaa ɓe faa ɓe ngaɗa ko mbiimi ley leydi ndi kokkammi ɓe, laatoo ndongu maɓɓe ndiin.

Ibraninkooɓe 9:4

Ley mayru urirde waɗiraande kaŋŋe e keesuwal Amaana mooytiraangal kaŋŋe ngonnoo. Ley keesuwal ngaal ina woodi loongel kaŋŋe goodungel nyaamdu wi'eteendu «manna», kam e sawru Haaruuna wilitinnoondu nduun e alluuje ɗe amaana oon winndaa e muɓɓen ɗeen.