Wurtagol 23:24 - Dewtere Laamɗo Fulfulde Burkina Faso

²⁴ Taa ndikkinoɗaa yeeso allaaji maɓɓe, taa ɗowtanoɗaa ɗi, taa ngaɗanaa ɗi huunde fuu ko ɓiɓɓe leydi ndiin ngaɗanta ɗi. Cankitaa ɗi, pusaa bimmbeeje tooruuji ɗi ɓe ɗowtantoo ɗiin.

Wurtagol 23:24 ပူးပေါင်းရင်းမြစ်များ

2 Kaanankooɓe 17:11

Iɓe mbula ure dow nokkuuje maɓɓe cakkirɗe ɗeen, iɓe nyemmita lenyi ɗi Joomiraaɗo riiwunoo yeeso maɓɓe ɗiin. Noon ɓe keddorii iɓe ngaɗa ko boni ɗuum faa ɓe ummini tikkere Joomiraaɗo.

2 Kaanankooɓe 17:8

Iɓe njokkii al'aadaaji lenyi ɗi Joomiraaɗo riiwunoo yeeso maɓɓe, wooɗi du, iɓe ndewi ko kaanankooɓe Israa'iila ngaɗata.

2 Kaanankooɓe 18:4

Wo kanko halki nokkuuje cakkirɗe, o heli bimmbeeje tooruuji, o soppi leggal tooru Asera ngaal. Katin, o sankiti mboddi ndi Muusaa waɗirnoo njamndi mboɗeeri ndiin, sabo wakkati oon tawii Israa'iila'en na mbulananno ndi ure. Innde mayri wo Nehusitan.

2 Kaanankooɓe 3:2

O waɗi ko boni yeeso Joomiraaɗo. Ammaa bone mo o waɗi oon hewtaay mo baabiiko e inniiko ngaɗunoo sabo o halkii bimmbeere tooru Ba'al nde baabiiko darnunoo ndeen.

Wurtagol 20:3

Taa ngoodaa alla goɗɗo si wanaa miin.

Wurtagol 20:5

Taa kofoɗaa yeeso kujje ɗeen, wooɗi du, taa ɗowtanoɗaa ɗe sabo miin Joomiraaɗo, Laamɗo maaɗa oon, wo mi Laamɗo keewɗo kiram. Mi kiitotooɗo ɓiɓɓe saabe hakkeeji baabiraaɓe muɓɓen faa hewta taaniraaɓe e jaatiraaɓe wanyuɓe kam ɓeen.

Wurtagol 23:13

Ngaɗon ko mbi'umi on ɗuum wooɗi du, taa noddon allaaji feere, taa fay inɗe majji nanee e kunnduɗe mooɗon.

Wurtagol 23:32

Taa kaɓɓidon e maɓɓe kamɓe e tooruuji maɓɓe fuu amaana.

Wurtagol 23:33

Taa ɓe njooɗoo ley leydi mooɗon de ɓe mbosina on, sabo ɗuum waddanan on waɗude hakke yeeso am. Si on ɗowtanake allaaji maɓɓe fu, ɗum laatanto on fergorde.

Wurtagol 32:20

O hooƴi ga'el ngel ɓe ngaɗi ngeel, o faɗɗi ɗum ley yiite, o niisi ɗum, de o sankiti conndi muuɗum nder ndiyam de o waɗi Israa'iila'en ɓeen njari ɗam.

Lewinkooɓe 18:3

Taa ngaɗon al'aadaaji leydi Misira to ngonnoɗon toon, wooɗi du taa njokkon al'aadaaji leydi Kanaana ndi njaaranmi on ndiin. Taa njokkon sariyaaji maɓɓe.

Lewinkooɓe 26:1

Taa ngaɗanon ko'e mooɗon allaaji goɗɗi. Taa ndarnanon ko'e mon tooruuji maa bimmbeeje kaaƴe wooɗi du, taa ndarnon kaaƴe cehaanɗe ley leydi mooɗon faa cujidanon ɗum. Miin woni Joomiraaɗo, Laamɗo mooɗon.

Limle 25:2

Surbaaɓe ɓeen na mbaantoo ɓe sadakaaji ɗi ngaɗanta allaaji muɓɓen. Iɓe nyaamda e muɓɓen wooɗi du, iɓe cujidana allaaji ɗiin.

Limle 33:52

ndiiwon ɓe tawuɗon toon fuu. Kalkon tooruuji maɓɓe gaɗiraaɗi kaaƴe e jamnɗe, wooɗi du kalkon nokkuuje cakkirɗe majji fuu.

Fillitagol 12:3

Kelon cakkirɗe maɓɓe, puson kaaƴe maɓɓe darnaaɗe, mbulon leɗɗe tooru Asera, kalkon allaaji maɓɓe de lallinon inɗe muɓɓen ley nokkuuje ɗeen.

Fillitagol 7:5

Inan no haani ngaɗon ɓe: kalkon cakkirɗe maɓɓe, kelon kaaƴe maɓɓe tooruuji, keltoɗon leɗɗe maɓɓe darnaaɗe ɗe tooru Asera ɗeen. Mbulon tooruuji maɓɓe ɗiin fuu.