Wurtagol 23:12 - Dewtere Laamɗo Fulfulde Burkina Faso

¹² Balɗe jeegom ngollirtaa gollal maaɗa. Ammaa nyalaande jeɗɗaɓerde kaa, na tilsi powtaa faa ga'i maa e araaji maa du keɓa powta. Noon du maccuɓe maaɗa e weerɓe maa fuu powtirta.

Wurtagol 23:12 ပူးပေါင်းရင်းမြစ်များ

Nehemiya 13:16

Katin yimɓe leydi Tirus jooɗiiɓe ley Urusaliima ina ngadda liƴƴi e kujje feere feere conneteeɗe iɓe connira yimɓe Yahuuda ley Urusaliima nyannde fowteteende.

Wurtagol 16:23

Muusaa wi'i ɓe: — Inan ko Joomiraaɗo yamiri: Jaango wo nyalaande fowteteende seniinde, wo nde nyalaande seninanaande Joomiraaɗo. Ca'on ko ca'oton fuu, njongon ko njongoton fuu. Ko heddii du, ndeson ɗum faa weeta.

Wurtagol 23:11

Ammaa ndunngu njeɗɗaɓu nguun kaa, a jeyaa remude nga. Accanaa nga talkaaɓe ley lenyol maaɗa. Ko heddii du, daabaaji ladde nyaama. Noon ngaɗirtaa ngesa maaɗa inabooje e nga jaytun fuu.

Wurtagol 34:21

Ngolliron balɗe jeegom ammaa nyalaande jeɗɗaɓerde ndeen, tilay powton. Fay si wo wakkati ndemri naa tayri, na tilsi powton.

Wurtagol 35:2

Nyalaaɗe jeegom ngollirton golleeji mooɗon, ammaa nyannde jeɗɗaɓerde ndeen wo nyalaande fowteteende seniinde saabe Joomiraaɗo. Golluɗo nyannde ndeen fuu, wo bareteeɗo.

Wurtagol 35:3

Taa kuɓɓon yiite ley galle mooɗon nyalaande fowteteende ndeen.

Lewinkooɓe 23:3

Ngollon golleeji mooɗon faa waɗa balɗe jeegom, ammaa nyalaande jeɗɗaɓerde ndeen wo Nyalaande fowteteende. Ngaɗon kawrital ceniingal. Taa ngollon gollal fay gootal sabo wo nde nyalaande Joomiraaɗo fowteteende. Nde laatanoo on noon to njooɗoyiɗon fuu.

Marka 2:27

Iisaa wi'i ɓe katin: — Nyalaande fowteteende ndeen wo saabe neɗɗo waɗiraa, wanaa neɗɗo waɗiraa saabe nyalaande fowteteende ndeen.

Luuka 13:14

De hooreejo suudu waajordu nduun na mettaa ko Iisaa danni goɗɗo nyannde fowteteende ɗuum, wi'i yimɓe ɓeen: — Balɗe jeegom jeyɗe golleede ina ngoodi. E ley balɗe ɗeen kaanɗon warude ndanneɗon, wanaa nyannde fowteteende.