Wurtagol 23:11 - Dewtere Laamɗo Fulfulde Burkina Faso

¹¹ Ammaa ndunngu njeɗɗaɓu nguun kaa, a jeyaa remude nga. Accanaa nga talkaaɓe ley lenyol maaɗa. Ko heddii du, daabaaji ladde nyaama. Noon ngaɗirtaa ngesa maaɗa inabooje e nga jaytun fuu.

Wurtagol 23:11 ပူးပေါင်းရင်းမြစ်များ

Nehemiya 10:31

Min anniyake sukaaɓe amin rewɓe ndewlataake lenyi janani jooɗiiɗi ley leydi ndi, wooɗi min ndewlantaa sukaaɓe amin worɓe surbaaɓe lenyi ɗiin.

Nehemiya 10:32

Si ɓe ngaddii kujje conneteeɗe nyannde fowteteende maa nyalaande seniinde wonnde, si ɗum alkama maa goɗɗum feere, min coodataa. Ley hitaande jeɗɗaɓerde fuu, min njoppan gese amin, min ndemataa ɗe. Katin du, min njaafanto mo min njokkataa nyamaande ley hitaande ndeen.

Wurtagol 23:10

Ndemaa ngesa maaɗa haddi duuɓi jeegom.

Wurtagol 23:12

Balɗe jeegom ngollirtaa gollal maaɗa. Ammaa nyalaande jeɗɗaɓerde kaa, na tilsi powtaa faa ga'i maa e araaji maa du keɓa powta. Noon du maccuɓe maaɗa e weerɓe maa fuu powtirta.

Lewinkooɓe 25:20

Si on mbi'i: «Ɗume nyaameten ley hitaande jeɗɗaɓerde ndeen, sabo en aawataa en taƴataa?»

Lewinkooɓe 25:22

Hitaande jeetataɓerde, on aawan, ammaa on keddoto oɗon nyaama tayri kiinndi faa hewta hitaande jeenayaɓerde. On nyaaman kinndi ndiin faa nde tayri hitaande jeenayaɓerde ndeen hewti.

Limle 16:14

A nannaay min leydi ndi kosam e njuumndi ilata e muuɗum, a hokkaay min gese e leɗɗe dimooje faa laatoo ndonngu amin. Ndelle a ndaardataanaa yimɓe ɓee fuu hono wumɓe naa? Min ngarataa!

Fillitagol 15:11

Talkaaɓe tawetee ley leydi mon wakkati fuu. Wo saabe ɗuum de miɗo hokka on yamiroore ndee: moƴƴanon sakiraaɓe mon talkaaɓe e tampuɓe wonɓe ley leydi mon.