Wurtagol 22:30 - Dewtere Laamɗo Fulfulde Burkina Faso

³⁰ On laatoto yimɓe am seniiɓe. Ndelle taa nyaamon teewu ngu huunde ladde taƴi, ammaa paɗɗanon ngu dawaaɗi.

Wurtagol 22:30 ပူးပေါင်းရင်းမြစ်များ

Fuɗɗoode 17:12

Ley jamaanuuji fuu, nde ɓiɗɗo gorko rimaa faa hewti balɗe jeetati fu, taadon ɗum. Noon ngaɗanton ɓii maccuɗo dimaaɗo ley ɓaade mooɗon e maccuɓe ɓe cooduɗon laatii yimɓe mooɗon fuu.

Wurtagol 13:12

cakkanon mo awruuɓe mooɗon e ko artii rimeede ley kulle mon fuu. Joomiraaɗo kam jeyi awruuɓe worɓe fuu.

Lewinkooɓe 11:44

Sabo wo miin woni Joomiraaɗo, Laamɗo mooɗon. Ceninee ko'e mooɗon, faa laatoɗon seniiɓe sabo miin wo mi ceniiɗo. Taa tuuniniree ko'e mooɗon e meemude kujje ladooje e leydi.

Lewinkooɓe 11:45

Sabo wo miin woni Joomiraaɗo burtinɗo on leydi Misira faa laatoo Laamɗo mooɗon. Ndelle laatoɗon seniiɓe sabo miin wo mi ceniiɗo.

Lewinkooɓe 12:3

Nyalaande jeetataɓerde ndeen, cukalel ngeel taadee.

Lewinkooɓe 17:15

Israa'iilanke dimo e janano gonɗo hakkunde muɓɓen nyaamuɗo ko saaɗi maa ko huunde ladde seeki fu, sey lonna kaddule muuɗum, lootoo de heddoo wo tuunɗo faa hewta futuro. Caggal ɗuum laatoo laaɓuɗo.

Lewinkooɓe 22:27

Nde ɓii nagge maa mbaalu maa mbeewa rimaa fuu, wonda e innam faa waɗa balɗe jeɗɗi. Ƴuwde nyalaande jeetataɓerde ndeen yaade yeeso fuu ngel hewtii waɗaneede Joomiraaɗo sadaka.

Lewinkooɓe 22:8

Taa o nyaama ndaaba caaɗunga maa nga huunde ladde seeki sabo ɗum tuuninan o. Miin woni Joomiraaɗo.

Lewinkooɓe 7:23

Kaaldaa e Israa'iila'en, mbi'aa ɗum'en: Taa nyaamon ɓellere nagge maa mbaalu maa mbeewa. Ko laatii ɓellere fuu taa nyaamon ɗum.

Lewinkooɓe 7:24

Ɓellere ndaaba caaɗunga maa nga kujje ladde ceeki na waawi gollitoreede goɗɗum ammaa on njeyaa nyaamude ɗum.

Lewinkooɓe 7:26

Taa nyaamon ƴiiƴam ko ɗam laatii fuu, nde wo ƴiiƴam foondu maa ndaaba, on njeyaa nyaamude ɗum to njooɗoyiɗon fuu.

Fillitagol 14:21

Taa nyaamon ko saaɗi. Kokkon ɗum janano jooɗiiɗo ley galluuje mooɗon naa conniron ɗum beero sabo onon wo on yimɓe seniiɓe yeeso Joomiraaɗo, Laamɗo mooɗon. Taa njongon ɓii mbeewa ley kosam innam.

Fillitagol 15:19

Ko laatii awru daabaaji mon pamari e mawɗi fuu ceninanon ɗum Joomiraaɗo, Laamɗo mooɗon. Taa ndemnon awru nagge, taa keson awru mbaalu naa mbeewa.