Wurtagol 20:5 - Dewtere Laamɗo Fulfulde Burkina Faso

⁵ Taa kofoɗaa yeeso kujje ɗeen, wooɗi du, taa ɗowtanoɗaa ɗe sabo miin Joomiraaɗo, Laamɗo maaɗa oon, wo mi Laamɗo keewɗo kiram. Mi kiitotooɗo ɓiɓɓe saabe hakkeeji baabiraaɓe muɓɓen faa hewta taaniraaɓe e jaatiraaɓe wanyuɓe kam ɓeen.

Wurtagol 20:5 ပူးပေါင်းရင်းမြစ်များ

2 Samuwiila 21:1

Ley jamaanu Daawda du, rafo waɗiino. Nde ngo waɗunoo duuɓi tati ndeen, Daawda wari yeeso Joomiraaɗo, ƴami daliili rafo ngoon. Joomiraaɗo jaabii mo: — Rafo ngo warii sabo Sawulu e lenyol mum ndufii ƴiiƴam. Ɓe mbarii Gibiyonkooɓe.

2 Samuwiila 21:6

Ndelle hokku min worɓe njeɗɗo ley ƴuwdi makko faa min mbara ɓe yeeso Joomiraaɗo faa Gibeya, ngalluure Sawulu, cuɓaaɗo Joomiraaɗo. Daawda wi'i: — Mi hokkan on ɓe.

1 Kaanankooɓe 19:10

Iliyaasa jaabii wi'i: — Miɗo njinngana innde maaɗa e ɓernde am fuu, aan Laamɗo Joomiraaɗo Jom Kammu e Leydi, ammaa yimɓe Israa'iila njoppii amaana maaɗa. Ɓe pusii kirsirɗe maaɗa, ɓe mbardii annabaaɓe maaɗa kaafaaje. Miin tan heddii, de iɓe piloo ittude yonki am miin du.

1 Kaanankooɓe 21:29

— Yalla a yi'i no Ahabi leeƴiniri hoore muuɗum yeeso am naa? Saabe o leeƴini hoore makko yeeso am, mi waddataa jukkungo mbonngo ngoon ley balɗe makko. Ammaa ley balɗe ɓiyiiko gorko, ndeen ngaddammi jukkungo ngoon dow saare makko.

2 Kaanankooɓe 17:35

Joomiraaɗo waɗidiinoo e maɓɓe amaana, yamiri ɓe, wi'i: — Taa kulon allaaji goɗɗi, taa kofoɗon yeeso majji, taa ɗowtanoɗon ɗi, taa kirsanon ɗi.

2 Kaanankooɓe 17:41

Noon lenyi ɗiin kulirannoo Joomiraaɗo ammaa na keddii e ɗowtanaade tooruuji muɓɓen. Noon du ɓiɓɓe maɓɓe e taaniraaɓe maɓɓe keddorii faa warde hannden.

2 Kaanankooɓe 23:26

Ammaa e ɗuum fuu, Joomiraaɗo na nyangani Yahuuda sanne saabe golle bonɗe ɗe Manasa tikkiniri ɗum ɗeen.

2 Kaanankooɓe 5:18

Miɗo ŋaaroo Joomiraaɗo yaafoo kam sabo nde joomam naatata ley suudu tooru Rimmon faa sujidana ndu fuu, na tiigo junngo am faa miin du, miɗo dikkinoo yeeso mayru. Ndelle miɗo ŋaaroo Joomiraaɗo yaafoo kam.

2 Kaanankooɓe 5:27

Saabe ko ngaɗuɗaa ɗuum, nyawu Na'aman nguun wartan dow maaɗa aan e ƴuwdi ma faa abada. Gehaaji dilli ɗo Elisey ɗoon wo nyawraaɗo nguru. Ɓanndu makko na rawni far hono haabu.

Ayuuba 21:19

Oɗon mbi'a Laamɗo saroto ɓiɓɓe e dow bonandaaji saaraaɓe muɓɓen. Miin le, miɗo wi'a accu gaɗuɗo ɗum pay yomnitee, faa faama ko waɗi ɗuum!

Ayuuba 5:4

Ɓiɓɓe muuɗum ngalaa no ndaɗira. Sariya niisan ɓe to sarordu, ɓe keɓataa kisinoowo ɓe.

Wurtagol 23:24

Taa ndikkinoɗaa yeeso allaaji maɓɓe, taa ɗowtanoɗaa ɗi, taa ngaɗanaa ɗi huunde fuu ko ɓiɓɓe leydi ndiin ngaɗanta ɗi. Cankitaa ɗi, pusaa bimmbeeje tooruuji ɗi ɓe ɗowtantoo ɗiin.

Wurtagol 34:14

Taa cujidanon alla goɗɗo sabo innde makko wo Joomiraaɗo «Keewɗo Kiram». Joomiraaɗo wo Laamɗo kiroowo.

Banndi 8:36

Ammaa mo heɓaay kam, bonnanii hoore mum, banyuɗo kam fuu wo maayde yiɗi.

Lewinkooɓe 20:5

miin e hoore am mi ummanto joomum e suudu bammum fuu de mi itta ɗum e lenyol muuɗum, kam e wadduɓe e muuɗum ko boni saabe Molek ɓeen fuu.

Lewinkooɓe 26:1

Taa ngaɗanon ko'e mooɗon allaaji goɗɗi. Taa ndarnanon ko'e mon tooruuji maa bimmbeeje kaaƴe wooɗi du, taa ndarnon kaaƴe cehaanɗe ley leydi mooɗon faa cujidanon ɗum. Miin woni Joomiraaɗo, Laamɗo mooɗon.

Lewinkooɓe 26:29

On nyaaman teewu ɓiɓɓe mon worɓe de moɗon teewu ɓiɓɓe mon rewɓe.

Limle 14:18

«Miin Joomiraaɗo mi jom munyal, mi keewɗo hinney, mi jaafotooɗo hakkeeji e lutti yimɓe. Ammaa wo mi kiitotooɗo waɗuɓe hakkeeji fuu, miɗo jukkoo ɓiɓɓe muɓɓen e taaniraaɓe muɓɓen saabe hakkeeji ɗiin faa yottoo taaniti taaniraaɓe muɓɓen.»

Limle 14:33

Ɓiɓɓe mooɗon du laatoto hono durooɓe, njiiltoto ley ladde ndee faa waɗa duuɓi 40. Ɓe njaran torra jammbu mooɗon faa nde ɓanndu cakitiiɗo e mooɗon saami ley ladde ɗo.

Limle 25:11

Almaami Pinehas ɓii Eliyajar taan Haaruuna tottinii jukkungo am ngoon dow Israa'iila'en ko hirani kam hakkunde maɓɓe ɗum. Wo ɗuum haɗi kam halkude ɓe ɓe fuu wakkati tikkannoomi ɓe ndeen.

Matta 4:9

wi'i mo: — Mi hokkete ɗum ɗo fuu si a hippake, a sujidanii kam.

Yuhanna 15:18

— Si yimɓe adunaaru ɓeen ina mbanyi on fu, anndee, miin ɓe artii wanyude.

Yuhanna 7:7

Yimɓe adunaaru mbaawaa wanyude on, de miin kaa iɓe mbanyi kam, sabo miɗo seedii golleeji maɓɓe ɗi mbooɗaa.

Yuhanna 9:2

Taalibaaɓe makko ƴami mo: — Moodibbo, moy lutti de o rimdaa e mbumndam, kanko naa saaraaɓe makko?

Romankooɓe 1:30

wo ɓe mbonkotooɓe, wanyuɓe Laamɗo. Wo ɓe huyfinooɓe yimɓe, wo ɓe mawninkiniiɓe, mantotooɓe. Iɓe piloo laabi kesi faa ɓe ngaɗa ko boni. Iɓe calanoo saaraaɓe maɓɓe.

Romankooɓe 8:7

Sabo hakkillo jokkoowo muuyɗe terɗe muuɗum tan ina wanyi Laamɗo. Joomum ɗowtantaako Jamirooje Laamɗo ɗeen. Si goonga du, waawaa.

1 Korintunkooɓe 10:22

Naa umminde tikkere Joomiraaɗo kiroowo oon njiɗuɗen naa? Yalla en miilii eɗen ɓuri mo semmbe naa?

Fillitagol 32:21

Ɓe umminirii kiram am e rewude ko wanaa Laamɗo, ɓe mettinirii ɓernde am e tooruuji ɓoli. Miin du, mi umminiran kiram maɓɓe e ko wanaa lenyol, mi mettiniran ɓerɗe maɓɓe e lenyol puuyngol.

Fillitagol 32:41

Mi welnan kaafaahi am faa ɗelka, junngo am saroroo ki. Mi hiitoo wayɓe kam, mi yoɓtoo habdiiɓe am.

Fillitagol 4:24

Sabo Joomiraaɗo, Laamɗo mooɗon oon wo yiite nyanngunge, wo o Laamɗo kiroowo.

Fillitagol 5:10

Ammaa yiɗuɓe kam de na ɗowtanoo jamirooje am ɓeen kaa, mi hinnoto ɗum'en faa hewta jamaanuuji ujunere.

Fillitagol 5:9

Taa kofoɗaa yeeso kujje ɗeen, wooɗi du, taa ɗowtanoɗaa ɗe sabo miin Joomiraaɗo, Laamɗo maaɗa oon wo mi Laamɗo keewɗo kiram. Mi kiitotooɗo ɓiɓɓe saabe hakkeeji baabiraaɓe muɓɓen faa hewta taaniraaɓe e jaatiraaɓe wanyuɓe kam ɓeen.

Fillitagol 6:15

sabo Joomiraaɗo, Laamɗo mooɗon gonduɗo e mooɗon oon wo Laamɗo keewɗo kiram. Ndelle taa umminee tikkere makko dow mooɗon sabo o halkan on, o fiɗɗan on e duuniyaaru.

Fillitagol 7:10

Ammaa wanyuɓe mo ɓeen kaa, o yoɓtorto ɗum'en halkere. Ɓooyataa o yoɓtaaki wayɓe mo ɓeen.

Yaakuuba 4:4

Onon jeenooɓe! Yalla on anndaa yiɗude adunaaru wo wanyude Laamɗo naa? Ndelle, anniyiiɗo laataade giɗo adunaaru fuu, waɗii hoore muuɗum ganyo Laamɗo.

Yoosuwa 23:16

Si on luttii amaana mo Joomiraaɗo, Laamɗo mon yamiri on oon, si on ɗowtanake allaaji goɗɗi, si on cujidanii ɗi fu, tikkere Joomiraaɗo saaman dow mooɗon, on kalkan law nder leydi lobbiri ndi o hokki on ndiin.

Yoosuwa 23:7

Taa kawtee e lenyi keddiiɗi hakkunde mon ɗiin. Taa inndee inɗe allaaji maɓɓe, taa kunoree inɗe majji du, taa teddinee ɗi, taa cujidanee ɗi.

Yoosuwa 24:19

Yoosuwa wi'i yimɓe ɓeen: — On mbaawataa ɗowtanaade Joomiraaɗo, sabo wo o Laamɗo Ceniiɗo, wo o Laamɗo kiroowo. O jaɓataa hawteede e allaaji feere. O munyataa muurtereeji mooɗon e hakkeeji mooɗon.

Ardiiɓe 2:19

Ammaa nde ardiiɗo oon maayi fu, ɓe coƴƴoto e waɗude hakkeeji ɓurɗi ɗi maamiraaɓe maɓɓe ngaɗunoo arande ɗiin. Iɓe ndewa allaaji goɗɗi, iɓe ɗowtanoo ɗi, iɓe cujidana ɗi. Ɓe njoorni ɓerɗe maɓɓe, ɓe catti e waɗude golleeji bonɗi.