Wurtagol 20:3 - Dewtere Laamɗo Fulfulde Burkina Faso

³ Taa ngoodaa alla goɗɗo si wanaa miin.

Wurtagol 20:3 ပူးပေါင်းရင်းမြစ်များ

1 Kaanankooɓe 11:4

Nde kaananke Suleymaana naywunoo fu, rewɓe muuɗum oonyi ɓernde muuɗum faa rewi tooruuji. O yiɗiraay Joomiraaɗo, Laamɗo makko e ɓernde makko fuu hono no baabiiko Daawda noon.

Wurtagol 15:11

Moy woni nannduɗo e maaɗa, hakkunde allaaji goɗɗi, yaa Joomiraaɗo? Moy woodi darja e senaare hono maa, Aan kulɓiniiɗo, maneteeɗo, golloowo ko haayni!

Wurtagol 20:23

On ngaɗantaa ko'e mon allaaji kaŋŋe naa cardi.

Wurtagol 22:19

Kirsanɗo alla feereejo fuu halkee. Wo Joomiraaɗo tan sakkantee.

Wurtagol 23:24

Taa ndikkinoɗaa yeeso allaaji maɓɓe, taa ɗowtanoɗaa ɗi, taa ngaɗanaa ɗi huunde fuu ko ɓiɓɓe leydi ndiin ngaɗanta ɗi. Cankitaa ɗi, pusaa bimmbeeje tooruuji ɗi ɓe ɗowtantoo ɗiin.

Wurtagol 32:8

Ɓe njoppii laawol am law, ɓe njokkaay ko njamirmi ɓe. Ɓe ngaɗanii ko'e maɓɓe tooru ndu alhaali ga'el, ɓe kippake yeeso maggel, ɓe cakkanii ngel sadakaaji, iɓe mbi'a: «Israa'iila, inan allaaji maaɗa, burtinɗi ma leydi Misira!»

Wurtagol 34:14

Taa cujidanon alla goɗɗo sabo innde makko wo Joomiraaɗo «Keewɗo Kiram». Joomiraaɗo wo Laamɗo kiroowo.

Matta 4:10

Iisaa wi'i mo: — Woɗɗam Seyɗaani! Sabo ina winndaa: «Wo Laamɗo Joomiraaɗo maa kaanɗaa sujidande, kam tan kaanɗaa rewude.»

1 Korintunkooɓe 8:4

Ndelle e dow nyaamugol teewu cakkanaangu tooruuji, eɗen anndi «tooru fuu ley adunaaru wanaa fay huunde». Eɗen anndi du, «Laamɗo walaa si wanaa gooto oon».

1 Korintunkooɓe 8:6

Ammaa to meeɗen, Laamɗo gooto tan woodi, Baabiiwo taguɗo huunde fuu mo mbuuranɗen oon. Wooɗi du, Joomiraaɗo gooto tan woodi, Iisaa Almasiihu mo huunde fuu laatorii saabe muuɗum, kokkoowo en nguurndam oon.

Efeesunkooɓe 5:5

Paamee ɗum ɗo faa wooɗa: pijoowo e nyiddiniiɗo e muuyoowo ko jeyaa, ɗum woni dewoowo tooruuji, ɓeen ngalaa ngeɗu e laamu Almasiihu e Laamɗo.

Fillitagol 5:7

Taa ngoodaa alla goɗɗo si wanaa miin.

Fillitagol 6:14

Taa ndewon allaaji goɗɗi hakkunde allaaji lenyi piiliiɗi on ɗiin,

Fillitagol 6:5

Njiɗiraa Joomiraaɗo, Laamɗo maaɗa e ɓernde maa fuu e yonki maa fuu e semmbe maa fuu.

Filipiyankooɓe 3:19

Kamɓe, cakitte maɓɓe wo halkere. Deedi maɓɓe ngoni alla'en maɓɓe. Iɓe mantoroo ko ɓe njeyi semtirde. Adunaaru tan ɓe kaɓanta.

Koloosiyankooɓe 2:18

Taa accon rewooɓe maleyka'en wattinkintooɓe wo leeƴinkiniiɓe pela on. Yimɓe ɓeen ina kaɓɓii e ko nji'i ley koyɗi, katin iɓe mawninkinii e dow ɓolum saabe miilooji maɓɓe adunankooji.

Holleede 19:10

Kippiimi e leydi to koyɗe makko faa mi sujidana mo, ammaa o wi'i kam: — Taa waɗu! Miin du wo mi maccuɗo hono maaɗa, aan e sakiraaɓe maa tiigiiɓe seedaaku ngu Iisaa waddi nguun. Sujidan Laamɗo! Sabo seedaaku ngu Iisaa waddi nguun, ɗum pay laatii annabaaku.

Holleede 22:9

Ammaa o wi'i kam: — Taa waɗu! Miin du wo mi maccuɗo Laamɗo hono maaɗa, aan e sakiraaɓe maa annabaaɓe ɓeen, kam'en e haybooɓe haalaaji dewtere nde. Sujidan Laamɗo!

Ardiiɓe 6:10

Wo miin wi'unoo on du miin woni Joomiraaɗo, Laamɗo mooɗon. Taa teddinon tooruuji Amorinkooɓe ɓe njooɗiɗon nder leydi muɓɓen ɓeen. Ammaa on kettindaaki ko mbi'umi on.»