Wurtagol 20:24 - Dewtere Laamɗo Fulfulde Burkina Faso

²⁴ Nyiɓanon kam sakkirde, mahiron nde leydi. Dow mayre ngaɗoton kirsamaaji mooɗon buleteeɗi e sadakaaji dewral ittaaɗi ley daabaaji mooɗon pamari e mawɗi fuu. To cuɓiimi teddinde innde am fuu, mi waran to mooɗon mi barkina on.

Wurtagol 20:24 ပူးပေါင်းရင်းမြစ်များ

Fuɗɗoode 12:2

Mi waɗete lenyol manngol, mi barkinte, mi mawninan innde maa. Yimɓe fuu keɓan barke saabe maaɗa.

2 Samuwiila 6:12

Ndeen kaananke Daawda humpitaa, «Joomiraaɗo barkinii suudu Obed-Edom e huunde fuu ko o jeyi, saabe keesuwal Laamɗo.» Saabe ɗuum Daawda yehi adi keesuwal Laamɗo to suudu Obed-Edom de yaariri ngal e seyo to ngalluure muuɗum.

1 Kaanankooɓe 8:29

Gite maaɗa tiima suudu ndu jemma e nyalooma, ley nokkuure nde mbiiɗaa: Wo ɗoo tabintinanmi innde am. Kettindoɗaa du'aaw mo miin maccuɗo maaɗa ngaɗammi nde kuccitinmi nokkuure ndee fuu.

1 Kaanankooɓe 8:43

kettindanoɗaa mo faa dow kammu to joonnde maaɗa toon, ngaɗanaa mo ko o ŋaarii ma fuu. Ngaɗiraa noon faa lenyi adunaaru fuu paama baawɗe innde maaɗa de kule hono no yimɓe maaɗa Israa'iila'en. Ɓe paama du, suudu ndu nyiɓumi nduun, wo teddinirdu innde maaɗa.

1 Kaanankooɓe 9:3

Laamɗo wi'i o: — Mi nanii du'aaw e ŋaarnde nde ngaɗuɗaa yeeso am. Mi senirii suudu ndu nyibuɗa nduun e innde am faa abada. Gite am e ɓernde am fuu ngonnan dow mayru faa abada.

2 Kaanankooɓe 5:17

Ndeen Na'aman wi'i: — Ɓaawo a jaɓaay dokkal am ngaal, accaa miin, suka maaɗa mi ɓoɓta leydi Israa'iila haddi dimngal araaji baaneeji ɗiɗi faa mi teddinowa Joomiraaɗo dow mayri, sabo mi sakkantaa allaaji goɗɗi katin si wanaa Joomiraaɗo.

Isira 6:12

Laamɗo tabintinɗo innde muuɗum ley suudu Dewal Mawndu wonndu Urusaliima oon, sankita laamu leydi maa kaananke fuu jiɗuɗo halkude ndu. Miin Daariyus kaananke, mi waɗii ɗum yamiroore. Na tilsi neɗɗo fuu reena nde faa wooɗa.»

Nehemiya 1:9

Ammaa si on njeccake ɗo am, on njogake jamirooje am, on njaɓi wadde ko mbiimi on ngaɗon ɗum fu, mi hawrondinan on. Fay si tawi on cankitaama njaaraɗon faa keerol duuniyaaru, mi hawrondinan on to tawaɗon fuu, de mi wadda on nokkuure nde cuɓiimi faa innde am teddinee.»

Wurtagol 10:25

Ndeen Muusaa wi'i: — Yalla aan e hoore maa hokkata min kirsamaaji e sadakaaji buleteeɗi faa min cakkana Joomiraaɗo, Laamɗo amin naa?

Wurtagol 18:12

Yetiro esoo Muusaa oon waddani Laamɗo sadaka buleteeɗo e dokke. Ndeen Haaruuna e mawɓe Israa'iila fuu ngari nyaamdi e esoo Muusaa yeeso Laamɗo.

Wurtagol 20:25

Si oɗon nyiɓirana kam sakkirde e kaaƴe fu, ngollitoroɗon kaaƴe ɗe cehaaka sabo hayre sehiraande njamndi fuu, wo harmunde.

Wurtagol 24:4

Wakkati oon Muusaa winndi ko Joomiraaɗo wi'i ɗuum fuu. O ummii gilla fajiri, o dawi o darni kaaƴe ley waamnde ndeen, o waɗi sakkirde. O darni bimmbeeje 12 faa laatoo maande miccinoore lenyi Israa'iila 12 ɗiin.

Wurtagol 24:5

Ndeen o waɗi jokolɓe nanngi kalahali, kirsi. Goɗɗi majji laatii sadakaaji bulanteeɗi Joomiraaɗo, goɗɗi du sadakaaji dewral.

Wurtagol 27:1

Ngaɗiraa sakkirde e leɗɗe ngawdi. Njuuteefi mayre e njaajeefi mayre fuu piyanɗe joy joy. Tooweefi mayre, piyanɗe tati.

Lewinkooɓe 17:9

de yaaraay ndaaba ngaan naarude Hukum Ceniiɗo faa sakkana Joomiraaɗo fu, ittetee e suudu bammum.

Matta 18:20

Sabo nde ɗiɗo naa tato kawriti e innde am fuu, miin du, miɗo woni hakkunde muɓɓen ɗoon.

Matta 28:20

Njannginon ɓe ɓe njokka ko njamirmi on ɗuum fuu. Anndee, miɗo wondi e mooɗon nyannde fuu faa ɗo adunaaru timmi.

Fillitagol 12:11

wo ley nokkuure nde o suɓoytoo faa o tabintina innde makko ndeen ngaddoton ko njamirmi on ɗuum fuu. Ɗum woni kirsamaaji buleteeɗi e sadakaaji e jakkaaji e dokke ko artii ɓenndude e gese mon e sadakaaji mooɗon cuɓaaɗi saabe aadi fuu.

Fillitagol 12:21

Si nokkuure nde Joomiraaɗo, Laamɗo mooɗon suɓoytoo faa tabintina innde muuɗum ndeen na woɗɗondiri e galluure mooɗon fu, oɗon mbaawi hirsude daabaaji mon mawɗi e pamari ɗi Joomiraaɗo hokki on fuu fodde no njamirmi on noon. Oɗon mbaawi nyaamude ɗum ley galluuje mon no kaajoraɗon fuu.

Fillitagol 12:5

Ammaa wo ley nokkuure nde Joomiraaɗo, Laamɗo mooɗon suɓoytoo hakkunde lenyi mooɗon faa waɗa joonde muuɗum de tabintina innde muuɗum ndeen tan njahoton pilowoɗon ɗum.

Fillitagol 14:23

Njaaron ɗum yeeso Joomiraaɗo, Laamɗo mooɗon ley nokkuure nde suɓoytoo faa tabintina innde muuɗum ndeen. Wo toon nyaamoton jakka alkama e inaboojam kesam e nebbam e ko laatii awru daabaaji mon mawɗi e pamari. Noon ekitortoɗon hulude Joomiraaɗo, Laamɗo mooɗon oon haddi nguurndam mon fuu.

Fillitagol 16:11

Ceyoɗon yeeso Joomiraaɗo, Laamɗo mooɗon ley nokkuure nde suɓoytoo faa tabintina innde muuɗum ndeen. Ceyodoɗon e ɓiɓɓe mon worɓe e rewɓe e maccuɓe mon e horɓe mon e Lewinkooɓe jooɗiiɓe ley galluuje mon e jananɓe e atiime'en e rewɓe ɓe goriraaɓe muɓɓen maayi wonɓe hakkunde mooɗon.

Fillitagol 26:2

itton ko artii ɓenndude ley barke gese mon, ngatton ley kanndeeje de njaaron nokkuure nde Joomiraaɗo suɓoytoo faa tabintina innde muuɗum ndeen.

Fillitagol 7:13

O yiɗan on, o barkina on de o ɗuunna on. O barkinan ɓeyngu mooɗon, wooɗi du, o barkinan alkama mon e inaboojam mon e nebbam mon, e ɓiɓɓe gese mon fuu. Daabaaji mon pamari e mawɗi fuu ngaɗan barke ley leydi ndi o hunanii maamiraaɓe mon o hokkan on ndiin.

1 Timote 2:8

Ndelle, miɗo muuyi ɗo worɓe kawriti faa ngaɗa du'aare fuu, ɓantira juuɗe muɓɓen ɓerɗe laaɓuɗe, tawee tikkere e kalala fuu walaa.