Wurtagol 20:23 - Dewtere Laamɗo Fulfulde Burkina Faso

²³ On ngaɗantaa ko'e mon allaaji kaŋŋe naa cardi.

Wurtagol 20:23 ပူးပေါင်းရင်းမြစ်များ

2 Kaanankooɓe 17:33

Ndelle fay ko ɓe kulata Joomiraaɗo ɗuum fu, wo allaaji maɓɓe ni ɓe keddii iɓe ɗowtanoo, hono no al'aadaaji leyɗe maɓɓe noon.

2 Kaanankooɓe 17:41

Noon lenyi ɗiin kulirannoo Joomiraaɗo ammaa na keddii e ɗowtanaade tooruuji muɓɓen. Noon du ɓiɓɓe maɓɓe e taaniraaɓe maɓɓe keddorii faa warde hannden.

Wurtagol 32:31

Muusaa soƴƴii to Joomiraaɗo, wi'i ɗum: — Kaari! Yimɓe ɓe ngaɗii hakke mawɗo. Ɓe ngaɗiranii ko'e maɓɓe alla e kaŋŋe.

Wurtagol 34:17

Taa ngaɗanaa hoore maaɗa allaaji njamndi ciiwaandi.

Lewinkooɓe 19:4

Taa kucciton e tooruuji, taa tafanon ko'e mooɗon allaaji jamɗe. Miin woni Joomiraaɗo, Laamɗo mooɗon.

Fillitagol 27:15

Kuddi woodana neɗɗo fuu cehuɗo leggal naa tafuɗo njamndi waɗi tooru, ko harmi yeeso Joomiraaɗo, ko juuɗe tagaaɗo cehi de resi ɗum ley nokkuure suuɗiinde. Ndeen yimɓe fuu njaaboo mbi'a: «Aamiina.» —

Fillitagol 29:17

Ndelle saabe ɗuum, kakkilon taa ɓernde fay gooto hakkunde mooɗon, wanaa gorko, wanaa debbo, wanaa suudu, wanaa lenyol, tottitoo Joomiraaɗo, Laamɗo meeɗen de yaha ɗowtanowoo allaaji lenyi ɗiin. Taa ɗaɗol lekki ndimoohi ko warata naa tooke barooje tawee hakkunde mooɗon.

Holleede 22:15

Ammaa wonɓe caggal mayre ɓeen wo dawaaɗi e dabarankooɓe e fijooɓe e warooɓe yimɓe e rewooɓe tooruuji e yiɗuɓe fewre e waɗooɓe hiila.

Ardiiɓe 17:3

Mika hokkiti innum buuɗi cardi 1.100 ɗiin. De inniiko oon wi'i: — Haya, mi hokkan ɗi Joomiraaɗo saabe ɓiyam. Mi waɗa ɗi ngaɗee natal allaaji e tooru siiwiraandu cardi. Wooɗi, joonin kaa mi yeccinan ɗi to ma.