Wurtagol 19:5 - Dewtere Laamɗo Fulfulde Burkina Faso

⁵ Joonin du si on kettindake haala am, si on njokkii amaana am, on laatoto jeyal am korsungal hakkunde lenyi fuu, sabo miin jeyi adunaaru fuu.

Wurtagol 19:5 ပူးပေါင်းရင်းမြစ်များ

Fuɗɗoode 17:9

Laamɗo haaldi e Ibrahiima katin, wi'i ɗum: — Aan kaa, njogoɗaa amaana am oon, aan e ƴuwdi maaɗa ngaroori caggal maa ley jamaanuuji muɓɓen fuu.

1 Kaanankooɓe 8:53

Sabo aan Laamɗo Joomiraaɗo, a ittii ɓe hakkunde lenyi adunaaru fuu faa ɓe laatoo ndongu maaɗa, hono no mbiiruɗaa e hunnduko maccuɗo maaɗa Muusaa wakkati mburtinnoɗaa maamiraaɓe amin leydi Misira noon.

1 Kabaaruuji Laamiiɓe 17:22

A suɓake Israa'iila'en laatoo lenyol maaɗa faa abada. Wooɗi du, aan, Joomiraaɗo, a laatake Laamɗo maɓɓe.

Ayuuba 41:11

Yiite ina wurtoo e hunnduko maggal, pette yiite ina cankitoo.

Ayuuba 41:3

Moy nyalmiimi abada sakko mi yoɓa ɗum? Miin jeyi adunaaru fuu.

Wurtagol 15:26

O wi'i ɓe: Si on kettindanake daande am e goonga, on ngaɗii ko wooɗi yeeso am, on ɗowtanake jamirooje am fuu, miin Joomiraaɗo, Laamɗo mooɗon, mi fiirataa on masiibaaji ɗi piirunoomi Misirankooɓe ɗiin. Sabo wo miin woni Joomiraaɗo dannoowo on.

Wurtagol 23:22

Si a kettindanake o e hakkillo de ngaɗuɗaa ko mbi'umi fuu, mi laatoto ganyo wayɓe maaɗa e kaɓdoowo e haɓdiiɓe maaɗa.

Wurtagol 24:7

O hooƴi dewtere amaana ndeen, o janngani lenyol ngool. Ndeen ɓe mbi'i: — Ko Joomiraaɗo wi'i fuu, min ngaɗan, min kettinanto o.

Wurtagol 34:9

O wi'i: — Yaa Joomiraaɗo, miɗo ŋaare si mi keɓuɗo moƴƴere yeeso maaɗa, njaada e amin. Goonga, yimɓe ɓee wo sattuɓe, yoorɓe ko'e. Njaafoɗaa lutti amin e hakkeeji amin, de ngaɗaa min laatoo jeyal maaɗa.

Wurtagol 6:7

Mi waɗan laatoɗon yimɓe am, miin du mi laatoo Laamɗo mooɗon. Ndeen on paaman wo miin woni Joomiraaɗo, Laamɗo mooɗon, burtinoowo on ley golleeji yimɓe Misira tiiɗɗi ɗiin.

Wurtagol 8:22

Ndeen Muusaa wi'i: — Noon dagaaki! Sabo ko min kirsanta Joomiraaɗo, Laamɗo amin ɗuum wo ko nyiddinii to Misirankooɓe. Wooɗi si min ngaɗii kirsamaaji yeeso Misirankooɓe, wanaa ɓe paɗɗan min kaaƴe ɓe mbara min naa?

Wurtagol 9:29

Muusaa wi'i mo: — Nde mburtiimi ley huɓeere nde fu, mi ɓantan juuɗe am faro Joomiraaɗo, mi ŋaaroo ɗum. Pelnyaali ɗiin e marmalluuje ɗeen fuu celan faa paamaa wo Joomiraaɗo kam jeyi adunaaru.

Lewinkooɓe 20:24

Saabe ɗuum de mbiimi on: — Wo onon njeytata leydi maɓɓe ndiin. Miin e hoore am hokkata on ndi. Wo ndi leydi ndi kosam e njuumndi ilata e muuɗum. Miin woni Joomiraaɗo, Laamɗo mooɗon. Wo miin senndi on e lenyi keddiiɗi fuu.

Amos 3:2

Mi senndii on onon tan hakkunde lenyi adunaaru fuu. Saabe ɗuum de mi hiitoto hakkeeji mooɗon ɗiin fuu.

Amos 6:1

Bone woodanii on, onon jooɗiiɓe Siyona e jam, e onon wuurduɓe hoolaare dow waamnde Samariya, onon tedduɓe ley lenyol ɓurngol keddiiɗi, ɓe suudu Israa'iila yowi jikke muuɗum dow muɓɓen ɓeen.

1 Korintunkooɓe 10:26

Sabo «leydi e ko woni e mayri fuu wo Joomiraaɗo jeyi.»

1 Korintunkooɓe 10:28

Ammaa si goɗɗo wi'ii on: «Ɗum wo ko sakkanaa tooruuji», ndeen kaa, taa nyaamee ɗum, saabe biiɗo noon oon e saabe miiloo ɓernde mum feloore ɗum.

Fillitagol 10:14

Wo Joomiraaɗo, Laamɗo mooɗon jeyi kammu e manngu muuɗum, e leydi e ko woni e muuɗum fuu.

Fillitagol 11:27

On keɓan barke si on kettindake jamirooje Joomiraaɗo, Laamɗo mooɗon ɗe ekintinammi on hannden ɗeen.

Fillitagol 14:2

Taa ngaɗon noon sabo wo on lenyol ceniingol yeeso Joomiraaɗo, Laamɗo mooɗon. Wo onon o suɓii hakkunde lenyi adunaaru fuu faa laatoɗon jeyal makko korsungal.

Fillitagol 14:21

Taa nyaamon ko saaɗi. Kokkon ɗum janano jooɗiiɗo ley galluuje mooɗon naa conniron ɗum beero sabo onon wo on yimɓe seniiɓe yeeso Joomiraaɗo, Laamɗo mooɗon. Taa njongon ɓii mbeewa ley kosam innam.

Fillitagol 26:18

Hannden Joomiraaɗo waɗii on laatake jeyal muuɗum korsungal fodde no wiirunoo on noon, oɗon ɗowtanoo jamirooje muuɗum fuu.

Fillitagol 26:19

Noon o waɗi faa o ɓurna on teddeengal e innde anndaaku e maneede hakkunde lenyi adunaaru ɗi o tagi fuu de laatoɗon lenyol ceniingol saabe Joomiraaɗo, Laamɗo mooɗon fodde no wiirunoo on noon.

Fillitagol 28:1

Si on kettindanake Joomiraaɗo, Laamɗo mooɗon, on ɗowtanake jamirooje muuɗum fuu fodde no kollirammi on hannden noon fu, teddinan on ɓurna lenyi adunaaru keddiiɗi fuu.

Fillitagol 28:9

Si on ɗowtanake jamirooje Joomiraaɗo ɗe kam e hoorem hokki on ɗeen, de ndewuɗon laabi muuɗum fu, waɗan laatoɗon yimɓe muuɗum seniiɓe fodde no hunoranii on noon.

Fillitagol 4:20

Ammaa onon kaa, Joomiraaɗo nanngii on wurtinii leydi Misira, duɗal taayinoowal njamndi ngaal faa laatoɗon ndongu muuɗum, yimɓe muuɗum, hono no laatoriɗon hannden ni.

Fillitagol 5:2

Joomiraaɗo, Laamɗo meeɗen waɗidii e meeɗen amaana nde ngonnoɗen waamnde Sinayi.

Fillitagol 7:6

Saabe wo on lenyol ceniingol yeeso Joomiraaɗo, Laamɗo mooɗon, de kam du suɓii on faa laatoɗon jeyal muuɗum korsungal hakkunde lenyi adunaaru fuu.

Fillitagol 9:29

Ammaa wo ɓe ndongu maaɗa, yimɓe maa ɓe mburtinirɗaa baawɗe maaɗa e semmbe mawɗo.

Titus 2:14

Kam hokkitiri yonki muuɗum saabe meeɗen, faa rimɗina en e ko boni fuu, laamna en, laatoɗen lenyol muuɗum, tinniingol e gollude golleeji lobbi.

Ibraninkooɓe 11:8

Saabe goonɗinal, Ibrahiima nootorii noddaango Laamɗo, yehi to leydi ndi Laamɗo aadanii ɗum heɓan. De o dilli tawi le o anndaa fuu to o fonndii.

Ibraninkooɓe 8:9

O nanndataa e amaana mo ngaɗidinnoomi e maamiraaɓe maɓɓe nde ɗowunoomi ɗum'en faa mi wurtina ɗum'en leydi Misira ndeen. Ko kamɓe e ko'e maɓɓe ɓe mbonni amaana am ɗuum, miin du mi tottitake ɓe. Noon mbiimi, miin Joomiraaɗo.»

Yoosuwa 24:24

Ndeen yimɓe ɓeen mbi'i Yoosuwa: — Min ɗowtanto Joomiraaɗo, Laamɗo amin, min njokkan ko o wi'i.

1 Piyeer 2:9

De onon kaa, wo on lenyol cuɓaangol, wo on almaami'en gollanooɓe Kaananke oon, wo on lenyol ceniingol, wo on yimɓe ɓe Laamɗo suɓanii hoore muuɗum. O suɓake on faa kaalon kabaaru moƴƴuki makko, kanko nodduɗo on ƴuuwde e nimre warude e annoora makko kaayniiɗo oon!

1 Samuwiila 15:22

Samuwiila wi'i: Ɗume ɓuri welde Joomiraaɗo? Kirsamaaji buleteeɗi e sadakaaji kirseteeɗi naa ɗowtanaade konngol Joomiraaɗo? Hettinda! Ɗowtanaade ɗum na ɓuri kirsamaaji, jaɓande ɗum du na ɓuri ɓellere jawɗi.