Wurtagol 19:18 - Dewtere Laamɗo Fulfulde Burkina Faso

¹⁸ Cuurki suddi waamnde Sinayi fuu sabo Joomiraaɗo jippake ley yiite. Cuurki kiin ina ƴeeŋa dow hono cuurki duppirde mawnde ni. Waamnde ndeen fuu dimmborii semmbe.

Wurtagol 19:18 ပူးပေါင်းရင်းမြစ်များ

Fuɗɗoode 11:5

Joomiraaɗo jippii faa ndaara huɓeere e suudu toowndu ndu ɓiɓɓe-Aadama ngonnoo na nyiɓa nduun.

Fuɗɗoode 15:17

Wakkati naange yanunoo de nimre mawnde waɗi ndeen, duɗal cuurtoowal e doccal peƴƴiti hakkunde daabaaji ceelaaɗi ɗiin.

Fuɗɗoode 19:28

O ƴeewi faro Sodoma e Gomoora e laddeeji leydi ndiin. O yi'i, inan cuurki leydi ndiin ina ƴeeŋa dow hono cuurki duppirde.

Nehemiya 9:13

Jippiɗa dow waamnde Sinayi, kaalduɗaa e maɓɓe, kokkuɗaa ɓe jamirooje dartiiɗe e ekitingol goongalawol e sariya lobbo.

Wurtagol 19:13

Ko meemi waamnde ndeen fuu taa junngo meema ɗum. Ɗum limnee kaaƴe maa ɗum fiɗee kure si wo ndaaba naa si wo ɓii-Aadama. Nde ɓe nani luwal njawdiri na fuufee fu, iɓe mbaawi ƴeeŋude.

Wurtagol 19:17

Muusaa wurtini yimɓe ɓeen ley hoɗorde muɓɓen faa ɓe kawra e Laamɗo. Ɓe ndarii ley waamnde ndeen.

Wurtagol 20:18

Yimɓe fuu nani pelnyaali e fuufaango luwal, ɓe nji'i maƴƴe e waamnde suurtoore. Nde ɓe nji'unoo ɗum fu, ɓe keddii iɓe ndiwna kulol, ɓe keedii to toowti, iɓe ndarii.

Wurtagol 24:17

No Israa'iila'en njiiri teddeengal Joomiraaɗo dow waamnde noon, ina wa'i hono yiite nyaamoowe.

Wurtagol 3:2

Maleyka Joomiraaɗo ɓangani mo ley lewngol yiite hakkunde wuumoore. O haynii, o yi'i inan wuumoore ina huɓɓa ammaa yiite ngeen nyaamata nde.

Wurtagol 34:2

Cegiloɗaa ndawaa gilla subaka, ƴeenyaa waamnde Sinayi. Ngaraa ndaroɗaa yeeso am dow seɓtoodu mayre.

Matta 24:7

Lenyol habdan e lenyol, laamu habdan e laamu. Rafooji ngaɗan, leydi dimmboto e nokkuuje feere feere.

Fillitagol 33:2

O wi'i: Joomiraaɗo ƴuurii Sinayi, o ɓantake dow maɓɓe ley wuro Seyir hono puɗal naange. Darja makko yaynii gilla waamnde Paran. O funtii hakkunde seniiɓe ujunaaje sowre, o ƴuurii horɗoore, ley degitaali baamle.

Fillitagol 4:36

Gilla kammu, o waɗii nanuɗon daande makko faa o eelta on. Dow leydi du, o waɗii on njiirii gite mooɗon yiite makko maawnge de nanuɗon konngol makko hakkunde magge.

Fillitagol 5:22

Wo haalaaji ɗii, Joomiraaɗo hokki jamaare Israa'iila dow waamnde hakkunde yiite e ruulde e nimre tekkunde. O haaliri ɗi e daande toownde, o ɓeydaay faa'e. O winndii ɗi dow alluuje kaaƴe ɗiɗi de o hokki kam.

Fillitagol 5:4

Joomiraaɗo haaldii e meeɗen hunnduko e hunnduko dow waamnde Sinayi hakkunde yiite.

2 Tesaloniyankooɓe 1:7

Ammaa onon torreteeɓe joonin ɓe, o hokkan on powtiri, onon e amin fuu. O waɗan ɗum si Joomiraaɗo men Iisaa gonɗo dow kammu oon wartii, ina wondi e maleyka'en jogiiɓe baawɗe muuɗum ɓeen.

2 Tesaloniyankooɓe 1:8

O ɓangan ley yiite nyanngunge faa o jukkoo ɓe anndaa Laamɗo, ɓe njaɓaay jokkude Kabaaru Lobbo Joomiraaɗo men Iisaa ɓeen.

Ibraninkooɓe 12:18

Onon, on ngaraay to huunde waawnde meemeede hono no yimɓe Israa'iila ngardunoo to waamnde Sinayi. Ɓeen kaa ngarii to yiite nyanngunge e to cuddi tekkundi e nimre e henndu mawndu.

Ibraninkooɓe 12:26

Arande, daande makko dimmbii leydi ndiin. Joonin kaa, o fodake ɗum ɗo, o wi'i: «Mi dimmban ndi katin. De wanaa leydi tan, ammaa kammu e leydi fuu.»

2 Piyeer 3:10

Ammaa nyannde gartol Joomiraaɗo ndeen juhan en hono no gujjo juhirta ni. Wakkati oon, kammu o timmiran sawtu mawɗo. Kulle kammunkooje fuu kalkan ley yiite. Leydi ndi e golleeji gonɗi e muuɗum fuu ɓanginte, caree.

Holleede 15:8

Suudu nduun heewi cuurki saabe annoora Laamɗo e baawɗe muuɗum. Fay gooto waawaa naatude ley mayru, si wanaa nde masiibaaji jeɗɗi ɗi maleyka'en njeɗɗo ngaddi ɗiin timmi.

Holleede 9:2

Nde sokiti ɓunndu nduun, de cuurki yalti e mayru hono no duppirde mawnde ni. Cuurki kiin niɓɓini naange e mbeeyu fuu.

Ardiiɓe 5:5

Baamle ndimmbake yeeso Joomiraaɗo, Ayyo yeeso Joomiraaɗo mo waamnde Sinayi, yeeso Joomiraaɗo, Laamɗo Israa'iila.