Wurtagol 18:12 - Dewtere Laamɗo Fulfulde Burkina Faso

¹² Yetiro esoo Muusaa oon waddani Laamɗo sadaka buleteeɗo e dokke. Ndeen Haaruuna e mawɓe Israa'iila fuu ngari nyaamdi e esoo Muusaa yeeso Laamɗo.

Wurtagol 18:12 ပူးပေါင်းရင်းမြစ်များ

Fuɗɗoode 12:7

Joomiraaɗo ɓangi e Abram, wi'i ɗum: — Wo ƴuwdi maa kokkammi leydi ndii. Abram mahani Joomiraaɗo sakkirde to ɓangani ɗum toon.

Fuɗɗoode 26:25

O nyiɓi toon sakkirde, o du'ii e innde Joomiraaɗo. O darni hukum makko. Gollooɓe makko mbasi ɓunndu ɗoon.

Fuɗɗoode 26:30

Isiyaaka waɗani ɓe weltaare, ɓe nyaami, ɓe njari.

Fuɗɗoode 31:54

Ndeen Yaakuuba hirsani Laamɗo kirsamaari dow waamnde ndeen. O noddi sakiraaɓe makko faa ɓe nyaama. Ɓe nyaami, ɓe mbaali dow waamnde toon.

Fuɗɗoode 4:4

Haabiila du suɓii ɓurɗi fayde hakkunde artiiɗi rimeede ley dammuuli muuɗum. Joomiraaɗo jaɓɓii Haabiila e sadaka muuɗum.

Fuɗɗoode 43:25

Ɓe cegilii dokkal maɓɓe ngal ɓe ngaddani Yuusufi ngaal fadde muuɗum e wartude hakkunde naange, sabo ɓe paamii ɗoon ɓe nyaamdata.

Fuɗɗoode 8:20

Nuuhu mahani Joomiraaɗo sakkirde. O itti ley daabaaji dagiiɗi e pooli dagiiɗi ɗiin fuu, o hirsi, o waɗi sadaka buleteeɗo dow sakkirde ndeen.

2 Samuwiila 9:7

Daawda wi'i mo: — Taa hulu, sabo sikke walaa mi hollete hinney saabe bammaa Yonatan. Mi hokkitete leyɗe ɗe maammaa Sawulu jeynoo fuu, de wakkati fuu a nyaamdan e amin.

Ayuuba 1:5

Nde ɓe timminta jeɗɗiire weltaareeji fuu, Ayuuba nelanan ɓe ɓe ngara faa sena ɓe. Ndeen o dawa, o sakkana mono e maɓɓe fuu sadaka buleteeɗo, o wiitoo: — Hasii ɓiɓɓe am ngaɗii hakke, kuɗii Laamɗo ley ɓerɗe muɓɓen. Noon Ayuuba waɗirta wakkati weltaare maɓɓe fuu.

Ayuuba 42:11

Ndeen sakiraaɓe makko rewɓe e worɓe e anndaaɓe muɓɓen fuu ngari wuro makko, nyaamdi e makko. Ɓe njurmii mo, ɓe mbaaltini ɓernde makko dow torraaji ɗi Joomiraaɗo waylunoo dow makko fuu. De ɓe kokki mo dokke, mono fuu hokki mutakal cardi e hootonnde kaŋŋe.

Ayuuba 42:8

Joonin, sanaa kooƴon ga'i jeɗɗi e jawɗi jeɗɗi, de njahon to maccuɗo am Ayuuba, cakkon ɗi, ɗi laatanoo on sadaka buleteeɗo. Ayuuba maccuɗo am waɗana on du'aare, miin du mi jaabanto mo du'aare makko taa mi jukkoroo on fodde puuyndam mon, sabo on kaalaay goonga dow am, hono no maccuɗo am Ayuuba noon.

Wurtagol 18:13

Jaangoore majjum Muusaa jooɗii faa saroo yimɓe. Ɓe ngari ɗo muuɗum gilla subaka faa caamal naange.

Wurtagol 2:16

Tawi almaami Madiyan ina woodi sukaaɓe rewɓe njeɗɗo. Ɓeen ngari faa ƴooga kebbina akalaaje, njarna dammuuli baaba muɓɓen.

Wurtagol 2:20

O ƴami sukaaɓe makko rewɓe ɓeen o wi'i: — Toy gorko oon woni? Ko waɗi njoppuɗon o toon? Njehee noddowee o, o wara, o nyaamda e meeɗen.

Wurtagol 20:24

Nyiɓanon kam sakkirde, mahiron nde leydi. Dow mayre ngaɗoton kirsamaaji mooɗon buleteeɗi e sadakaaji dewral ittaaɗi ley daabaaji mooɗon pamari e mawɗi fuu. To cuɓiimi teddinde innde am fuu, mi waran to mooɗon mi barkina on.

Wurtagol 24:11

O halkaay mawɓe Israa'iila ɓeen. Ɓe njiiri Laamɗo e gite maɓɓe, iɓe mbuuri. Ɓe nyaami, ɓe njari.

Wurtagol 24:5

Ndeen o waɗi jokolɓe nanngi kalahali, kirsi. Goɗɗi majji laatii sadakaaji bulanteeɗi Joomiraaɗo, goɗɗi du sadakaaji dewral.

Wurtagol 3:1

Muusaa na durannoo dammuuli esum Yetiro almaami Madiyan (noddirteeɗo Rewel oon). Nyannde gomma o yaari dammuuli ɗiin faa yeeso ladde yoornde faro gorgal. O yottii waamnde Sinayi inndirteende waamnde Laamɗo ndeen.

Wurtagol 33:7

Muusaa na woowunoo darnude hukum yaasin hoɗorde, to toowti seeɗa. O inndiri ɗum Hukum hawrugol e Joomiraaɗo. Neɗɗo fuu kaajanooɗo haaldude e Joomiraaɗo, sey yalta e hoɗorde ndeen de yaha hukum toon.

Limle 10:29

Muusaa wi'i Hobab ɓii Rewel Madiyanke esum gorko: — Inan miɗen njaha leydi ndi Joomiraaɗo wi'i hokkan min ndiin. Ngara njahaden, min ngaɗante moƴƴere ngam Joomiraaɗo wi'i waɗanan Israa'iila'en ko wooɗi.

Luuka 14:1

Nyalaande fowteteende gomma, Iisaa naatii suudu hooreejo Farisa'en gooto faa nyaama. Wonɓe toon ɓeen ina taykoo mo.

Luuka 14:15

Gooto e nyaamooɓe ɓeen, nde nannoo haala ka ndeen, wi'i mo: — Barke woodanii nyaamoowo ley laamu Laamɗo.

1 Korintunkooɓe 10:18

Taykee lenyol Israa'iila ngool: yimɓe maɓɓe nyaamooɓe kirsamaaji ɓeen laatake gootum e ley teddingol Laamɗo gaɗanaaɗo hirsirde oon.

1 Korintunkooɓe 10:21

On mbaawaa yardude horde Joomiraaɗo ndeen de njardon katin horde ginnaaji. On mbaawaa nyaamude e le'al Joomiraaɗo ngaal de nyaamron katin e le'al ginnaaji ɗiin.

1 Korintunkooɓe 10:31

Ndelle, si oɗon nyaama maa oɗon njara, maa ko ngaɗoton fuu, ngaɗiree ɗum faa Laamɗo teddinee.

Fillitagol 12:7

Wo toon nyaamoton yeeso Joomiraaɗo, Laamɗo mooɗon de onon e yimɓe mon mbeltoroɗon barke mo waɗani on ley golleeji mon fuu.

Fillitagol 27:7

Cakkon du, sadakaaji dewral. Nyaamon de ceyoɗon yeeso Joomiraaɗo, Laamɗo mooɗon.