Wurtagol 17:6 - Dewtere Laamɗo Fulfulde Burkina Faso

⁶ Miin mi daroto yeeso maaɗa dow hayre wonnde Sinayi ndeen. Piya hayre ndeen ko ndiyam wurtoto e mayre faa yimɓe ɓeen njara. Muusaa waɗiri noon yeeso mawɓe Israa'iila'en.

Wurtagol 17:6 ပူးပေါင်းရင်းမြစ်များ

Nehemiya 9:15

Nde ɓe ndafanoo, a hokkii ɓe neema ƴuuruɗo dow. Nde ɓe ɗomɗunoo du, kokkuɗaa ɓe ndiyam ley tefaare. Mbiiɗaa ɓe teeta leydi ndi kuniɗaa a hokkan ɓe ndiin.

Wurtagol 14:16

Ɓantu sawru maaɗa de poortaa junngo maa dow maayo faa ndiyam ɗam feccoo, faa Israa'iila'en keɓa njaaɓa dow leydi njoorndi, peƴƴa maayo ngoon.

Wurtagol 16:10

Wakkati Haaruuna haaldannoo e jamaare Israa'iila fuu ndeen, ɓe njeeƴorii faro ladde yoornde de teddeengal Joomiraaɗo ɓangi nder ruulde.

Limle 20:8

Hooƴu sawru maaɗa de aan e sakiike maaɗa Haaruuna kawrondinon jamaare Israa'iila. Kaaldon e hayre yeeso maɓɓe de nde yaltinana on ndiyam. Njaltinaa ndiyam e mayre faa ɓe njara, kamɓe e dammuuli maɓɓe fuu.

Yuhanna 4:10

Iisaa jaabii mo, wi'i: — Si aɗa anndunoo no dokke Laamɗo poti, e bi'uɗo ma kokkaa ɗum ndiyam yara oon, a nyaagotono mo, o hokke ndiyam nguurndam njaraa.

Yuhanna 4:14

ammaa jarɗo ndiyam ɗam kokkammi ɗaam fuu, ɗomɗataa faa abada. Sabo ndiyam ɗam kokkammi ɗaam laatanto ɗum ndiyam iloojam mbuurnoojam ɗum nguurndam nduumiiɗam.

1 Korintunkooɓe 10:4

Ɓe fuu ɓe njardii njaram ngootam ƴuuruɗam to Laamɗo. Si goonga, iɓe njarannoo ɗam e tefaare Laamɗo yaadoore e maɓɓe. Tefaare ndeen woni Almasiihu.

Fillitagol 1:2

Yaadu nyalaaɗe 11 neɗɗo yahata hakkunde Sinayi e Kades-Barneya si tokkii laawol dewoowol waamnde Seyir.

Fillitagol 8:15

O rewinii on ley ladde yoornde mawnde hulɓiniinde, nder leydi keewndi bolle e jahe ɗe tooke, ley leydi njoorndi to ɗomka de tawi on ngalaa ndiyam. O yaltinanii on ndiyam nder tuntere faa njaron.

Holleede 22:17

Ruuhu e ɓaŋeteeɗo oon ina mbi'a: — War! Neɗɗo fuu nanɗo ɗum wi'a: «War!» Neɗɗo fuu ɗomɗuɗo wara, jiɗuɗo yarude ndiyam kokkoojam nguurndam fuu jaɓa yara ɗam ɓolum tawa yoɓaay faa'e.