Wurtagol 17:2 - Dewtere Laamɗo Fulfulde Burkina Faso

² Ndeen ɓe umminani Muusaa fitina iɓe mbi'a: — Hokku min ndiyam min njara. Muusaa jaabii ɓe, wi'i: — Ko waɗi oɗon piloo haɓude e am? Ko waɗi oɗon ndaartinoo Joomiraaɗo?

Wurtagol 17:2 ပူးပေါင်းရင်းမြစ်များ

Wurtagol 15:24

Ndeen yimɓe ɓeen ɓernani Muusaa, de mbi'i ɗum: — Ɗume min njarata?

Wurtagol 16:8

Muusaa wi'i katin: — On paaman wo o Joomiraaɗo nde o hokkata on teewu faa nyaamon wakkati kiiral naange e buuru kaarnoowo wakkati beetee ndeen, sabo o nanii oɗon ŋurŋurtana mo. Minen le wo min moy'en? Wanaa minen ŋurŋurtanton, wo Joomiraaɗo.

Wurtagol 17:7

O inndiri nokkuure ndeen Massa e Meriba (ɗum na fiirta «Ndaartinaade» e «Luural») sabo wo ɗoon yimɓe Israa'iila luuri e Muusaa. Ɗoon du ɓe ndaartinii Joomiraaɗo, ɓe mbi'i: — Yalla Joomiraaɗo ina wondi e meeɗen naa waldaa e meeɗen?

Wurtagol 5:21

Ɓe mbi'i ɗum'en: — Joomiraaɗo taykoo ko ngaɗuɗon min ɗuum de hiitoo on. On ngaɗii min min nyiddiniiɓe yeeso Fira'awna e yimɓe muuɗum. On ngattii e juuɗe maɓɓe kaafaahi faa ɓe mbara min.

Limle 14:2

Ɓe fuu iɓe ŋurŋurtana Muusaa e Haaruuna, iɓe mbi'a: — Woowoy! Tawe min maayno leydi Misira maa ley ladde ndeen!

Limle 14:22

fay gooto e yi'uɓe teddeengal am maa maandeeji kaayniiɗi ɗi ngaɗumi leydi Misira e ley ladde de calii hettindaade ko mbiimi, ndaartindii kam faa waɗi kile sappo ɓeen,

Limle 21:5

Ndeen ɓe muurtani Laamɗo e Muusaa katin, iɓe mbi'a: — Ɗume saabii de mburtinɗon min leydi Misira? Wo faa min maaya ley ladde yoornde nde naa? Buuru walaa! Ndiyam walaa! Wooɗi min kutake nyaamduwa ngaa! (Ɗum woni manna).

Matta 4:7

Iisaa jaabii mo, wi'i: — Ina winndaa katin: «Taa ndaartinda Laamɗo, Joomiraaɗo maa.»

Luuka 15:12

Minyiiwo oon wi'i bammum: «Baaba, hokkam ngeɗu am e jawdi ndi.» Ndelle, baabiiko oon fecci jawdi muuɗum ndiin hakkunde maɓɓe.

Luuka 4:12

Iisaa jaabii mo, wi'i: — Ina winndaa: «Taa ndaartinda Laamɗo, Joomiraaɗo maa.»

Golle Nelaaɓe 15:10

Joonin, ko waɗi de oɗon ndaartindoo Laamɗo? Oɗon njowa e taalibaaɓe ɓeen donngal ngal enen e maamiraaɓe meeɗen fuu en mbaawaay ronndaade.

Golle Nelaaɓe 5:9

Ndeen Piyeer wi'i mo: — Noy de aan e gora dewruɗon faa ndaartindoɗon Ruuhu Joomiraaɗo? Inan, uwoyɓe gora ina ngara, faa ɓe njaare, aan du!

1 Korintunkooɓe 10:9

Taa ndaartindoɗen Almasiihu hono no woɓɓe maɓɓe ngaɗi ni. Ko ɗum waɗi, bolle kalki ɗum'en.

Fillitagol 6:16

Taa ndaartinoɗon Joomiraaɗo, Laamɗo mooɗon hono no ngaɗirɗon nde njooɗinoɗen wuro Massa noon.

Fillitagol 9:22

On umminii ɓernde Joomiraaɗo ley wuro Tabera e Massa e Kibirot-Hataawa.

Ibraninkooɓe 3:9

Ɓe ndaartindake kam toon faa ɓe ndaara munyal am, fay ko ɓe nji'i golleeji am haddi duuɓi capanɗe nay.

1 Samuwiila 8:6

Ko ɓe mbi'i «kokkoraa min kaananke laamoo min» ɗuum, metti Samuwiila de ŋaarii Joomiraaɗo.