Wurtagol 16:8 - Dewtere Laamɗo Fulfulde Burkina Faso

⁸ Muusaa wi'i katin: — On paaman wo o Joomiraaɗo nde o hokkata on teewu faa nyaamon wakkati kiiral naange e buuru kaarnoowo wakkati beetee ndeen, sabo o nanii oɗon ŋurŋurtana mo. Minen le wo min moy'en? Wanaa minen ŋurŋurtanton, wo Joomiraaɗo.

Wurtagol 16:8 ပူးပေါင်းရင်းမြစ်များ

Wurtagol 16:12

— Mi nanii ŋurŋurtugol Israa'iila'en. Mbi'aa ɓe nii: «Hannden futuro, on nyaaman teewu. Subaka du, on kaaran buuru. Ndeen on paaman wo miin woni Joomiraaɗo, Laamɗo mooɗon.»

Wurtagol 16:9

Ndeen Muusaa haaldi e Haaruuna, wi'i: — Wi'u jamaare Israa'iila ndeen fuu wara yeeso Joomiraaɗo sabo o nanii ŋurŋurtugol maɓɓe.

Wurtagol 17:2

Ndeen ɓe umminani Muusaa fitina iɓe mbi'a: — Hokku min ndiyam min njara. Muusaa jaabii ɓe, wi'i: — Ko waɗi oɗon piloo haɓude e am? Ko waɗi oɗon ndaartinoo Joomiraaɗo?

Limle 11:18

Mbi'a yimɓe ɓeen du, laaɓina ko'e muɓɓen sabo jaango ɓe nyaaman teewu. Joomiraaɗo nanii bojji maɓɓe, iɓe mbi'a: «Moy hokkata en teewu nyaamen. Jooɗaade leydi Misira ɓurannoo en.» Ndelle joonin, Joomiraaɗo hokkan ɓe teewu, ɓe nyaama.

Limle 14:27

— Faa ndeye yimɓe bonɓe ɓe celata ŋurŋurtande kam haalaaji bonɗi? Mi nanii no Israa'iila'en kaalirta kam haalaaji bonɗi, iɓe ŋurŋurtana kam.

Limle 21:7

Ɓe ngari to Muusaa ɓe mbi'i ɗum: — Min ngaɗii hakke saabe ko min muurtani ma aan e Joomiraaɗo ɗuum. Ŋaarana min Joomiraaɗo woɗɗina min bolle ɗee. Ndeen Muusaa waɗani ɓe du'aaw.

Matta 10:40

— Jaɓɓiiɗo on fuu jaɓɓake kam, jaɓɓiiɗo kam fuu jaɓɓake Nulɗo kam oon du.

Matta 9:4

Iisaa faami miilooji maɓɓe, de wi'i ɓe: — Ɗume waɗi de oɗon miiloo miilooji bonɗi ɗi e ɓerɗe mooɗon?

Luuka 10:16

O haalani taalibaaɓe makko katin: — Kettindaniiɗo on fuu, miin hettindanii. Calaniiɗo on fuu, miin salanii. Calaniiɗo kam fuu, salanake Nulɗo kam oon du.

Yuhanna 13:20

Goonga kaalanammi on: neɗɗo fuu jaɓɓiiɗo mo nulumi, jaɓɓake kam. Neɗɗo fuu jaɓɓiiɗo kam, jaɓɓake Nulɗo kam oon du.

Romankooɓe 13:2

Saabe ɗuum, neɗɗo fuu caliiɗo laamu leydi salake ko Laamɗo yamiri. Caliiɗo yamiroore Laamɗo du fooɗanan hoore muuɗum jukkungo.

1 Korintunkooɓe 10:10

Taa ŋormee hono no woɓɓe maɓɓe ni. Ko ɗum waɗi, maleyka baroowo oon halkii ɓe.

1 Tesaloniyankooɓe 4:8

Ndelle, caliiɗo ko haalaa joonin ɗuum fuu, wanaa neɗɗo salanii. Wo Laamɗo, kokkuɗo on Ruuhu muuɗum Ceniiɗo oon, o salanii.

1 Samuwiila 8:7

De Joomiraaɗo jaabii mo wi'i: — Hettinda ko yimɓe fuu mbi'ete. Wanaa aan ɓe calii, wo miin ɓe calii laatoo kaananke maɓɓe.