Wurtagol 16:29 - Dewtere Laamɗo Fulfulde Burkina Faso

²⁹ Paamee, wo miin Joomiraaɗo hokki on nyalaande fowteteende. Saabe ɗuum waɗi de kokkumi on nyannde jeegoɓerde nyaamdu heƴooru on faa waɗa balɗe ɗiɗi. De nyannde jeɗɗaɓerde kaa, mono e mooɗon fuu jooɗoo nokku muuɗum. Taa fay gooto mooɗon wurtoo.

Wurtagol 16:29 ပူးပေါင်းရင်းမြစ်များ

Nehemiya 9:14

Kaalanɗaa ɓe nyalaande maaɗa seniinde, ɗum woni nyalaande fowteteende. Kokkuɗaa Muusaa maccuɗo maaɗa jamirooje e ekitingol, faa janngina ɓe.

Wurtagol 16:28

Joomiraaɗo wi'i Muusaa: — Faa ndeye celoton salaade ɗowtanaade jamirooje am e sariyaaji am?

Wurtagol 16:30

Israa'iila'en powti nyannde jeɗɗaɓerde ndeen.

Wurtagol 31:13

— Kaaldaa e Israa'iila'en mbi'aa ɗum'en: «Na tilsi kaybanon Nyalaaɗe powteteeɗe ɗe kokkumi ɗeen. Ɗuum laatoo maande hakkunde am e mooɗon ley jamaanuuji fuu. Ɗum miccintinan on ko miin Joomiraaɗo woni seninɗo on.

Lewinkooɓe 25:21

Miin Joomiraaɗo, mi jippinan barke am dow mooɗon ley hitaande jeegoɓerde ndeen faa nde rimana on tayri ko duuɓi tati.

Matta 24:20

Ŋaaree Laamɗo taa doggudu mooɗon laatoo wakkati dabbunde naa nyalaande fowteteende.

Luuka 23:56

Ɓe kooti, ɓe moƴƴinowi nebbeele uurɗe e turaaje. Caggal ɗuum, ɓe powti nyannde fowteteende hono no yamiroore ndeen wi'iri.