Wurtagol 16:15 - Dewtere Laamɗo Fulfulde Burkina Faso

¹⁵ Nde yimɓe Israa'iila nji'unoo ɗum fu, ƴamondiri, mbi'i: — Ɗume woni ɗum? Sabo ɓe anndaa ko ɗum laatii. Muusaa wi'i ɓe: — Ɗum wo buuru mo Joomiraaɗo hokki on faa nyaamon.

Wurtagol 16:15 ပူးပေါင်းရင်းမြစ်များ

Nehemiya 9:15

Nde ɓe ndafanoo, a hokkii ɓe neema ƴuuruɗo dow. Nde ɓe ɗomɗunoo du, kokkuɗaa ɓe ndiyam ley tefaare. Mbiiɗaa ɓe teeta leydi ndi kuniɗaa a hokkan ɓe ndiin.

Nehemiya 9:20

A hokkii ɓe ruuhu maaɗa lobbo, faa ekintina ɓe jokkaade ko haani waɗeede. A salanaaki ɓe neema bi'eteeɗo manna, nde ɓe ɗomɗunoo duu, kokkuɗaa ɓe ndiyam.

Wurtagol 16:31

Israa'iila'en inndiri nyaamdu nduun manna. Iɗum rawni hono gabbe daneeje, iɗum weli hono maasaaje gaɗiraaɗe njuumndi.

Wurtagol 16:33

Ndeen Muusaa wi'i Haaruuna: — Hooƴu fayennde, ngattaa manna, de ndesaa ɗum yeeso Joomiraaɗo faa ɗum heddoo saabe ƴuwdi mooɗon ley jamaanuuji garooji.

Wurtagol 16:4

Ndeen Joomiraaɗo wi'i Muusaa: — Mi ƴuurnan buuru dow kammu mi tomnana on. Nyannde fuu, yimɓe mburtoo cuɓa haddi ko heƴata ɗum'en ley nyalaande wootere. Noon ndaartindortoomi ɓe faa mi ndaara yalla ɓe ɗowtanto jamirooje am naa ɓe ɗowtantaako ɗe.

Banndi 9:5

— Ngaree nyaamee nyaamdu am, njaree cabijam ɗam kawrondirmi.

Limle 21:5

Ndeen ɓe muurtani Laamɗo e Muusaa katin, iɓe mbi'a: — Ɗume saabii de mburtinɗon min leydi Misira? Wo faa min maaya ley ladde yoornde nde naa? Buuru walaa! Ndiyam walaa! Wooɗi min kutake nyaamduwa ngaa! (Ɗum woni manna).

Luuka 12:30

Sabo kulle ɗeen fuu, wo yimɓe adunaaru pilotoo ɗe. De Baaba mon ina anndi oɗon kaajaa ɗe.

Yuhanna 6:49

Maamiraaɓe mooɗon nyaamiino «manna» ley ladde. Ɗum fuu ɗum haɗaay ɓe maayde.

Yuhanna 6:58

Kayru woni nyaamdu ƴuurundu dow kammu: ndu waldaa e ndu maamiraaɓe mooɗon nyaamunoo de maayi nduun. Nyaamɗo nduun nyaamdu wuuran faa abada.

1 Korintunkooɓe 10:3

Katin du ɓe fuu ɓe nyaamdii nyaamdu wooturu ƴuurundu to Laamɗo.

Fillitagol 8:16

Ley ladde yoornde ndeen o nyaamnii on manna, nyaamdu ndu maamiraaɓe mooɗon anndaano faa o ndaartindoroo on torra de sakitoo o hokka on jam ley ko warata.

Fillitagol 8:3

Ndelle o yarnii on torra, o rafii on de o nyaamni on manna, nyaamdu ndu onon e maamiraaɓe mooɗon fuu anndaano faa o holla on ko wanaa buuru tan neɗɗo wuurdata ammaa na wuurda ko wurtii e hunnduko Joomiraaɗo fuu.

Ibraninkooɓe 9:4

Ley mayru urirde waɗiraande kaŋŋe e keesuwal Amaana mooytiraangal kaŋŋe ngonnoo. Ley keesuwal ngaal ina woodi loongel kaŋŋe goodungel nyaamdu wi'eteendu «manna», kam e sawru Haaruuna wilitinnoondu nduun e alluuje ɗe amaana oon winndaa e muɓɓen ɗeen.

Yoosuwa 5:12

Nyannde majjum nyaamdu wi'eteendu manna nduun seli toɓande yimɓe Israa'iila. Ley hitaande ndeen ɓe nyaami nyaamdu leydi Kanaana.

Holleede 2:17

Jom nowru fuu, nana ko Ruuhu haalanta kawrite goonɗinɓe ɗuum! Jaaliiɗo fuu, mi hokkan ɗum nyaamdu suuɗiindu wi'eteendu ‹manna›. Mi hokkan ɗum kaaƴel danewel du. Dow kaaƴel ngeel innde heyre ina winndaa nde fay gooto anndaa si wanaa kokkaaɗo ɗum.»