Wurtagol 14:4 - Dewtere Laamɗo Fulfulde Burkina Faso

⁴ Mi yoornan ɓernde makko faa o rewta on. Ndeen innde am teddinte saabe ko ngaɗanmi Fira'awna e sordaasiiɓe muuɗum ɗuum. Noon Misirankooɓe fuu paamirta wo miin woni Joomiraaɗo. Israa'iila'en ngaɗiri noon.

Wurtagol 14:4 ပူးပေါင်းရင်းမြစ်များ

Nehemiya 9:10

Ngaɗuɗaa maandeeji kaayniiɗi dow Fira'awna e gollanooɓe ɗum e yimɓe leydi muuɗum fuu, sabo aɗa anndi no ɓe njawiri yimɓe maaɗa. A waɗii innde ma teddinee faa warde hannden.

Wurtagol 10:2

Mi waɗii ɗum faa pillanoɗaa ɓiɓɓe maa e taaniraaɓe maa no torrirmi yimɓe Misira e no ngaɗirmi maandeeji am kaayniiɗi hakkunde muɓɓen. Noon paamirton miin woni Joomiraaɗo.

Wurtagol 10:27

Ammaa Joomiraaɗo yoorni ɓernde Fira'awna. O jaɓaay yoppude ɓe ɓe ndilla.

Wurtagol 12:28

Caggal ɗuum ɓe njehi, ɓe ngaɗiri noon. Ɓe ngaɗi huunde fuu ko Joomiraaɗo yamirnoo Muusaa e Haaruuna.

Wurtagol 14:23

Misirankooɓe njokkii ɓe. Pucci Fira'awna e torkooji pucci muuɗum e waɗɗiiɓe pucci muuɗum fuu njokki ɓe ley maayo toon.

Wurtagol 14:25

O bonni taare torkooji maɓɓe faa ɗe mbaawa reggude katin. Misirankooɓe mbi'i: — En ndogga, ndillen faa ndaɗen sabo Joomiraaɗo e hoorem wallata Israa'iila'en ɓeen na kaɓda e meeɗen!

Wurtagol 14:3

Fira'awna miiloto wi'a: «Yimɓe Israa'iila lallii ina njiiltoo ley leydi ndii. Ladde yoornde ommbii ɓe hono kasu nii.»

Wurtagol 14:5

Nde kaananke Misira e gollooɓe muuɗum kumpitanoo Israa'iila'en ndillii fu, mbayliti miilooji muɓɓen, mbi'i: — Ɗume woni ko ngaɗuɗen ɗum? Ko saabii accuɗen Israa'iila'en ndilli, njoppi gollande en?

Wurtagol 14:8

Joomiraaɗo yoorni ɓernde Fira'awna kaananke Misira faa taaynita Israa'iila'en ɓeen. Tawi Israa'iila'en ɓeen mburtake leydi ndiin na njaha wo heɓtuɓe ko'e muɓɓen.

Wurtagol 18:11

Joonin mi faamii Joomiraaɗo na ɓuri allaaji goɗɗi fuu manngu sabo ndaar ko o waɗi Misirankooɓe mawninɓe ko'e muɓɓen ɓeen!

Wurtagol 6:7

Mi waɗan laatoɗon yimɓe am, miin du mi laatoo Laamɗo mooɗon. Ndeen on paaman wo miin woni Joomiraaɗo, Laamɗo mooɗon, burtinoowo on ley golleeji yimɓe Misira tiiɗɗi ɗiin.

Wurtagol 7:17

Inan ko Joomiraaɗo wi'i: ‹Nii paamirtaa wo miin woni Joomiraaɗo.› Ndelle, mi fiiran ndiyam maayo Nil sawru wonndu e junngo am ndu de ɗam laatoo ƴiiƴam.

Wurtagol 7:3

Ammaa mi yoornan ɓernde Fira'awna. Mi hebbinan maandeeji am kaayniiɗi ley leydi Misira.

Wurtagol 7:5

Nde njowoymi junngo am ngo baawɗe ngoon dow Misira faa mi wurtina Israa'iila'en hakkunde maɓɓe fu, Misirankooɓe paaman wo miin woni Joomiraaɗo.

Wurtagol 9:16

Ammaa mi accii ma mbuuruɗaa faa mi holle baawɗe am, faa innde am sankitoo ley adunaaru fuu.

Lewinkooɓe 10:3

Muusaa wi'i Haaruuna: — Joomiraaɗo haaliino haala majjum nde wi'unoo: Miin Joomiraaɗo, mi ndaardee mi ceniiɗo hakkunde ɓattotooɓe kam. Lenyol ngool fuu teddina kam. Haaruuna heddii na deƴƴinii.

Romankooɓe 11:8

hono no winndiraa ni: «Laamɗo uddii hakkillooji maɓɓe, wumnii gite maɓɓe, faaɗinii noppi maɓɓe. Faa hannden noon worri.»

Romankooɓe 9:17

Sabo e ley Binndi ɗiin, Laamɗo wi'ii Fira'awna: «Ko ngaɗirmaami kaananke dey, faa mi hollira baawɗe am e maaɗa, katin du faa innde am gooynee e adunaaru ndu fuu.»

Romankooɓe 9:18

Ndelle, Laamɗo yurmoto mo muuyi, yoornan ɓernde mo muuyi.

Yoosuwa 11:20

Joomiraaɗo e hoorem yoorni ɓerɗe maɓɓe faa ɓe ngaɗa konu e Israa'iila, heɓa ɓe kalkee, taa ɓeen njurmoo ɓe, hono no Joomiraaɗo yamirnoo Muusaa ni.

Ardiiɓe 4:7

Miin du, mi waddante Sisera mawɗo sordaasiiɓe Yabin, to gooruwol Kison, kanko e torkooji pucci makko e konunkooɓe makko. Mi wattan mo e junngo maaɗa.»