Wurtagol 14:24 - Dewtere Laamɗo Fulfulde Burkina Faso

²⁴ Nde ɓadinoo weetude fu, Joomiraaɗo heddii faa dow iilde yiite e ruulde nannduɗe e bimmbeeje toon. O ndaari konunkooɓe Misira, o jiiɓi ɗum'en.

Wurtagol 14:24 ပူးပေါင်းရင်းမြစ်များ

Ayuuba 22:13

De aɗa ƴama, «won ko Laamɗo anndii naa? Imo waawi hiitaade gilla ley duule niɓɓuɗe faa hewta ɗo naa?

Ayuuba 34:20

Iɓe maayra hono maƴƴaango yitere, iɓe ndimmbee hakkunde jemma de ɓe paltoo, jom semmbe ina ittee tawee wanaa junngo meemii ɗum.

Ayuuba 34:29

Si o deƴƴinake, moy foti felude mo? Si o tottitake, moy foti yeccinde mo? Wo kanko laamii lenyi e yimɓe fuu,

Ayuuba 40:12

Ayyo ndaaraa ɓe manngu becce'en ɓeen de eeltaa ɗum'en, ndampaa bonɓe to ngoni fuu.

Wurtagol 13:21

Nyalooma fuu Joomiraaɗo ina ardorii ɓe ruulde nanndunde e bimmbeere faa holla ɓe laawol. Jemma du imo ardoroo ɓe iilde yiite nanndunde e bimmbeere faa yaynana ɓe. Ɗum waɗi de iɓe mbaawi yaade jemma e nyalooma fuu.

Wurtagol 14:25

O bonni taare torkooji maɓɓe faa ɗe mbaawa reggude katin. Misirankooɓe mbi'i: — En ndogga, ndillen faa ndaɗen sabo Joomiraaɗo e hoorem wallata Israa'iila'en ɓeen na kaɓda e meeɗen!

Amos 9:4

Si ɓe ɓoɓtaama ɓe njaaraama yeeso wayɓe maɓɓe, mi yamiran kaafaahi warowa ɓe toon. Mi wattan hakkillo am e maɓɓe, wanaa saabe waɗande ɓe ko wooɗi, ammaa faa mi waɗa ɓe ko boni.

1 Samuwiila 11:11

Ndelle jaango majjum Sawulu feccii worɓe muuɗum pecce tati. Gilla hejjere, ɓe ngari ɓe njippii dow ndaaka Amoninkooɓe, ɓe piyi ɗum'en faa naange nyawli. Heddiiɓe e Amoninkooɓe ɓeen fuu cankitaa faa fay ɗiɗo maɓɓe ndarodaaki.