Wurtagol 14:21 - Dewtere Laamɗo Fulfulde Burkina Faso

²¹ Muusaa foorti junngo muuɗum dow maayo ngoon. Joomiraaɗo waɗi henndu mawndu ƴuurundu lettugal wifi ley jemma oon fuu faa ndu foottina ndiyam ɗaam, yoppa leydi njoorndi. Ndiyam ɗaam feccii.

Wurtagol 14:21 ပူးပေါင်းရင်းမြစ်များ

Fuɗɗoode 8:1

Laamɗo miccitii Nuuhu e kulle ladde e daabaaji wuro gonduɗi e muuɗum ley laana ɗiin fuu. O waɗi henndu wifi dow leydi de diyeele ɗeen puɗɗi ɓuytaade.

2 Kaanankooɓe 2:8

Ndeen Iliyaasa ɓortii saayo muuɗum, taggi ngo de fiyiri ndiyam ɗaam. Ɗam feccii pecce ɗiɗi. Ɓe peƴƴiti ɗam dow leydi njoorndi.

Nehemiya 9:11

Peccuɗaa maayo Maaliya yeeso maɓɓe, ngaɗuɗaa ɓe ndewi hakkunde maggo dow leydi njoorndi, de kalkuɗaa riwooɓe ɓe ɓeen ley to ɓuri fuu luggude nder maggo, ngo moɗi ɓe hono hayre teddunde faɗɗaande ley ndiyam.

Ayuuba 26:12

E baawɗe makko o deƴƴinirii maayo, e hakkillo makko o tappiri Rahab, kuunga ndiyam ngaan.

Ayuuba 38:24

Toy woni laawol jahoowol to jayngol feccete? Toy woni nokku to henndu lettugaaru saaketee ley adunaaru?

Wurtagol 14:16

Ɓantu sawru maaɗa de poortaa junngo maa dow maayo faa ndiyam ɗam feccoo, faa Israa'iila'en keɓa njaaɓa dow leydi njoorndi, peƴƴa maayo ngoon.

Wurtagol 14:20

Nde woni hakkunde hoɗorde Misirankooɓe e hoɗorde Israa'iila'en. Ruulde ndeen waɗa nimre to Misirankooɓe, ammaa to Israa'iila'en kaa, nde waɗa annoora. Ɗum waɗi de koɗorɗe ɗiɗi ɗeen keɓaay ɓattondirde ley jemma oon fuu.

Wurtagol 15:8

E henndu foofaango maa, diyeele kawriti. Diyeele bubbooje ndarii hono kokuuji. Diyeele lugguɗe njoori faa ley reedu maayo.

Wurtagol 7:19

Joomiraaɗo wi'i Muusaa: — Mbi'aa Haaruuna hooƴa sawru muuɗum, foorta junngo muuɗum dow diyeele Misira fuu: Dow gooruuji maɓɓe mawɗi e pamari fuu, e dow pete maɓɓe e dow beeli maɓɓe e to ndiyam maɓɓe wattaa fuu faa ɗam laatoo ƴiiƴam. Ƴiiƴam ɗaam tawee ley leydi Misira fuu fay ley akalaaje e looɗe fuu.

Golle Nelaaɓe 7:36

Kanko wurtini ɓe, o waɗi kaayeefiiji e maandeeji kaayniiɗi ley leydi Misira e ley maayo Maaliya e ley ladde duuɓi 40.

Yoosuwa 2:10

Min nanii no Joomiraaɗo yoorniri diyeele maayo Maaliya yeeso mooɗon nde mburtinoɗon Misira. Min nani du ko ngaɗuɗon laamiiɓe Amorinkooɓe ɗiɗo wonɓe lettugal Urdun ɓeen, no kalkirɗon Sihon e Oga.

Yoosuwa 3:17

Wakkati Israa'iila'en peƴƴitanno dow leydi njoorndi ndeen, almaami'en wakkiiɓe keesuwal Amaana Joomiraaɗo ɓeen keddii ina ndarii dow leydi njoorndi hakkunde Urdun, faa jamaa oon fuu feƴƴitidi.

Yoosuwa 4:23

Sabo Joomiraaɗo, Laamɗo mooɗon yoornii diyeele gooruwol ngool faa peƴƴiton. O waɗanii on ɗum hono no o waɗirannoo min to maayo Maaliya, wakkati o yoornunoo ngo yeeso amin.