Wurtagol 13:3 - Dewtere Laamɗo Fulfulde Burkina Faso

³ Ndeen Muusaa wi'i yimɓe ɓeen: — Miccoɗon nyalaande nde, wo nyalaande nde mburtiɗon Misira, ley leydi maccungaaku, sabo wo junngo Joomiraaɗo semmbiɗingo wurtini on. Taa nyaamon huunde fuu ko jillaa rabilla.

Wurtagol 13:3 ပူးပေါင်းရင်းမြစ်များ

Fuɗɗoode 15:16

Ley jamaanu nayaɓo, ƴuwdi maa ndiin wartan ɗo, sabo etorgal hakkeeji Amorinkooɓe hiɓɓaay tafon sakko mi jukkoo ɗum'en.

1 Kaanankooɓe 8:42

sabo ɓe nanan kabaaru innde maaɗa mawnde e semmbe maaɗa e junngo maaɗa ngo barke foortiingo – si joomum warii waɗii du'aare na hucciti suudu ndu,

1 Kabaaruuji Laamiiɓe 16:12

Miccitee kujje kaayniiɗe ɗe o waɗi, taykee maandeeji e sariyaaji makko,

Nehemiya 1:10

Wo kamɓe ngoni maccuɓe maaɗa, yimɓe maa ɓe kisinirɗaa e semmbe maaɗa mawɗo e baawɗe junngo maaɗa.

Nehemiya 9:10

Ngaɗuɗaa maandeeji kaayniiɗi dow Fira'awna e gollanooɓe ɗum e yimɓe leydi muuɗum fuu, sabo aɗa anndi no ɓe njawiri yimɓe maaɗa. A waɗii innde ma teddinee faa warde hannden.

Wurtagol 12:15

Balɗe jeɗɗi nyaamirton buuru mo jillaaka rabilla. Nyannde arandeere ndeen, itton rabilla tawaaɗo ley cuuɗi mon fuu. Sabo neɗɗo nyaamuɗo buuru gattaaɗo rabilla hakkunde nyalaande go'aɓerde e nyalaande jeɗɗaɓerde ndeen fu, ittete hakkunde lenyol Israa'iila.

Wurtagol 12:17

Ngaɗon Iidi Buuru mo Jillaaka Rabilla, sabo wo nyalaande majjum pay mburtinirammi on geɓe geɓe ley leydi Misira. Miccitoɗon, nyalaande ndeen laatanoo on yamiroore heddotoonde ley jamaanuuji garooji fuu faa abada.

Wurtagol 12:19

Ley balɗe jeɗɗi ɗeen taa rabilla tawee ley cuuɗi mooɗon fey, sabo neɗɗo fuu nyaamuɗo buuru jillaaɗo rabilla, si joomum wo janano naa Israa'iilanke dimo fuu, ittete ley kawrital suudu Israa'iila.

Wurtagol 12:2

— Wo ndu lewru laatantoo on go'aɓurdu hakkunde lebbi fuu.

Wurtagol 12:41

Nde duuɓi 430 ɗiin kiɓɓunoo fu, ley nyalaande majjum pay jamaare Joomiraaɗo ndeen fuu wurtorii leydi Misira geɓe geɓe.

Wurtagol 12:42

Hono no Joomiraaɗo haybirani jemma oon faa wurtina yimɓe muuɗum leydi Misira noon, wo noon Israa'iila'en kaaniri haybande jemma oon ley jamanuuji fuu sabo jemma oon wo jemma miccintinoowo ɗum'en ko Joomiraaɗo waɗani ɗum'en.

Wurtagol 12:8

Ley jemma oon, ɓe nduppa teewu nguun, ɓe nyaamda ngu e buuru mo jillaaka rabilla e haakooji kaaɗuɗi.

Wurtagol 13:14

Ndeen le, ley ko warata, si ɓiɓɓe mooɗon ƴamii on maanaa majjum fu, mbi'on ɗum'en: «Wo Joomiraaɗo wurtiniri min e baawɗe muuɗum mawɗe ley leydi Misira nder wuro maccungaaku.

Wurtagol 13:9

Iidi oon laatanto on huunde miccintinoore on, hono maande dow juuɗe mooɗon e dow tiiɗe mooɗon. Noon jamirooje Joomiraaɗo ngonirta e kunnduɗe mooɗon sabo wo kanko wurtini on leydi Misira e junngo makko semmbiɗingo.

Wurtagol 20:2

— Miin woni Joomiraaɗo, Laamɗo maaɗa, wo miin wurtini ma leydi Misira ley suudu maccungaaku.

Wurtagol 20:8

Taa njeggitaa nyalaande fowteteende ndeen, nde laatane nyalaande seniinde.

Wurtagol 23:15

Ngaɗaa iidi Buuru mo Jillaaka Rabilla. Balɗe jeɗɗi nyaamirtaa buuru mo jillaaka rabilla hono no njamirmaami noon. Ngaɗaa iidi oon ley lewru Abib, sabo wo ley leyru nduun mburtinoɗaa leydi Misira. Taa ngaraa yeeso am juuɗe ɓole.

Wurtagol 3:20

Ndelle mi foortan junngo am mi fiira Misira e maandeeji kaayniiɗi ɗi ngaɗanmi ley muuɗum fuu. Caggal ɗuum o yoppan on ndillon.

Wurtagol 34:18

Ngaɗaa iidi Buuru mo Jillaaka Rabilla. Nyaamron buuru oon balɗe jeɗɗi hono no njamirmi on noon. Ngaɗon iidi oon ley lewru Abib, sabo wo ley mayru mburtiɗon leydi Misira.

Wurtagol 6:1

Ndeen Joomiraaɗo wi'i Muusaa: — Joonin a yi'an ko ngaɗammi Fira'awna. E baawɗe junngo semmbiɗingo, o yoppan Israa'iila'en ndilla. Si goonga e baawɗe maggo o riiwan ɓe ley leydi makko.

Wurtagol 6:6

Saabe ɗuum mbi'aa yimɓe Israa'iila: Miin woni Joomiraaɗo, mi wurtinan on ley golleeji tiiɗɗi ɗi Misirankooɓe ngatti on ɗiin. Mi dannan on e maccungaaku maɓɓe, mi rimɗiniran on junngo semmbiɗinngo e sariyaaji mawɗi ɗi ngaɗammi.

Wurtagol 6:7

Mi waɗan laatoɗon yimɓe am, miin du mi laatoo Laamɗo mooɗon. Ndeen on paaman wo miin woni Joomiraaɗo, Laamɗo mooɗon, burtinoowo on ley golleeji yimɓe Misira tiiɗɗi ɗiin.

Wurtagol 7:4

Fira'awna hettindantaako on. Ndeen mi yowan junngo am ngo baawɗe ngoon dow Misira. Mi wurtiniran yimɓe am Israa'iila'en, konunkooɓe am ɓeen ley leydi ndiin e sariyaaji mawɗi.

Matta 10:12

Si oɗon naata ley galle, calminon.

Luuka 22:19

Katin, o hooƴi buuru, o yetti Laamɗo, o heltii, o hokki ɓe, o wi'i: — Ɗum wo ɓanndu am hokkaandu saabe mooɗon. Ngaɗon ɗum faa miccitoɗon kam.

1 Korintunkooɓe 11:24

yetti Laamɗo, heli buuru oon, wi'i: «Ɗum wo ɓanndu am hokkaandu saabe mooɗon. Ngaɗon ɗum faa miccitoɗon kam.»

1 Korintunkooɓe 5:8

Ndelle, teddinen iidi ndiin, de wanaa e rabilla kiiɗɗo mo hakke e bonanda oon teddinirten. Ammaa teddiniren ndi buuru mo walaa rabilla, buuru laaɓal e goonga.

Efeesunkooɓe 1:19

paamon katin no baawɗe makko mawɗe ɗe ngalaa kaaddi ɗeen ngorri e meeɗen, enen goonɗinɓe. Baawɗe keewɗe semmbe ɗeen

Fillitagol 13:10

Mbaron joomum! Mo o haaldi oon artoo fiya o barduɗe de yimɓe fuu ndewta.

Fillitagol 13:11

Paɗɗon o kaaƴe faa o maaya sabo o muuyii wosinde on laawol Joomiraaɗo, Laamɗo mooɗon, burtinɗo on leydi Misira, ley suudu maccungaaku.

Fillitagol 13:5

Ndewon Joomiraaɗo, Laamɗo mooɗon de kulon ɗum. Kettindoɗon jamirooje muuɗum de ɗowtanoɗon konngol muuɗum. Wo oon ndewoton de kaɓɓondiron e muuɗum.

Fillitagol 13:6

Annabaajo naa piirtoowo koyɗi oon kaa, sey waree saabe ekintinii on muurtande Joomiraaɗo, Laamɗo mooɗon, burtinɗo on leydi Misira ley suudu maccungaaku de rimɗini on. O muuyii celon laawol ngol Joomiraaɗo, Laamɗo mooɗon yamiri ndewon ngool. Ndelle sey itton ko boni ɗuum hakkunde mooɗon.

Fillitagol 15:15

Miccitoɗaa a laatakeno maccuɗo leydi Misira de Joomiraaɗo, Laamɗo maaɗa rimɗini ma. Wo saabe ɗuum de miɗo hokke yamiroore ndee hannden.

Fillitagol 16:1

Ley lewru Abib fuu, ngaɗanon Joomiraaɗo, Laamɗo mooɗon iidi Faltagol sabo wo e ley lewru butaali nduun Joomiraaɗo, Laamɗo mooɗon wurtinnoo on leydi Misira ley jemma.

Fillitagol 16:12

Miccitoɗon on laatakeno maccuɓe leydi Misira. Tinnoɗon e ɗowtanaade jamirooje ɗeen de ngaɗon ko mbi'i.

Fillitagol 16:3

Wakkati iidi oon fuu, taa nyaamon ko jillaa rabilla. Ley balɗe jeɗɗi ɗeen fuu, nyaamon buuru mo jillaaka rabilla. Buuru oon wo miccintinoowo on torra, sabo e henyaare mburtoriɗon leydi Misira. Noon ngatton faa miccitoɗon nyannde mburtinoɗon leydi Misira faa haddi balɗe mon fuu.

Fillitagol 24:18

Miccitoɗon on laatakeno maccuɓe leydi Misira de Joomiraaɗo, Laamɗo mooɗon rimɗini on. Wo saabe ɗuum de miɗo yamira on ngaɗon noon.

Fillitagol 24:22

Miccitoɗon on laatakeno maccuɓe leydi Misira. Wo saabe ɗuum de miɗo yamira on ngaɗon noon.

Fillitagol 26:8

Ndeen o wurtiniri min leydi Misira ndiin e semmbe makko mawɗo e maandeeji kaayniiɗi kulɓiniiɗi.

Fillitagol 4:34

Yalla woodii alla ennduɗo warude hooƴira lenyol hakkunde lenyol gonungol ley torraaji e maandeeji e kaayeefiiji e konu e semmbe mawɗo e kujje mawɗe kulɓiniiɗe, hono no Joomiraaɗo, Laamɗo mooɗon waɗiri ley leydi Misira e gite mooɗon noon naa?

Fillitagol 5:15

Miccitoɗaa a laatakeno maccuɗo leydi Misira de Joomiraaɗo, Laamɗo maaɗa wurtiniri ma semmbe mawɗo. Saabe ɗuum de Joomiraaɗo, Laamɗo maaɗa yamiri ma kakkilanaa nyalaande fowteteende ndeen.

Fillitagol 5:6

— Miin woni Joomiraaɗo, Laamɗo maaɗa, wo miin wurtini ma leydi Misira, ley suudu maccungaaku.

Fillitagol 6:12

tinnoɗon taa njeggiton Joomiraaɗo burtinɗo on leydi Misira, ley suudu maccungaaku oon.

Fillitagol 6:21

Ndeen njaaboɗon ɓe mbi'on: — Enen, en laatakeno maccuɓe Fira'awna, kaananke leydi Misira, ammaa Joomiraaɗo wurtinirii en leydi ndiin e semmbe mawɗo.

Fillitagol 7:8

Ammaa wo saabe Joomiraaɗo na yiɗi on, wooɗi du, na haajaa tabintinde hunayeere nde hunaninoo maamiraaɓe mooɗon. O rimɗini on, o wurtiniri on semmbe mawɗo leydi Misira, ley suudu maccungaaku e junngo kaananke Fira'awna.

Fillitagol 8:14

kakkilon taa mawninkinoɗon de njeggiton Joomiraaɗo, Laamɗo mooɗon, burtinɗo on leydi Misira, ley suudu maccungaaku oon.

Fillitagol 9:12

Ndeen Joomiraaɗo wi'i kam: — Njippoɗaa law sabo yimɓe ma ɓe mburtinɗaa leydi Misira ɓeen ngaɗii ko boni. Ɓe njaawii tottitaade laawol ngol njamirmi ɓe tokka ngool, ɓe ngaɗani ko'e maɓɓe tooru njamndi ciiwaandi.

Yoosuwa 24:17

Wo Joomiraaɗo, Laamɗo meeɗen, kam wurtini en, enen e maamiraaɓe meeɗen nder maccungaaku ley leydi Misira. Kanko waɗi kaayeefiiji mawɗi e gite amin. Kanko reeni min nokku fuu to min njehi e hakkunde lenyi ɗi min ndewi ley leyɗe muɓɓen.

Ardiiɓe 2:12

Ɓe njoppi Joomiraaɗo, Laamɗo maamiraaɓe maɓɓe, burtinɗo ɓe e leydi Misira oon. Ɓe ɗowtanii allaaji goɗɗi ɗi lenyi piiliiɗi ɓe. Ɓe cujidani ɗi, ɓe ɓernini Joomiraaɗo.

Ardiiɓe 6:8

Joomiraaɗo nuldi ɓe annabaajo, wi'i ɓe: — Inan ko Joomiraaɗo, Laamɗo Israa'iila wi'i: «Wo miin wurtini on e Misira. Miin wurtini on ley maccungaaku.