Wurtagol 13:15 - Dewtere Laamɗo Fulfulde Burkina Faso

¹⁵ Nde Fira'awna salinoo yoppude min min ndilla ndeen, Joomiraaɗo wari awruuɓe worɓe fuu tawaaɓe ley leydi Misira gilla e tagaaɓe faa e kulle. Saabe ɗuum de miɗen cakkana Joomiraaɗo awruwel gorel artaangel rimaa hakkunde kulle fuu. Ammaa awruuɓe amin ɓeen kaa wo min ndimɗinan ɗum'en.

Wurtagol 13:15 ပူးပေါင်းရင်းမြစ်များ

Wurtagol 12:29

Hakkunde jemma, Joomiraaɗo fiyi ko laatii awru ley leydi Misira fuu, wari ɗum'en, gilla afo Fira'awna kaananke Misira jooɗiiɗo dow jooɗorgal laamu muuɗum faa e awruuɓe uddaaɓe ley kasu e ko arti rimeede ley kulle fuu.

Wurtagol 3:19

Ammaa miɗo anndi kaananke Misira jaɓataa njahon sanaa wo doolɗa.

Wurtagol 34:20

Awru araawa fuu, rimɗiniree jawgel naa damngel. Si a rimɗinaay nga fu, sey kelaa daande magga. Awruuɓe ɓiɓɓe maaɗa fuu, ndimɗinaa ɗum'en. Taa fay gooto wara yeeso am junngo ɓolo.

Wurtagol 4:23

Miɗo wi'e njoppaa ɓiyam oon yaha ɗowtanowoo kam. Ammaa si a salake yoppude mo o yaha fu, mi waran afo maaɗa gorko.»

Limle 18:15

Ko laatii awru ko Israa'iila'en kokkata kam gilla awruuɓe muɓɓen faa hewti awruuji daabaaji muɓɓen fuu, wo aan jeyi. Ammaa sey ndimɗinaa awruuɓe maɓɓe e awruuji daabaaji ɗi laaɓanaa waɗeede sadaka fuu.

Limle 3:46

Awruuɓe Israa'iila'en ɓurdi limgal Lewinkooɓe ɓeen worɓe 273.