Wurtagol 13:12 - Dewtere Laamɗo Fulfulde Burkina Faso

¹² cakkanon mo awruuɓe mooɗon e ko artii rimeede ley kulle mon fuu. Joomiraaɗo kam jeyi awruuɓe worɓe fuu.

Wurtagol 13:12 ပူးပေါင်းရင်းမြစ်များ

Nehemiya 10:36

Katin min adi amaana waddande suudu Dewal Joomiraaɗo, ley hitaande fu, ko arti ɓenndude ley gese e siyiiji ɓiɓɓe leɗɗe amin fuu.

Nehemiya 10:37

Min ngaddanan almaami'en gollooɓe ley suudu Dewal Laamɗo, afo'en amin worɓe e dikkorɗi daabaaji amin, hono no winndiraa ley Tawreeta noon.

Wurtagol 13:1

Joomiraaɗo haaldi e Muusaa wi'i:

Wurtagol 13:2

— Senndanam ko laatii awru fuu ley Israa'iila. Ko arti rimeede fuu, gilla awruuɓe ɓiɓɓe-Aadama faa hewti kulle, wo miin jeyi.

Wurtagol 22:28

Taa calee hokkude kam ngeɗu ko keɓuɗon ley gese mooɗon e leɗɗe mooɗon fuu. Kokkon kam du awruuɓe mon worɓe.

Wurtagol 22:29

Noon ngaɗirton e na'i mooɗon e baali mooɗon du. Caggal rimeede majji, balɗe jeɗɗi ɗi ngaddata e inniraaɓe majji, de nyalaande jeetataɓerde ndeen, kokkon kam ɗi.

Wurtagol 34:19

Artiiɗo rimeede fuu, wo miin jeyi. Hono noon ɗum laatortoo e awruuji na'i e dammucce mooɗon fuu.

Wurtagol 34:20

Awru araawa fuu, rimɗiniree jawgel naa damngel. Si a rimɗinaay nga fu, sey kelaa daande magga. Awruuɓe ɓiɓɓe maaɗa fuu, ndimɗinaa ɗum'en. Taa fay gooto wara yeeso am junngo ɓolo.

Lewinkooɓe 27:26

Fay gooto walaa laawol seninande Joomiraaɗo awru daabaaji muuɗum sabo ko laatii awru fuu wo jeyal Joomiraaɗo. Awru nagge e dammucce fuu wo Joomiraaɗo jeyi.

Limle 18:15

Ko laatii awru ko Israa'iila'en kokkata kam gilla awruuɓe muɓɓen faa hewti awruuji daabaaji muɓɓen fuu, wo aan jeyi. Ammaa sey ndimɗinaa awruuɓe maɓɓe e awruuji daabaaji ɗi laaɓanaa waɗeede sadaka fuu.

Limle 3:12

— Inan miin e hoore am mi suɓake Lewinkooɓe hakkunde Israa'iila'en heddiiɓe faa ɓe loomta lunnde awruuɓe Israa'iila.

Limle 3:13

Ko laatii awru Israa'iila'en e daabaaji muɓɓen fuu wo miin jeyi, gilla nde kalkunoomi awruuɓe Misira e awruuji daabaaji muɓɓen. Wo miin jeyti ɗum. Miin woni Joomiraaɗo.

Limle 8:17

Awru Israa'iila fuu wo miin jeyi, gilla e yimɓe faa e awruuji daabaaji. Gilla nyannde kalkunoomi awruuɓe Misira, njeytumi ɓe Israa'iila.

Luuka 2:23

Sabo wo hono noon winndiraa e Tawreeta Joomiraaɗo: «Ɓiɗɗo gorko afo fuu, Joomiraaɗo jeyi.»

Fillitagol 15:19

Ko laatii awru daabaaji mon pamari e mawɗi fuu ceninanon ɗum Joomiraaɗo, Laamɗo mooɗon. Taa ndemnon awru nagge, taa keson awru mbaalu naa mbeewa.