Wurtagol 12:29 - Dewtere Laamɗo Fulfulde Burkina Faso

²⁹ Hakkunde jemma, Joomiraaɗo fiyi ko laatii awru ley leydi Misira fuu, wari ɗum'en, gilla afo Fira'awna kaananke Misira jooɗiiɗo dow jooɗorgal laamu muuɗum faa e awruuɓe uddaaɓe ley kasu e ko arti rimeede ley kulle fuu.

Wurtagol 12:29 ပူးပေါင်းရင်းမြစ်များ

Fuɗɗoode 15:14

Ammaa mi jukkoyto lenyol ngol ɓe laatanii maccuɓe ngool de caggal ɗuum, ɓe njaltida e jawdi ɗuundi.

Ayuuba 34:20

Iɓe maayra hono maƴƴaango yitere, iɓe ndimmbee hakkunde jemma de ɓe paltoo, jom semmbe ina ittee tawee wanaa junngo meemii ɗum.

Wurtagol 11:1

Joomiraaɗo wi'i Muusaa: — Mi fiiran Fira'awna e leydi Misira fuu masiiba gooto tan katin. Caggal ɗuum, o accan on ndillon, wo o riiwan on jaati ndillon leydi makko.

Wurtagol 12:12

Jemma oon mi rewan ley leydi Misira, mi waran ko laatii awru ley mayri fuu, gilla e tagaaɓe faa yaha e kulle. Noon ngaɗiranmi sariyaaji am dow allaaji Misira fuu. Miin woni Joomiraaɗo.

Wurtagol 12:28

Caggal ɗuum ɓe njehi, ɓe ngaɗiri noon. Ɓe ngaɗi huunde fuu ko Joomiraaɗo yamirnoo Muusaa e Haaruuna.

Wurtagol 13:15

Nde Fira'awna salinoo yoppude min min ndilla ndeen, Joomiraaɗo wari awruuɓe worɓe fuu tawaaɓe ley leydi Misira gilla e tagaaɓe faa e kulle. Saabe ɗuum de miɗen cakkana Joomiraaɗo awruwel gorel artaangel rimaa hakkunde kulle fuu. Ammaa awruuɓe amin ɓeen kaa wo min ndimɗinan ɗum'en.

Wurtagol 4:23

Miɗo wi'e njoppaa ɓiyam oon yaha ɗowtanowoo kam. Ammaa si a salake yoppude mo o yaha fu, mi waran afo maaɗa gorko.»

Wurtagol 9:6

Jaangoore majjum Joomiraaɗo waɗi ɗum. Kulle Misirankooɓe fuu mbaati ammaa kulle Israa'iila'en kaa fay gootel waataay.

Limle 3:13

Ko laatii awru Israa'iila'en e daabaaji muɓɓen fuu wo miin jeyi, gilla nde kalkunoomi awruuɓe Misira e awruuji daabaaji muɓɓen. Wo miin jeyti ɗum. Miin woni Joomiraaɗo.

Limle 33:4

Tawi wakkati oon, Misirankooɓe na uwa awruuɓe muɓɓen ɓe Joomiraaɗo fiyi faa saroo allaaji muɓɓen.

Limle 8:17

Awru Israa'iila fuu wo miin jeyi, gilla e yimɓe faa e awruuji daabaaji. Gilla nyannde kalkunoomi awruuɓe Misira, njeytumi ɓe Israa'iila.

Ibraninkooɓe 11:28

Saabe goonɗinal, o waɗi iidi Faltagol. O yamiri ƴiiƴam wujee e dammbuɗe cuuɗi taa maleyka baroowo oon meema ɓiɓɓe Israa'iilankooɓe artiiɓe rimeede ɓeen.

Ibraninkooɓe 12:23

On ngarii e kawrital ɓiɓɓe arandeeɓe ɓe inɗe muɓɓen mbinndaa dow kammu ɓeen. On ngarii to Laamɗo carotooɗo yimɓe fuu oon, on ngarii e yonkiiji fonnditiiɓe laatiiɓe hiɓɓuɓe ɓeen.