Wurtagol 12:27 - Dewtere Laamɗo Fulfulde Burkina Faso

²⁷ mbi'on ɗum'en: «Wo kirsamaari ngaɗanaandi Joomiraaɗo nyannde iidi Faltagol. Nde yimɓe Israa'iila ngonnoo ley leydi Misira ndeen, Joomiraaɗo faltii cuuɗi muɓɓen, de fiyiri yimɓe Misira maayde. Enen kaa, o danni en.» Ndeen yimɓe Israa'iila fuu kippii, cujidani Joomiraaɗo.

Wurtagol 12:27 ပူးပေါင်းရင်းမြစ်များ

1 Kabaaruuji Laamiiɓe 29:20

Daawda wi'i jamaare Israa'iila fuu: — Miɗo ŋaaroo on njetton Joomiraaɗo, Laamɗo mooɗon! Jamaare ndeen fuu yetti Joomiraaɗo, Laamɗo maamiraaɓe muɓɓen. Ndeen ɓe leeƴinii, ɓe kippii yeeso Joomiraaɗo e yeeso kaananke.

Nehemiya 8:6

Isira mani Joomiraaɗo, Laamɗo jom teddeengal, yimɓe fuu ɓanti juuɗe muɓɓen, njaabii mbi'i: «Aamiina! Aamiina!» Ɓe turii, ɓe kippi geese maɓɓe e leydi, ɓe teddini Joomiraaɗo.

Wurtagol 10:2

Mi waɗii ɗum faa pillanoɗaa ɓiɓɓe maa e taaniraaɓe maa no torrirmi yimɓe Misira e no ngaɗirmi maandeeji am kaayniiɗi hakkunde muɓɓen. Noon paamirton miin woni Joomiraaɗo.

Wurtagol 12:11

Inan no nyaamroton teewu nguun: Kaɓɓoɗon kaɓɓorɗe mooɗon, ɓornoɗon paɗe mooɗon, njogoɗon cabbi mooɗon. Karoɗon, nyaamon law. Wo ɗum iidi Faltagol Joomiraaɗo.

Wurtagol 12:23

Nde Joomiraaɗo fantata faa fiya yimɓe Misira fu, yi'an ƴiiƴam e tiiɗe dammbuɗe mon e seraaji majje. Ndeen o faltoto, o accataa kalkoowo oon naata cuuɗi mooɗon de fiya on wara.

Wurtagol 12:28

Caggal ɗuum ɓe njehi, ɓe ngaɗiri noon. Ɓe ngaɗi huunde fuu ko Joomiraaɗo yamirnoo Muusaa e Haaruuna.

Wurtagol 13:14

Ndeen le, ley ko warata, si ɓiɓɓe mooɗon ƴamii on maanaa majjum fu, mbi'on ɗum'en: «Wo Joomiraaɗo wurtiniri min e baawɗe muuɗum mawɗe ley leydi Misira nder wuro maccungaaku.

Wurtagol 13:8

Nyannde iidi ndeen, pillanoɗon ɓiɓɓe mooɗon, mbi'on ɗum'en: Min ngaɗii ɗum saabe ko Joomiraaɗo waɗani min nyannde nde min mburtinoo leydi Misira ndeen.

Wurtagol 34:25

Nde kirsantaa kam kirsamaaji fu, taa kawrondinaa e buuru jillaaɗo rabilla. Kirsamaari maaɗa saabe sadaka iidi Faltagol ndiin jeyaa heddaade waalta.

Wurtagol 34:8

Wakkati oon Muusaa harii, hippii e leydi, sujidi.

Wurtagol 4:31

Yimɓe ɓeen njaɓi, koolii. Ɓe paami Joomiraaɗo na hakkilana ɓe kamɓe yimɓe Israa'iila wooɗi du, yi'ii du torraaji maɓɓe. Ndeen ɓe fuu ɓe ndikkinii, ɓe cujidi.

1 Korintunkooɓe 5:7

Laaɓinee ko'e mon, itton rabilla kiiɗɗo oon hakkunde mooɗon, faa laatoɗon conndi keyri ndi walaa rabilla. Wo ɗuum ngonɗon du, sabo jawgel meeɗen iidi Faltagol ngeel hirsaama, ɗum woni Almasiihu.

Fillitagol 16:2

Ngaɗanon Joomiraaɗo, Laamɗo mooɗon kirsamaaji saabe iidi oon. Itton kirsamaaji ɗiin ley cogge mon na'i naa baali naa be'i de cakkon ɗi ley nokkuure nde o suɓoytoo faa o tabintina innde makko ndeen.

Fillitagol 16:5

Taa ngaɗon iidi Faltagol oon ley galluuje ɗe Joomiraaɗo, Laamɗo mooɗon hokkata on njooɗoɗon ɗeen fuu.