Wurtagol 12:21 - Dewtere Laamɗo Fulfulde Burkina Faso

²¹ Ndeen Muusaa noddi mawɓe Israa'iila fuu, wi'i ɗum'en: Njehee ittanowee cuuɗi mooɗon jawgel maa damngel faa kirson koy saabe iidi Faltagol.

Wurtagol 12:21 ပူးပေါင်းရင်းမြစ်များ

2 Kaanankooɓe 23:21

Kaananke yamiri ɓe ngaɗana Joomiraaɗo, Laamɗo maɓɓe iidi Faltagol fodde no winndiraa ley Dewtere Amaana ndeen.

Isira 6:20

Almaami'en e Lewinkooɓe laaɓinii ko'e muɓɓen, ɓe fuu ɓe laati laaɓuɓe. Ndeen ɓe ngaɗi sadaka iidi Faltagol saabe ƴuuruɓe e maccungaaku ngarti ɓeen, e saabe almaami'en woɓɓe, e saabe kamɓe e ko'e maɓɓe.

Wurtagol 12:11

Inan no nyaamroton teewu nguun: Kaɓɓoɗon kaɓɓorɗe mooɗon, ɓornoɗon paɗe mooɗon, njogoɗon cabbi mooɗon. Karoɗon, nyaamon law. Wo ɗum iidi Faltagol Joomiraaɗo.

Wurtagol 12:20

On njeyaa nyaamude fay huunde jillaande rabilla. Ley to njooɗiɗon fuu, ko jillaaka rabilla tan nyaamoton.

Wurtagol 12:3

Njehee kaalanee suudu Israa'iila fuu mbi'on ɗum'en: Nyannde sappo lewru ndu, ɓaade fuu ittana yimɓe muuɗum jawgel maa damngel.

Wurtagol 17:5

Joomiraaɗo wi'i Muusaa: — Ƴuuru yeeso jamaa oon, kooƴaa woɓɓe hakkunde mawɓe Israa'iila. Kooƴaa du sawru ndu piiruɗaa maayo Nil nduun, njahaa.

Wurtagol 19:7

Muusaa yeccii hoɗorde toon, noddi mawɓe cuuɗi haalani ɗum'en haalaaji ɗi Joomiraaɗo yamiri ɗum ɗiin fuu.

Wurtagol 3:16

Joonin njahaa kawrondinowaa mawɓe Israa'iila'en mbi'aa ɗum'en: Wo Joomiraaɗo, Laamɗo maamiraaɓe mooɗon, mo Ibrahiima e Isiyaaka e Yaakuuba oon ɓangani kam. O wi'i kam o yi'ii torraaji ɗi torreteɗon ley leydi Misira.

Limle 11:16

Ndeen Joomiraaɗo wi'i Muusaa: — Hawrondin mawɓe Israa'iila 70, ɓe annduɗaa wo nayeeɓe e ardiiɓe cuuɗi muɓɓen de ngardon dammbugal hukum Ceniiɗo.

1 Korintunkooɓe 10:4

Ɓe fuu ɓe njardii njaram ngootam ƴuuruɗam to Laamɗo. Si goonga, iɓe njarannoo ɗam e tefaare Laamɗo yaadoore e maɓɓe. Tefaare ndeen woni Almasiihu.

Ibraninkooɓe 11:28

Saabe goonɗinal, o waɗi iidi Faltagol. O yamiri ƴiiƴam wujee e dammbuɗe cuuɗi taa maleyka baroowo oon meema ɓiɓɓe Israa'iilankooɓe artiiɓe rimeede ɓeen.

Yoosuwa 5:10

Nde ɓe koɗunoo ley Gilgal nder ladde Yeriko ndeen, ɓe ngaɗi weltaare iidi Faltagol Maayde. Wo nyalaande sappo e nayaɓerde lewru go'aɓurdu, wakkati kiiral naange.