Wurtagol 12:17 - Dewtere Laamɗo Fulfulde Burkina Faso

¹⁷ Ngaɗon Iidi Buuru mo Jillaaka Rabilla, sabo wo nyalaande majjum pay mburtinirammi on geɓe geɓe ley leydi Misira. Miccitoɗon, nyalaande ndeen laatanoo on yamiroore heddotoonde ley jamaanuuji garooji fuu faa abada.

Wurtagol 12:17 ပူးပေါင်းရင်းမြစ်များ

Wurtagol 12:14

Nyalaande ndeen laatanto on nyalaande miccintinoore faa ngaɗanon kam miin Joomiraaɗo iidi mawɗo. Nde laatanoo on yamiroore heddotoonde ley jamaanuuji garooji fuu faa abada.

Wurtagol 12:24

Ɗum laatanto on yamiroore onon e ƴuwdi mooɗon faa abada.

Wurtagol 12:41

Nde duuɓi 430 ɗiin kiɓɓunoo fu, ley nyalaande majjum pay jamaare Joomiraaɗo ndeen fuu wurtorii leydi Misira geɓe geɓe.

Wurtagol 12:6

Kiilnoɗon nde faa nyannde 14 lewru ndu. Wakkati caamal naange yimɓe Israa'iila fuu kirsa dammucce cuɓaaɗe ɗeen.

Wurtagol 13:10

Ndelle kakkilanon iidi oon ley hitaande fuu si wakkati muuɗum warii.

Wurtagol 13:3

Ndeen Muusaa wi'i yimɓe ɓeen: — Miccoɗon nyalaande nde, wo nyalaande nde mburtiɗon Misira, ley leydi maccungaaku, sabo wo junngo Joomiraaɗo semmbiɗingo wurtini on. Taa nyaamon huunde fuu ko jillaa rabilla.

Wurtagol 13:8

Nyannde iidi ndeen, pillanoɗon ɓiɓɓe mooɗon, mbi'on ɗum'en: Min ngaɗii ɗum saabe ko Joomiraaɗo waɗani min nyannde nde min mburtinoo leydi Misira ndeen.

Wurtagol 34:18

Ngaɗaa iidi Buuru mo Jillaaka Rabilla. Nyaamron buuru oon balɗe jeɗɗi hono no njamirmi on noon. Ngaɗon iidi oon ley lewru Abib, sabo wo ley mayru mburtiɗon leydi Misira.

Wurtagol 6:26

Haaruuna e Muusaa inndaaɓe ɗo ɓeen jaati ngoni ɓe Joomiraaɗo yamirnoo mburtinira jamaare muuɗum, Israa'iila'en ley leydi Misira geɓe geɓe.

Wurtagol 7:5

Nde njowoymi junngo am ngo baawɗe ngoon dow Misira faa mi wurtina Israa'iila'en hakkunde maɓɓe fu, Misirankooɓe paaman wo miin woni Joomiraaɗo.

Limle 20:16

Ndeen min mbullitii Joomiraaɗo de nani bojji amin. O neli maleyka wurtini min leydi Misira. Inan miɗen ngoni Kaades, galluure wonnde keerol leydi maaɗa.

Fillitagol 16:3

Wakkati iidi oon fuu, taa nyaamon ko jillaa rabilla. Ley balɗe jeɗɗi ɗeen fuu, nyaamon buuru mo jillaaka rabilla. Buuru oon wo miccintinoowo on torra, sabo e henyaare mburtoriɗon leydi Misira. Noon ngatton faa miccitoɗon nyannde mburtinoɗon leydi Misira faa haddi balɗe mon fuu.