Wurtagol 12:15 - Dewtere Laamɗo Fulfulde Burkina Faso

¹⁵ Balɗe jeɗɗi nyaamirton buuru mo jillaaka rabilla. Nyannde arandeere ndeen, itton rabilla tawaaɗo ley cuuɗi mon fuu. Sabo neɗɗo nyaamuɗo buuru gattaaɗo rabilla hakkunde nyalaande go'aɓerde e nyalaande jeɗɗaɓerde ndeen fu, ittete hakkunde lenyol Israa'iila.

Wurtagol 12:15 ပူးပေါင်းရင်းမြစ်များ

Fuɗɗoode 17:14

Gorko mo taadaaka fu ittete e yimɓe muuɗum, sabo joomum bonnii amaana am oon.

Isira 6:22

Katin du, ɓe ngaɗi Iidi Buuru mo Jillaaka Rabilla faa hewti balɗe jeɗɗi ley seyo, sabo Joomiraaɗo hokkii ɓe seyo nde meemunoo ɓernde Koores kaananke Asuura de walli ɓe dow nyiɓitaade suudu Dewal Laamɗo Israa'iila.

Wurtagol 12:8

Ley jemma oon, ɓe nduppa teewu nguun, ɓe nyaamda ngu e buuru mo jillaaka rabilla e haakooji kaaɗuɗi.

Wurtagol 13:3

Ndeen Muusaa wi'i yimɓe ɓeen: — Miccoɗon nyalaande nde, wo nyalaande nde mburtiɗon Misira, ley leydi maccungaaku, sabo wo junngo Joomiraaɗo semmbiɗingo wurtini on. Taa nyaamon huunde fuu ko jillaa rabilla.

Wurtagol 23:15

Ngaɗaa iidi Buuru mo Jillaaka Rabilla. Balɗe jeɗɗi nyaamirtaa buuru mo jillaaka rabilla hono no njamirmaami noon. Ngaɗaa iidi oon ley lewru Abib, sabo wo ley leyru nduun mburtinoɗaa leydi Misira. Taa ngaraa yeeso am juuɗe ɓole.

Wurtagol 30:33

Neɗɗo fuu gaɗuɗo iri majjam naa du jooranɗo ɗam goɗɗo mo wanaa almaami fuu ittete e lenyol.

Wurtagol 30:38

Neɗɗo gaɗuɗo iri mayri faa nana uurngol mayri fuu, ittete e lenyol.

Wurtagol 31:14

Kaybanon nyalaande ndeen, sabo wo nde seniinde saabe mooɗon. Mbonkiiɗo nde de golli nyalaande ndeen fuu wo itteteeɗo e lenyol de waree.

Wurtagol 34:18

Ngaɗaa iidi Buuru mo Jillaaka Rabilla. Nyaamron buuru oon balɗe jeɗɗi hono no njamirmi on noon. Ngaɗon iidi oon ley lewru Abib, sabo wo ley mayru mburtiɗon leydi Misira.

Wurtagol 34:25

Nde kirsantaa kam kirsamaaji fu, taa kawrondinaa e buuru jillaaɗo rabilla. Kirsamaari maaɗa saabe sadaka iidi Faltagol ndiin jeyaa heddaade waalta.

Lewinkooɓe 17:10

Si Israa'iilanke maa janano gonduɗo e muɓɓen nyaamii ƴiiƴam ko ɗam laatii fu, mi ummanto joomum de mi itta ɗum e suudu bammum.

Lewinkooɓe 17:14

Sabo wo ƴiiƴam woni yonki ko woodi teewu fuu. Ndelle ɗuum saabii de mbiimi Israa'iila'en: On njeyaa nyaamude ƴiiƴam fay ngootam sabo ƴiiƴam woni yonki ko wuuri fuu. Nyaamuɗo ɗam fuu, ittetee e suudu bammum.

Limle 28:17

Nyalaande 15 lewru nduun, hiiro iidi ngoon fuɗɗata. Ngo waɗiree balɗe jeɗɗi. Buuru mo Jillaaka Rabilla tan nyaametee haddi balɗe jeɗɗi ɗeen fuu.

Limle 9:13

Ammaa si tawii joomum na laaɓani waɗude iidi oon wooɗi du yahaay jahaangal boɗɗungal de waɗaay ɗum nyannde ɗum jeyi waɗeede fu, ittee e suudu bammum de hakke muuɗum dekoo dow hoorem.

Matta 16:12

Ndeen taalibaaɓe ɓeen paami o wi'aay ɓe ndeentoo e ko ƴuufinta buuru ɗuum, ammaa ɓe ndeentoo e ko Farisa'en e Saduki'en njannginta ɗuum.

Luuka 12:1

Wakkati oon yimɓe ujunaaje sowre kawriti faa ina njaaɓundura. Ndeen Iisaa wi'i taalibaaɓe mum ɓeen: — Ndeentee e rabilla Farisa'en, ɗum woni naafikaare.

Luuka 2:43

Nde iidi ndiin tilinoo ndeen, ɓe njeccii ɓe kooti, ammaa Iisaa ɓiyiiɓe oon heddake Urusaliima, tawi ɓe paamaay.

Golle Nelaaɓe 12:3

Nde o yiinoo iɗum weli Alhuudiyankooɓe ndeen, o nanngi Piyeer du. Ɗum hawri e wakkati Iidi Buuru mo Jillaaka Rabilla.

Galaatiyankooɓe 5:12

Jiiɓooɓe on yiɗuɓe taadagol ɓeen, ɓe coortitoo!

Fillitagol 16:3

Wakkati iidi oon fuu, taa nyaamon ko jillaa rabilla. Ley balɗe jeɗɗi ɗeen fuu, nyaamon buuru mo jillaaka rabilla. Buuru oon wo miccintinoowo on torra, sabo e henyaare mburtoriɗon leydi Misira. Noon ngatton faa miccitoɗon nyannde mburtinoɗon leydi Misira faa haddi balɗe mon fuu.

Fillitagol 16:5

Taa ngaɗon iidi Faltagol oon ley galluuje ɗe Joomiraaɗo, Laamɗo mooɗon hokkata on njooɗoɗon ɗeen fuu.

Fillitagol 16:8

Ley balɗe jeegom ɗeen fuu, nyaamon buuru mo jillaaka rabilla. Nyalaande jeɗɗaɓerde ndeen, ngaɗon kawrital manngal saabe Joomiraaɗo, Laamɗo mooɗon. Taa ngollon fay gootum nyannde ndeen.