Wurtagol 11:3 - Dewtere Laamɗo Fulfulde Burkina Faso

³ Joomiraaɗo waɗi yimɓe Israa'iila keɓi moƴƴere e gite yimɓe Misira. Katin du Muusaa wo teddinaaɗo sanne ley leydi Misira, yeeso gollooɓe Fira'awna e yeeso yimɓe leydi ndiin fuu.

Wurtagol 11:3 ပူးပေါင်းရင်းမြစ်များ

Fuɗɗoode 12:2

Mi waɗete lenyol manngol, mi barkinte, mi mawninan innde maa. Yimɓe fuu keɓan barke saabe maaɗa.

Fuɗɗoode 39:21

ammaa Joomiraaɗo wondi e makko, waɗani o moƴƴere. O waɗi hooreejo kasu oon du yiɗi Yuusufi, laatanii ɗum moƴƴuɗo.

2 Samuwiila 7:9

Miɗo wondi e maa nokku fuu to njahuɗaa. Mi ittii wayɓe ma fuu yeeso maa. Joonin du, mi mawninan innde maaɗa hono inɗe ɓurɓe teddude ley adunaaru.

Ester 9:4

Mordakay laatii neɗɗo teddinaaɗo sanne ley laamordu kaananke Jerjes. Kabaaru teddeengal makko sankitii e leyɗe fuu, wooɗi manngu innde makko na ɓeydoo weeti fu.

Wurtagol 12:35

Israa'iila'en ngaɗi ko Muusaa yamirnoo ɗum'en: Ɓe ndookii Misirankooɓe gineeji gaɗiraaɗi kaŋŋe e cardi e kaddule.

Wurtagol 12:36

Joomiraaɗo waɗi ɓe keɓi moƴƴere yeeso Misirankooɓe ɓeen. Ɓeen kokki ɓe ko ɓe ndookii fuu. Noon ɓe ɓoliri Misirankooɓe.

Wurtagol 3:21

Mi waɗan keɓon moƴƴere yeeso yimɓe Misira faa nde mburtoytoɗon leydi maɓɓe ndiin fu, taa mburtoɗon juuɗe ɓole.

Golle Nelaaɓe 7:22

Hono noon Muusaa janngiri anndal Misirankooɓe fuu, o laatii barkinaaɗo e haalaaji e golle fuu.

Fillitagol 34:10

Annabaajo hono Muusaa, mo Joomiraaɗo haaldi hunnduko e hunnduko, waɗaay leydi Israa'iila faa warde hannden.

Fillitagol 34:11

Fay gooto hewtaay o e waɗude maandeeji kaayniiɗi kulɓiniiɗi ɗi Joomiraaɗo neli o o waɗowi ley leydi Misira, yeeso Fira'awna e gollooɓe muuɗum e leydi ndiin fuu.

Yoosuwa 4:14

Nyalaande majjum Joomiraaɗo teddinii Yoosuwa yeeso Israa'iila'en. Ɓe kuli mo hono no ɓe kulirnoo Muusaa ley nguurndam muuɗum ni.

Holleede 3:9

Haya, mi neldete jeyaaɓe e kawrital rewooɓe Seyɗaani wiitotooɓe wo Alhuudiyankooɓe tawee ɓe fenooɓe, ɓe nganaa. Mi doolɗan ɓe ɓe ngara ɓe cujidowa to koyɗe maa. Ndeen ɓe paaman mi yiɗii ma.