Wurtagol 10:23 - Dewtere Laamɗo Fulfulde Burkina Faso

²³ Fay gooto yi'ataa banndum. Fay gooto ummaaki nokku ɗo wonnoo faa waɗi balɗe tati. Ammaa Israa'iila'en kaa ina ngoodi annoora to njooɗii toon.

Wurtagol 10:23 ပူးပေါင်းရင်းမြစ်များ

Wurtagol 14:20

Nde woni hakkunde hoɗorde Misirankooɓe e hoɗorde Israa'iila'en. Ruulde ndeen waɗa nimre to Misirankooɓe, ammaa to Israa'iila'en kaa, nde waɗa annoora. Ɗum waɗi de koɗorɗe ɗiɗi ɗeen keɓaay ɓattondirde ley jemma oon fuu.

Wurtagol 7:25

Ndiyam maayo ngoon heddorii noon faa hiɓɓi balɗe jeɗɗi gaɗa ko Joomiraaɗo fiyi ngo ɗuum.

Wurtagol 8:18

Ammaa nyannde majjum mi reenan leydi Goosan ɗo yimɓe am njooɗii ɗoon. Mbuubu ŋatoowu fay ngootu yi'ataake toon. Noon paamirtaa miin Joomiraaɗo miɗo woni ley leydi ndii.

Wurtagol 8:19

Mi waɗan keerol hakkunde yimɓe am e yimɓe maaɗa. Jaango maande haayniinde ndeen waɗan.»

Wurtagol 8:22

Ndeen Muusaa wi'i: — Noon dagaaki! Sabo ko min kirsanta Joomiraaɗo, Laamɗo amin ɗuum wo ko nyiddinii to Misirankooɓe. Wooɗi si min ngaɗii kirsamaaji yeeso Misirankooɓe, wanaa ɓe paɗɗan min kaaƴe ɓe mbara min naa?

Wurtagol 9:26

Leydi Goosan to yimɓe Israa'iila njooɗii toon tan woni to marmalluuje toɓaay.

Wurtagol 9:4

Ammaa Joomiraaɗo senndan kulle Israa'iila'en e kulle Misirankooɓe. Ley kulle Israa'iila'en fuu fay gootel waatataa.»

Amos 4:7

Miin kaa, mi salanake on ƴuwoonde, gilla tayri na heddii lebbi tati. Ngaɗumi ƴuwoonde toɓi dow galluure ndee, de ɗalumi galluure ndee too toɓo, ngesa ngaa heɓi ndiyam de ngaa too na wondi e yooro.

Koloosiyankooɓe 1:13

O wurtinii en e baawɗe nimre, de o nanni en e laamu Ɓiyiiko korsuɗo

Yoosuwa 24:7

Ndeen ɓe ƴeewnii kam mi walla ɓe. Ngaɗumi nimre hakkunde maɓɓe e Misirankooɓe. Mi waɗii ndiyam maayo suddii Misirankooɓe, ɗam moɗi ɓe. Onon e ko'e mon on nji'ii ko ngollumi Misirankooɓe. «Caggal ɗuum on mbuurii nder ladde yoornde faa waɗi duuɓi keewɗi.

1 Piyeer 2:9

De onon kaa, wo on lenyol cuɓaangol, wo on almaami'en gollanooɓe Kaananke oon, wo on lenyol ceniingol, wo on yimɓe ɓe Laamɗo suɓanii hoore muuɗum. O suɓake on faa kaalon kabaaru moƴƴuki makko, kanko nodduɗo on ƴuuwde e nimre warude e annoora makko kaayniiɗo oon!